Атырау облысында әлеуметтік қорғау саласының қызметкерлері марапатталды

Ағымдағы жылдың 22 қазаны Әлеуметтік қорғау саласы қызметкерлерінің күніне орай салтанатты жиын өтіп, әлеуметтік қорғау саласының дамуына үлес қосып, кәсіби міндеттерін абыроймен атқарып жүрген мамандарға бірқатар марапат табысталды.
Оның ішінде, Қазақстан Республикасы Еңбек және халықты әлеуметтік қорғау министрлігінің еңбекті қорғау саласындағы сіңірген еңбегі үшін “Еңбек ардагері” медалімен Б.Истеловов, “Салаға қосқан үлесі үшін” медалімен С.Жанесенов марапатталды.
Қазақстан Республикасы Еңбек және халықты әлеуметтік қорғау министрлігінің Құрмет грамотасы талдау жұмысы бөлімінің басшысы С. Убигалиеваға, Алғыс хаты еңбек заңнамасы бөлімінің бас маманы Д.Қалымовқа, кеңсе бөлімінің маманы А.Жұмағалиеваға табыс етілді.
Сонымен қатар, 25 қазан - Республика күніне орай, Атырау облысы бойынша мемлекеттік қызмет істері агенттігі Департаментінің Алғыс хатымен еңбек заңнамасы бөлімінің бас маманы М.Губайдуллин және облыс әкімінің Алғыс хатымен Департаменттің іс-қағазын жүргізу инспекторлары Г.Мұханаева, Б.Қадыров, мұрағатшы М.Хамзина марапатталды.