Құрметті түркістандықтар!
Сіздерді 25 қазан – Республика күнімен шын жүректен құттықтаймыз!
Республика күні – еліміздің егемендікке бастаған тарихи қадамын айшықтайтын, ұлттық бірлік пен елдік рухты дәріптейтін маңызды мереке.
1990 жылы қабылданған Мемлекеттік егемендік туралы Декларация – халқымыздың азаттық жолындағы асыл мұратының жүзеге асқанын айғақтайды.
Бүгінде рухани астана Түркістан жаңарып, өркендеп, еліміздің дамуына өзіндік үлесін қосып келеді. Қаламыздың көркеюі мен мемлекетіміздің нығаюы – әрбір азаматтың еңбегі мен ортақ жауапкершілігінің нәтижесі.
Баршаңызға зор денсаулық, отбасыларыңызға амандық, бақ-береке мен толағай табыс тілейміз!
Еліміз еңселі, бірлігіміз бекем, тәуелсіздігіміз тұғырлы болсын!
