Абылай хан атындағы Қазақ халықаралық қатынастар және әлем тілдері университетінің қабырғасында Мұғалімдер күніне арналған мерекелік концерт өтті. Іс-шара ұстаздар мен тәрбиешілерге деген құрметтің белгісіне айналып, олардың өскелең ұрпақты тәрбиелеу мен қоғамның дамуына қосып жүрген маңызды үлесін айшықтады.
Алмалы ауданы әкімдігінің ұжымы, аудан тұрғындары, ата-аналар мен оқушылар атынан педагогтерге кәсібіне деген адалдығы, жоғары кәсібилігі және балалардың болашағына қосып жүрген зор еңбегі үшін шынайы алғыс білдірілді.
Іс-шараның ресми бөлімінде Алмалы ауданының үздік ұстаздары мен тәрбиешілерін марапаттау рәсімі өтті. Олардың кәсіби біліктілігі, жауапкершілігі және өз ісіне деген адалдығы лайықты марапаттармен атап өтілді.
Ұстаз – болашақты қалыптастыратын мамандық
Білім мен тәрбие – ел болашағының берік негізі. Ұстаздың міндеті тек білім берумен шектелмейді. Ол жас ұрпақтың бойына адамгершілік құндылықтарды, отансүйгіштікті, жауапкершілік пен еңбекқорлықты сіңіруге зор үлес қосады.
Күн сайын педагогтер балаларға өз қабілеттерін ашуға, таланттарын дамытуға, жаңа білім игеруге және алға қойған мақсаттарына сенімді түрде ұмтылуға көмектеседі. Олардың еңбегі – әрбір баланың тұлға ретінде қалыптасуы мен тұтас қоғамның дамуына қосылатын күнделікті үлес.
Алмалы ауданы педагогтерінің жоғары кәсібилігі мен жауапкершілігі ерекше құрметке лайық. Олардың тынымсыз еңбегінің арқасында мектептер білім алатын орын ғана емес, мыңдаған бала үшін дамуға, шығармашылыққа, қарым-қатынасқа және жаңа мүмкіндіктерге жол ашатын ортаға айналып отыр.
Музыка мен шығармашылыққа толы мерекелік кеш
Мерекелік бағдарлама қонақтарға көтеріңкі көңіл-күй мен ерекше әсер сыйлады. Музыкалық құттықтауларды жүргізуші Дидар Қаден, белгілі өнерпаздар Нұрлан Абдуллин, Нұрмұхаммед Жақып және Нұрсұлтан Нұрбердиев орындады.
Кештің ерекше сәнін «KUBINOS BAND» тобының өнер көрсетуі мен талантты би ансамбльдерінің қойылымдары келтірді. Әуезді әндер, әсерлі билер мен жүрекжарды алғыс сөздер педагогтерді, ата-аналарды, оқушыларды және аудан әкімдігінің өкілдерін бір арнаға тоғыстырып, мерекелік ерекше атмосфера қалыптастырды.
Мұғалімдер күні – балаларға білім нәрін беріп, олардың қабілетін ашуға, өз жолын табуға және болашаққа нық қадам басуына бағыт-бағдар беріп жүрген жандарға алғыс айтудың ерекше мүмкіндігі.
Еңбектеріңіз, төзімдеріңіз, парасат-пайымдарыңыз және ұрпақ болашағына қосып жүрген өлшеусіз үлестеріңіз үшін алғысымыз шексіз!
