15 тәулікке қамауға алу, 7 жылға басқару құқығынан айыру: ақмола тұрғыны есірткі қолданып көлік жүргізгені үшін жазаланды

15 тәулікке әкімшілік қамауға алу және көлік құралдарын басқару құқығынан 7 жылға айыру-мұндай жаза есірткіні қолданып, рульге отырған жүргізушіге тағайындалды.
Елорда тұрғынының басқаруындағы Haval M6 автокөлігін полиция қызметкерлері Астана — Атбасар — Жақсы автожолында тоқтатты. Стационарлық постта қызмет ету кезінде патрульшілердің назарын көлікті жүргізу тәсілі аударды.
Тексеру кезінде жүргізушіде есірткілік мас болуының сыртқы белгілері анықталды. Сонымен қатар, полицейлер ерекше иіс сезді. Жүргізілген медициналық куәландыру каннабиноидтарды қолдануды растады.
Ер адамға қатысты әкімшілік материал жиналды. Сот шешімі бойынша оған 7 жыл мерзімге көлік құралдарын басқару құқығынан айыра отырып, 15 тәулік әкімшілік қамаққа алу түріндегі жаза тағайындалды.
Полиция еске салады: есірткілік мас күйінде көлік жүргізу жол қозғалысының барлық қатысушыларының өмірі мен денсаулығына қауіп төндіреді. Жүргізуші өз дағдыларына сенімді болса да, заттарды қолдану зейінді азайтады, реакцияны баяулатады және жол жағдайын объективті бағалауға кедергі келтіреді.