Дүниежүзілік туризм күніне орай Қарағанды хайуанаттар бағы табиғаттың қос қорғаушысы — Ақ қасқыр мен Қара қасқырдың бастауымен ерекше экосаяхатқа шақырады.
Қатысушыларды квесттер мен түрлі сынақтарға толы арнайы маршрут күтеді. Әр отбасы нағыз туристік экспедиция мүшесіне айналып, арнайы карта алады, тақырыптық бекеттерден өтеді, байқампаздығы мен ептілігін сынап, командалық жұмыс қабілетін көрсетеді. Саяхат барысында қатысушылар өздерінің «Экосаяхатшы кодын» жинақтайды.
Бағдарлама аясында «Қара қасқырдың тайгадағы ізі» және «Ақ қасқырдың Арктикалық соқпағы» атты бағыттар, отбасылық командалық тапсырмалар мен экспедиция лагері ұйымдастырылады. Саяхат қасқырлар қоршауының маңында қорытындыланады. Мұнда қонақтар жануарларды азықтандырудың арнайы көрсетілімін тамашалап, жануарлар ортасын байыту элементтерімен таныса алады.
Мерекелік шараның ерекше көңіл-күйін жануарлар бейнесіндегі биік қуыршақтар толықтырады. Олар қонақтарды іс-шара басталған сәттен бастап қарсы алып, саяхатқа көтеріңкі көңіл күй сыйлайды.
Жас саяхатшылар мен олардың ата-аналарын 27 қыркүйекте Қарағанды хайуанаттар бағында күтеді. Іс-шара сағат 13:00-де басталады.
