«Қауіпсіз үй» жедел-профилактикалық іс-шарасы аясында Бейнеу ауданында профилактикалық рейдтік іс-шаралар жүргізілді.
Іс-шара барысында құрамындағы этил спиртінің көлемдік үлесі 30 пайыздан асатын алкоголь өнімінің бір данасын 1 500 теңгеге белгіленген уақыт аралығында бөлшек сауда арқылы өткізу фактісі анықталды.
Аталған дерек бойынша Қазақстан Республикасының Әкімшілік құқық бұзушылық туралы кодексінің 200-бабының 6-бөлігінің 3) тармағына сәйкес әкімшілік құқық бұзушылық туралы хаттама толтырылды.
Сонымен қатар кәсіпкерлік субъектілеріне алкоголь өнімдерін өткізу кезінде қолданыстағы заңнама талаптарын сақтау бойынша түсіндіру жұмыстары жүргізілді.
Бейнеу ауданы Полиция бөлімі
