Астана қаласында Қазақстандағы су саясаты жөніндегі ұлттық диалог бойынша Ведомствоаралық үйлестіру кеңесінің 9-отырысы өтті. Оған халықаралық сарапшылар, мемлекеттік органдардың және мүдделі ұйымдардың өкілдері қатысты.
2025 жылғы 10 желтоқсанда Қазақстан Су және денсаулық проблемалары жөніндегі хаттаманы ратификациялады. 2026 жылғы 5 қаңтарда қосылу туралы құжат депозитарийге тапсырылып, Қазақстан Хаттаманың 30-шы Тарапы болды. 2026 жылғы 5 сәуірден бастап Хаттама Қазақстан Республикасы үшін күшіне енді.
Санитариялық-эпидемиологиялық бақылау комитеті Хаттама ережелерін практикалық іске асыруға кірісті. Негізгі басымдықтар – ұлттық нысаналы көрсеткіштерді қалыптастыру, нормативтік-құқықтық базаны жетілдіру және ведомствоаралық өзара іс-қимылды нығайту.
Халықтың су мен санитарияға тең қолжетімділігіне өзін-өзі бағалау жүргізіліп, ол жүйелі кедергілерді анықтауға және одан әрі жұмыстың басым бағыттарын айқындауға мүмкіндік берді.
Отырыста сондай-ақ климаттың өзгеруі мен төтенше жағдайлар жағдайында сумен жабдықтау жүйелерінің орнықтылығын арттыру, халықты қауіпсіз ауызсумен, санитариямен және гигиена құралдарымен қамтамасыз ету мәселелері талқыланды.
Хаттаманы іске асыру Қазақстан халқының санитариялық-эпидемиологиялық саламаттылығын нығайтуға және өмір сүру сапасын арттыруға бағытталған.
