Тараз қаласындағы «Тектұрмас» этнотарихи кешенінде «Вандализмге жол жоқ» акциясы ұйымдастырылды. «Әділет» партиясы Жамбыл облыстық филиалының Жастар қанаты өткізген іс-шараға 50-ге жуық жас қатысып, тарихи орын аумағындағы 150-ге жуық граффити жазуын өшірді.
Акцияның негізгі мақсаты – тарихи-мәдени мұраны қорғау, қоғамдық орындардың тазалығын сақтау және жастар арасында вандализмнің алдын алу.
Ұйымдастырушылардың айтуынша, тарихи орындарға құрмет көрсету – әр азаматтың жауапкершілігі. Ескерткіштерді бүлдірмеу, қоғамдық мүлікке ұқыпты қарау және туған өлкенің мұрасын сақтау ортақ міндет болып табылады.
Тарихи мұраны сақтау – өткенге құрмет, болашаққа аманат!
