Бейнебақылау камераларын бақылау, 102 арнасына түскен хабарламаларды қабылдау және полиция жасақтарын оқиға орнына бағыттау. Жедел басқару орталығы қызметкерлерінің жұмысы осындай бірқатар міндеттерден тұрады.
Олардың көмегімен жыл басынан бері Атырау облысында бейнебақылау камералары арқылы 30 510 әкімшілік құқық бұзушылық тіркелді. Сонымен қатар 102 арнасына 83 286 хабарлама келіп түсті.
Осы бағытта 2023 жылдан бері қызмет етіп келе жатқан Жедел басқару орталығының инспектор-кезекшісі, полиция аға лейтенанты Жадыра Жұмағалиева әр хабарламаның дер кезінде тексеріліп, тиісті қызметтерге жеткізілуі маңызды екенін айтады.
- Біздің қызметте әрбір секунд маңызды. Уақытылы қабылданған шешім оқиғаның нәтижесіне әсер етуі мүмкін, - дейді ол.
