Қараңғылауға тыйым салынған: Павлодарда талапты бұзған жүргізушілер анықталуда

Алдыңғы әйнек пен алдыңғы бүйірлік әйнектерді жүргізушінің көру мүмкіндігін шектейтіндей қараңғылау жол қозғалысы қауіпсіздігіне қауіп төндіреді. Белгіленген талаптарға қарамастан, кейбір автокөлік жүргізушілері әлі де көріну деңгейін төмендететін үлдірлер мен басқа да жабындарды қолдануды жалғастыруда.
Кезекті патрульдеу кезінде Павлодар қаласында патрульдік полиция батальонының қызметкерлері Н. Назарбаев көшесінде алдыңғы бүйірлік әйнектеріне белгіленген талаптарға сәйкес келмейтін қараңғылағыш жабын орнатылған бірнеше автокөлікті тоқтатты.
– Белгіленген техникалық регламенттер талаптарына сәйкес келмейтін көлік құралдарын басқарған жүргізушілер әкімшілік жауапкершілікке тартылды, – деп хабарлады Павлодар қаласы Полиция басқармасы патрульдік полиция батальоны командирінің міндетін атқарушы Ғабит Әзбердиев.
Жүргізушілер әйнектерді қараңғылауды жайлылықпен байланыстырады: мұндай жабын салонды күн сәулесінен қорғауға көмектеседі. Алайда жеке жайлылық жүргізушінің, жолаушылардың және жол қозғалысына қатысушылардың қауіпсіздігіне қатер төндірмеуі тиіс.
Жыл басынан бері Павлодар облысында осы бап бойынша 9 554 құқық бұзушылықтың жолы кесілді.
Полиция қызметкерлері автокөлік жүргізушілерін белгіленген талаптарды сақтауға, көру мүмкіндігін шектейтін жабындар мен құрылғыларды пайдаланбауға шақырады. Жолдағы қауіпсіздік әрбір жүргізушінің жауапкершілігінен басталатынын еске салады.