1 қазан күні Жітіқара ауданының әкімі, аудандық мәслихат төрағасы, аудан әкімінің орынбасарлары, мемлекеттік мекемелердің басшылары мен қала құраушы кәсіпорындардың өкілдері ел дамуына елеулі үлес қосқан аға буын өкілдерін құттықтады.
Сол күні Жітіқара қаласының АМС үлкен залында «Өмірдің алтын жолдары» атты мерекелік іс-шара өтті. Аудан әкімі А. А. Жаныспаев қатысушыларға арнап құттықтау сөз сөйледі.
Ауданның жеті тұрғынына ұрпақтар сабақтастығын сақтауға қосқан үлесі және жастарға патриоттық тәрбие беруге белсенді қатысқаны үшін аудан әкімінің алғыс хаттары табысталды.
Қонақтар үшін ауданның шығармашылық ұжымдары мен орындаушыларының қатысуымен концерттік бағдарлама дайындалды. Сахнадан әндер шырқалып, би нөмірлері мен театрландырылған қойылымдар ұсынылды.
Мереке жылы әрі достық атмосферада өтіп, қонақтарға көтеріңкі көңіл-күй мен жағымды әсер сыйлады.
