Алматы қаласының әкімдігі «Алматы қаласында жер салығының базалық мөлшерлемесін арттыру және жерге салық салу мақсатында бағалау аймақтарына бөлу схемасы туралы» Алматы қаласы мәслихаты шешімінің жобасы «Ашық НҚА» порталында жарияланғанын хабарлайды.
Жоба 2025 жылғы 18 шілдедегі № 214-VIII ҚР Заңымен қабылданған және 2026 жылғы 1 қаңтардан бастап күшіне енген Қазақстан Республикасының жаңа Салық кодексінің 582-бабы 1-тармағына, сондай-ақ «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының Заңының 6-бабына сәйкес әзірленді. Жобаны қабылдаудың мақсаты – қолданыстағы шешімдерді жаңартылған заңнама талаптарына сәйкестендіру; жерге салық салуда қолданылатын параметрлерді өзектендіру; қаланың дамуын ескере отырып, салық салу жүйесін жетілдіру.
Нормативтік-құқықтық актіні қабылдау теріс әлеуметтік-экономикалық салдарға әкелмейді.
Жобаны талқылауға қатысу үшін «Ашық НҚА» порталындағы https://legalacts.egov.kz/npa/view?id=15907070 сілтемесі арқылы өтуге шақырамыз.