Жамбыл облысы - Қазақстан Республикасының оңтүстігінде орналасқан аймақ.
Құрылған күні - 1939 жылғы 14 қазан. Әкімшілік орталығы - Тараз қаласы.
Жамбыл облысы әкімінің аппараты әкімдік пен облыс әкімінің қызметін басқаруды және бақылауды, ұйымдастырушылық, құқықтық, ақпараттық-талдамалық, кеңестік және материалдық-техникалық қамтамасыз етуді жүзеге асырады.
Облыс әкімінің 2025 жылғы 30 желтоқсандағы Жамбыл ауданына жұмыс сапары барысында көтерілген сұрақтар мен ұсыныстарды іске асыру жөніндегі іс-шаралар жоспарының орындалуы жөнінде ақпарат
Облыс әкімінің 2025 жылғы 30 желтоқсандағы Жамбыл ауданына жұмыс сапары барысында көтерілген сұрақтар мен ұсыныстарды іске асыру жөніндегі іс-шаралар жоспарының орындалуы жөнінде ақпарат Р/с № Іс-шараның атауы Іске асыру мерзімі Жауапты орындаушылар Орындалуы 1. Аудандық орталық аурухананы реконструкциялау және жапсаржай салу мәселесі бойынша ұсыныс енгізу. 2026 жылдың соңына дейін Облыс әкімдігінің денсаулық сақтау басқармасы, Жамбыл ауданының әкімі (жинақтау) Жамбыл аудандық ауруханасының ғимараты 2004 жылы пайдалануға берілген, сол уақыттан бері күрделі жөндеу жұмыстары жүргізілмеген. Ғимараттың жалпы ауданы 5329,7 м2, сыйымдылығы 115 төсек-орнын құрайды. 2024 жылдың қыркүйек айында жобалық-сметалық құжаттамалары толығымен әзірленіп, мемлекеттік сараптамадан өтіп, оң қорытынды алынған. Қазіргі таңда аталған жобаны қаржыландыру мәселесі қарастырылуда. Орындалу үстінде. 2. Аудандық ауруханада орналасқан жеделсатының (лифт) техникалық жай-күйін тексеріп, 2026 жылдың наурыз айына дейін жөндеу жұмыстарын жүргізу. 2026 жыл 1 наурыз Облыс әкімдігінің денсаулық сақтау басқармасы, Жамбыл ауданының әкімі (жинақтау) Аудандық емхана ғимараты 2013 жылы қолданысқа берілген. Емхана ауысымына 250 келушіге арналған.. Сонымен қатар, аудандық емхананың ғимаратының 3-ші қабатында «Жамбыл облыстық арнаулы әлеуметтік қызметтер көрсету балалар орталығы» КММ филиалы орналасқан. Орталық 2014 жылдан бастап жұмыс істеп келеді, 25 балаға арналған. Бүгінгі күнге 1,5-15 жас аралығындағы мүмкіндігі шектеулі 23 бала оңалту шараларын қабылдауда. Ағымдағы жылдың 10 ақпанында аудандық емхананың жүк көтерімділігі 1 тонналық 1 лифтің жөндеуіне "Lift Pro Service" ЖШС-мен №990240002166/260044/00 келісім-шарты жасалып, жөндеу жұмыстары 1 наурыз күні аяқталып, бүгінгі күнге емхананың мүмкіндігі шектеулі азаматтарға арналған лифті үздіксіз жұмыс жасап тұр. Орындалды. 3. Бесағаш ауылынан жеке тұрғын үй құрылысын жүргізу үшін «Қазақ ғылыми егіншілік шаруашылығы» ЖШС-нің 28 гектар жер телімі бойынша тиісті жұмыстар жүргізу. 2026 жыл соңына дейін Облыс әкімдігінің жер қатынастары басқармасы, Жамбыл ауданының әкімі (жинақтау) Бесағаш ауылының бас жоспарына енгізілген «Қазақ егіншілік және өсімдік шаруашылығы ғылыми-зерттеу институты» ЖШС-не тиесілі көлемі 28,89 гектар жер учаскесін мемлекет мұқтажы үшін алу мақсатында өтем ретінде Қызылқайнар ауылынан 50 гектар және Жамбыл ауылдық округінен 49 гектар баламалы жер учаскелері ұсынылды. Алайда серіктестік ұсынылған жер учаскелерін қабылдаудан бас тартуына байланысты қазіргі уақытта аталған жер учаскесін мемлекет мұқтажы үшін алып қою жөнінде сотқа талап арыз дайындалуда. Орындалу үстінде. 4 «QazGazAymaq» АҚ-ның Жамбыл аудандық филиалы басшысының аудан тұрғындарымен кездесуін, газ тұтыну есептегіштеріне (счетчик) қатысты мәселелер бойынша түсіндіру жұмыстарын жүргізуді ұйымдастыру 2026 жыл 1 ақпанға дейін Облыс әкімдігінің энергетика және тұрғын үй-коммуналдық шаруашылық басқармасы, Жамбыл ауданының әкімі (жинақтау) Аудан аумағында «QazGazAymaq» АҚ-ның Жамбыл аудандық филиалы басшысының қатысуымен барлық ауылдарда газ тұтыну есептегіштеріне (счетчик) қатысты мәселелер бойынша түсіндіру жұмыстары жүргізілді. Алдағы уақытта мәселе қатаң бақылауға алынып, түсіндіру жұмыстары өз жалғасын табатын болады. Орындалды. 5 Жамбыл ауданындағы елді мекендерде және Аса ауылында мобильді интернет мәселесін шешу. 2026 жылдың қаңтар айында тұрғындармен кездесу өткізіп, түсіндіру жұмыстарын жүргізу 2026 жыл қаңтар айы Облыс әкімдігінің цифрландыру және архивтер басқармасы, Жамбыл ауданының әкімі (жинақтау) 2026 жылдың 28 қаңтар күні облыс әкімдігінің цифрландыру және архивтер басқармасының басшысы Ш.Амантуров пен жауапты қызметкерімен Аса ауылындағы мобильді интернет мәселесін шешу үшін ауыл тұрғындарымен және мобильді интернетті қамтамасыз ететін негізгі операторлары (Kcell, Tele2) шақырылып, түсіндіру жұмыстары жүргізілді. Зерделеу жұмыстары жүргізіліп, Tele2-нің антеннасы қойылды. Орындалды. 6. Ауданда тұрақты жаңа жұмыс орындарын құру мақсатында инвестиция тарту жұмыстарын жандандырып, өндірістік және сервистік бағыттағы жаңа кәсіпорындар ашу. Тұрақты Облыс әкімдігінің кәсіпкерлік және индустриалды-инновациялық дамыту басқармасы, Жамбыл ауданының әкімі (жинақтау) 2026 жылға ауданға 39,5 млрд теңге инвестиция тарту жөнінде индикаторлық көрсеткіш белгіленген. Қазіргі таңда аудан аумағында 12 инвестициялық жобаның (жоба құны: 63,0 млрд) құрылысы басталып, мерзімдеріне сәйкес іске асыру жоспарлануда. Жобалар толық іске қосылуымен 258 жаңа жұмыс орыны ашылады деп күтілуде. Орындалу үстінде 7. Аса ауылында орналасқан «Амангелді ГӨЗ» ЖШС мұнай өңдеу зауытынан шығатын жағымсыз иісті болдырмау мақсатында экологиялық және санитарлық талаптарға сәйкес нақты шаралар қабылдау. 2026 жыл соңына дейін Жамбыл облысы экология департаменті (келісімі бойынша), облыс әкімдігінің энергетика және тұрғын үй-коммуналдық шаруашылық басқармасы, «Амангелді ГӨЗ» ЖШС-і Жамбыл ауданының әкімі (жинақтау) Аса ауылында орналасқан «Амангелді ГӨЗ» ЖШС-нің мұнай өңдеу зауытынан шығатын жағымсыз иістің алдын алу мақсатында бірқатар жұмыстар жүргізілді. Жамбыл ауданы әкімдігінің сұранысы негізінде ағымдағы жылдың 29-30 маусым күндері Жамбыл аудандық санитариялық-эпидемиологиялық бақылау басқармасы мен ҚР ДСМ Санитариялық-эпидемиологиялық бақылау комитетінің «Ұлттық сараптама орталығы» ШЖҚ РМК Жамбыл облыстық филиалының мамандары Аса ауылының атмосфералық ауасынан сынамалар алып, зертханалық зерттеулер жүргізді. Зерттеу нәтижесі Жамбыл облысы экология департаментіне жолданып, департамент тарапынан 2026 жылғы 13–22 шілде аралығында «Амангелді ГӨЗ» ЖШС-не қатысты жоспардан тыс экологиялық тексеру жүргізді. Тексеру барысында кәсіпорынның Қазақстан Республикасы Экологиялық кодексінің 321 және 335-баптарының талаптарын бұзғаны анықталды. Аталған заң бұзушылықтарға байланысты Қазақстан Республикасы Әкімшілік құқық бұзушылық туралы кодексінің 344-бабының 3 және 4-бөліктеріне сәйкес кәсіпорынға 1 730 000 теңге мөлшерінде әкімшілік айыппұл салынды. Сондай-ақ анықталған заң бұзушылықтарды жою және олардың қайталануына жол бермеу мақсатында кәсіпорынға міндетті нұсқама берілді. Қазіргі уақытта Жамбыл облысы бойынша Экология департаменті тарапынан кәсіпорынның экологиялық заңнама талаптарын сақтауына мемлекеттік бақылау тұрақты негізде жүзеге асырылуда. Орындалу үстінде 8. Гродеково ауылдық округінің Қызылдихан елді мекенінде орта мектеп салу бойынша бюджеттік өтінім ұсыну 2026 жылдың соңына дейін Облыс әкімдігінің құрылыс, білім басқармалары, Жамбыл ауданының әкімі (жинақтау) Қазіргі уақытта Қызылдихан ауылында №4 бастауыш мектебі жұмыс жасайды (ғимарат жеке меншік иелігінде),жобалық сыйымдылығы 36 орындық, 35 бала білім алуда, 1966 жылы салынған, ынғайласқан ғимаратта орналасқан. Қызылдихан ауылында тұратын 137 оқушы (5-11 сынып) 1 шақырым жерде орналасқан Гродеково орта мектебіне жаяу барып білім алуда. 150 орындық мектеп құрылысының жері әзірленіп, жобалық сметалық құжаттары және мемлекеттік сараптама қорытындысы алынған. Қазіргі таңда аталған жобаны қаржыландыру мәселесі қарастырылуда. Орындалу үстінде.
Жарияланды:
Ақпарат
Жамбыл облысының 2026 жылғы қаңтар-маусымдағы әлеуметтік-экономикалық дамуының қорытындысы
Жамбыл облысының 2026 жылғы қаңтар-маусымдағы әлеуметтік-экономикалық дамуының қорытындысы Жалпы өңірлік өнім 2026 жылдың 1 тоқсанында облыстың жалпы өңірлік өнімі 764,0 млрд теңгені, НКИ – 111,7%-ды құрады (2025 жылдың 1 тоқсанында – 690,9 млрд теңге, НКИ – 106,3%).Жан басына шаққандағы ЖӨӨ 628,8 мың теңгені құрады (2025 жылдың 1 тоқсанында – 656,5 мың теңге). Облыс бойынша 2026 жылғы қаңтар-маусымдағы қысқа мерзімді экономикалық индикатор 114,2% (ҚР -105,1%) деңгейінде қалыптасты. Экономиканың базалық салаларында өндіріс көлемінің өсуі байқалады (о.і. өнеркәсіпте -118,5%, ауыл, орман және балық шаруашылығында -103,3%,құрылыста -113,4%, саудада -103,2%, көлікте -111,8%, байланыста -104,0%). Өнеркәсіп 2026 жылғы қаңтар-маусымда өнеркәсіп өнімінің көлемі 718,7 млрд теңгені құрап, 2025 жылғы қаңтар-маусыммен салыстырғанда 18,5%-ға өсті. Тау-кен өндіру өнеркәсібі және карьерлерді қазуда 10,9%-ға (107,0 млрд теңге), өңдеу өнеркәсібінде - 25,7%-ға (478,5 млрд теңге),электр энергиясымен, газбен, бумен, ыстық сумен және кондиционерленген ауамен жабдықтауда - 6,9%-ға (128,7 млрд теңге),сумен жабдықтау, қалдықтарды жинақтау, өңдеу және жою, ластануды жою қызметтерінің көлемінде 1,5%-ға (4,5 млрд теңге) өсім байқалады. 2026 жылы Бірыңғай индустрияландыру картасы аясында инвестиция көлемі 195,4 млрд теңгеге, 831 жаңа жұмыс орнын құрумен, 4 өнеркәсіптік-инновациялық жоба іске асырылуда(«Kazakhstan Hydrogen Peroxide» ЖШС - сутегі пероксидін өндіру, құны - 30 млрд теңге, қуаттылығы – жылына 30,0 мың тонна, 96 жаңа жұмыс орны (Шу ауданы); «Talas Investment Company» ЖШС - натрий цианидін өндіру, құны - 25,8 млрд теңге, қуаттылығы - жылына 15,0 мың тонна, 150 жаңа жұмыс орны (Талас ауданы); «ЕвроХим-Қаратау» ЖШС - минералды тыңайтқыштар өндіру, құны - 136,0 млрд теңге, қуаттылығы - жылына 1,0 млн тонна, 500 жаңа жұмыс орны (Сарысу ауданы); «Alit Holding» ЖШС - силос қоймалары, шикізатты дайындау учаскесі, шикізат пен дайын өнім қоймалары бар құрғақ құрылыс қоспаларын (ҚҚҚ) өндіру цехын салу, құны - 3,6 млрд теңге, қуаттылығы - жылына 149 мың тонна, 85 жаңа жұмыс орны (Тараз қаласы)). Оның ішінде «ЕвроХим-Қаратау» ЖШС және «Alit Holding» ЖШС пайдалануға берілді. Ауыл, орман және балық шаруашылығы Агроөнеркәсіптік кешенді қолдауға 2026 жылы облыстық бюджеттен 36,8 млрд теңге субсидия бөлінді. 2026 жылдың 1 шілдесіне 28,6 млрд теңге игерілді. Ауыл, орман және балық шаруашылығының жалпы өнімі 123,2 млрд теңгені немесе 2025 жылдың қаңтар-маусым айына 103,3%-ды құрады. Ауыл шаруашылығы жалпы өнімінің көлемі 122,0 млрд теңгені немесе 2025 жылғы тиісті кезеңге 103,3%-ды құрады, оның ішінде өсімдік шаруашылығы – 7,8 млрд теңге (НКИ–158,4%), мал шаруашылығы - 114,0 млрд теңге (НКИ – 100,9%). Өсімдік шаруашылығында алдын ала мәліметтер бойынша ауыл шаруашылығы дақылдары 627,7 мың га алқапқа орналастырылды. Оның ішінде дәнді дақылдар 356,5 мың га алқапқа (100%), майлы дақылдар - 40,0 мың га (100,0%), көкөніс дақылдары - 23,6 мың га (100%), картоп - 8,4 мың га (100,0%),қант қызылша-8,5 мың га (100%) егілді. 16.07.2026 жылғы жағдай бойынша масақты дәнді дақылдар 108,0 мың га немесе егін жинау алқабының 30,3% жиналып, өнімділік 17,4 ц/га құрады. Мал шаруашылығында шаруашылықтардың барлық санаттарында ет өндірісі (тірі салмақта) 57,7 мың тн (100,1%), сүт – 110,2 мың тн (101,8%), жұмыртқа – 49,4 млн дана (125,3%) құрады. ІҚМ саны – 515,5 мың басты (107,4%), қой – 3 648,3 мың басты (108,5%), жылқы – 217,6 мың басты (110,6%), құс – 2 351,8 мың басты (117,0%) құрады. Сауда Тауар айналымының көлемі 522,9 млрд теңгеге жетіп, 2025 жылғы қаңтар-маусымға қарағанда 3,2%-ға өсті. Оның ішінде бөлшек сауда айналымының көлемі 292,3 млрд теңгені (2,5%-ға), көтерме сауда айналымы – 229,1 млрд теңгені құрады (4,0%-ға). Сыртқы сауда айналымы ҚР Қаржы министрлігі Мемлекеттік кірістер комитетінің мәліметі бойынша 2026 жылғы қаңтар-сәуір айларында сыртқы сауда айналымы 328,0 млн АҚШ долларын құрады немесе 2025 жылдың тиісті кезеңіне 1,5 есеге өсті, оның ішінде импорт - 311,2 млн АҚШ долларын (3 есе)құрады, ал экспорт 16,8 млн АҚШ долларын құрап 85,2%-ға төмендеді. Сыртқы сауда айналымының сальдосы 294,4 млн АҚШ доллар теріс қалыптасты. Облыстың ЕАЭО елдерімен өзара сауда айналымы 2026 жылдың қаңтар-мамырында 1,2%-ға (141,0 млн АҚШ доллар), оның ішінде экспорт – 6,6%-ға (53,5 млн АҚШ доллар)төмендеп, импорт – 2,4%-ға (87,5 млн АҚШ доллар)өсті. Шағын және орта кәсіпкерлік 2025 жылдың қаңтар-желтоқсан айларында шағын және орта бизнес субъектілерімен өнім шығару көлемі 2 096,9 млрд теңгені (126,4%)құрады, онда жұмыспен қамтылғандар саны - 169,0 мың адам (101,1%). 2026 жылғы 1 шілдеге тіркелген ШОБ субъектілерінің саны 106,8 мың бірлікті құрады, оның ішінде жұмыс істеп тұрғандар саны - 100,6 мың бірлік. Тіркелген ШОБ субъектілерінің жалпы көлеміндегі жұмыс істеп тұрғандардың үлесі 94,2%-ды құрайды. Есепті кезеңдеқұрылысжұмыстарының көлемі 165,4 млрд теңгені немесе 2025 жылдың тиісті кезеңіне 113,4%-ды құрады. Өсім Жуалы ауданындағы А-2 «Ташкент-Шымкент-Тараз-Алматы-Қорғас» тас жолының 546-557 шқ және ескі Күйік асуының жол торабын күрделі жөндеу («СП «СИНЕ МИДАС СТРОЙ»ЖШС), «Оңтүстік аймақты күшейту» жобасы бойынша Б. Момышұлы а. 500 кВ әуе электр жеткізу желісін және 500 кВ қосалқы станциясын салу («АСПМК-519» ЖШС), Мойынқұм ауданындағы 9 елді мекенге тартылатын газ құбырлары мен газ тарату желілерін салу («ASIA CASPIAN CONSTRUCTION» ЖШС), Сарысу ауданында Өндіріс а. кальцийленген сода өндіру зауытының құрылысы («CHINA CAMC ENGINEERING CO.,LTD» компаниясының филиалы), кальцийленген сода өндіру зауытын салу нысанында күрделі ішкі құрылғылармен жабдықталған колонналық типтегі жабдықтарды орнату және монтаждау (Қазақстандағы «Қытай механикалық өнеркәсіп құрылыс тобы» ЖШС филиалы (Синоконст)), химиялық заттар өндіретін химиялық кешеннің құрылысы, ақпараттық жабдықтарды сатып алу, «ЕуроХим-Қаратау» ЖШС жобалық офисі дирекциясын ұстау («CHINA NATIONAL CHEMICAL ENGINEERING CO., LTD.» филиалы), Талас ауданындағы «Talas Investment Company» ЖШС үшін Қаратау қаласында жылына 15 мың тонна натрий цианиді мен жылына 5 мың тонна аммоний сульфатын өндіру көлемін ұлғайту жобасының 2-кезек құрылысы («МҰНАЙҚҰРЫЛЫССЕРВИС» ЖШС). Тұрғын үй Пайдалануға берілген тұрғын үйлердің жалпы көлемі 326,0 мың ш.м немесе 2025 жылдың тиісті кезеңіне 102,6% -ды құрады. 177,0 мың м2 жеке тұрғын үй (899бірлік үй), 1667 пәтерге арналған 149,0 мың м2 көппәтерлі тұрғын үй (33үй)пайдалануға берілді. Көлік 2026 жылғы қаңтар-маусымда көлік қызметтері 164,1 млрд теңгені (111,8%) құрады. Көліктің барлық түрлерімен жүктерді тасымалдау 17,5 млн тонна (144,3%),жүк айналымы – 10,5 млрд тшқ (101,9%), жолаушыларды тасымалдау – 52,9 млн адам (120,7%), жолаушылар айналымы - 1,0 млрд жшқ (108,9%) құрады. Жолдар Автомобиль жолдарының жалпы ұзындығы 10,1 мың шқ құрайды, оның ішінде республикалық мәндегі – 1224,7 шқ, облыстық – 1688,4 шқ, аудандық - 1471,7 шқ, елді мекендердің көшелері – 5732 шқ. 2026 жылы жергілікті маңызы бар автомобиль жолдарын күтіп ұстауға және жөндеуге 22,9 млрд теңге (ОБ) бөлінді. 2026 жылғы 1 шілдедегі жағдай бойынша 8,3 млрд теңге игерілді. 2026 жылдың қорытындысы бойынша нормативтік жағдайдағы жолдардың үлесі 99,0%-ға дейін жеткізіледі. Негізгі капиталға салынған инвестиция көлемі 505,8 млрд теңгені құрап, 2025 жылдың тиісті кезеңіне 59,6%-ға өсті. Өсім Тараз қ. жабдықтар сатып алу («Т.И. Батуров ат. ЖАМБЫЛ ГРЭС» АҚ),Жуалы ауданындағы әуе желісінің құрылысын салу және 500 кВ қосалқы станцияны қайта құру («Электр желілерін басқару жөніндегі Қазақстан компаниясы» (Kazakhstan electricity grid operating company) «KEGOC» АҚ «Оңтүстік жүйеаралық электр тораптары» филиалы), Қордай ауданындағы өндірістік қуаты тәулігіне 3,5 мың тн. клинкер құрайтын цемент зауытына арналған тазарту құрылыстарын салу («KORCEM» ЖШС), металл рудасын өңдеу және бағалы металдарды өндіру зауытының құрылысына арналған жабдықты алу («ШОКПАР-ГАГАРИНСКОЕ» ЖШС), Т. Рысқұлов ауданында құс фабрикасын салу («GAKKU QUS» ЖШС), арнайы техника мен жабдықтарды сатып алу («GOLDEN COMPASS JAMBYL» ЖШС), Ақыртөбе жерасты газ қоймасының компрессорлық станциясындағы ГМК ДКС (ПХГ Ақыртөбе) технологиялық байламасының №1-1.1 ақаулы кранын (DN200 PN80) ауыстыру («Интергаз Орталық Азия» АҚ «Тараз магистральдық газ құбырлары басқармасының» филиалы), Меркі ауданында сауда үйін, 2 супермаркетті, 6 минимаркетті, моншаны, туристік базаны, жалпы білім беретін мектепті, 2 әкімдік ғимаратын, 2 мал шаруашылығы кешенін және 3 мектепке дейінгі ұйымды пайдалануға беру есебінен (1-ИС), Мойынқұм ауданындағы жел электр станциясының құрылысы бойынша жобалау-іздестіру жұмыстарына арналған шығындар («АКТАС ЭНЕРДЖИ» ЖШС),табиғи газдың пайдалы қазбаларын барлау және бағалау, сондай-ақ газ ұңғымасын бұрғылау шығындары («QAZAQGAZ БАРЛАУ ЖӘНЕ ӨНДІРУ» ЖШС), Сарысу ауданындағы химиялық заттарды өндіру бойынша химия кешенін салу және жобалық кеңсе дирекциясын күтіп-ұстау («ЕВРОХИМ-ҚАРАТАУ» ЖШС), Шу ауданындағы жемістер мен көкөністерді өңдеу және консервілеу зауытының құрылысы үшін жабдықты сатып алу («SHENGTAI BIOTECH CO.,LTD» ЖШС), металлургия зауытын салу және сыпыру-жинау машинасын, өзін-өзі тиейтін және өзін-өзі түсіретін қоқыс таситын көлікті, автогидроподьемникті сатып алу («YONGGANG CENTRAL ASIA IRON AND STEEL»ЖШС) есебінен қамтамасыз етілді.Инфляция Инфляция деңгейі 2026 жылғы маусым айында 2025 жылғы желтоқсанға 104,8%-ды құрады. Азық-түлік тауарларының бағасы 4,8%-ға, азық-түлік емес тауарларға - 4,9%-ға, ақылы қызметтерге - 4,8%-ға өсті. Облыс бойынша инфляция деңгейі республикалық орташа көрсеткіштен 0,3 пайыздық тармаққа төмен қалыптасты (ҚР – 105,1%). Азық-түлік тауарлары бойынша 2026 жылғы маусым айында қырыққабат бағасы - 29,4%-ға, пияз - 14,3%-ға, сәбіз - 13,6%-ға, «экстрадан» басқа тұз - 5,0%-ға, картоп - 2,8%-ға, шұжық өнімдері - 2,5%-ға, нан - 2,1%-ға (о.і. қара бидай-бидай наны - 5,0%-ға), кофе - 1,7%-ға, макарон өнімдері - 1,4%-ға (о.і. рожки - 2,2%-ға, кеспе - 1,8%-ға, вермишель - 1,4%-ға), ет - 1,3%-ға (о.і. қой еті - 4,4%-ға, құс еті - 1,7%-ға, шошқа еті - 1,0%-ға, жылқы еті - 0,8%-ға, сиыр еті - 0,4%-ға),май және тоңмайлар - 0,8%-ға(о.і. күнбағыс майы - 1,9%-ға), ақталған, жылтыратылған күріш - 0,7%-ға, балық және теңіз өнімдері - 0,4%-ға, жармалар - 0,3%-ға (о.і. ұнтақ жармасы - 0,3%-ға), маргарин - 0,2%-ға, сүт - 0,1%-ға өсті. 1-санатты жұмыртқа бағасы - 7,5%-ға, алма - 2,7%-ға, спагетти - 2,2%-ға, қарақұмық жармасы - 1,1%-ға, құмшекер, қышқыл сүт өнімдері - 0,8%-ға(о.і. майлылығы 2-3% айран - 2,5%-ға, майлылығы 5-9% сүзбе - 0,1%-ға),көкөністер - 0,4%-ға (о.і. қызанақ - 27,7%-ға, қияр - 11,3%-ға, қызылша - 5,3%-ға) төмендегені белгіленді. Ұн, майлылығы 2,2-2,5% сүт, қатты, жартылай қатты ірімшік, қаймақ, шәй, сары май, ашытқы бағалары өзгеріссіз қалды. Азық-түлік емес тауарлар бойыншазарядтау құрылғыларының бағасы - 7,2%-ға, фармацевтикалық өнімдер - 1,8%-ға, аяқ киім - 1,5%-ға, жеке көлік құралдарына арналған ЖЖМ - 1,3%-ға (о.і. АИ-92 бензині - 1,5%-ға, дизель отыны (жалпы) - 1,4%-ға), тұрғын үй-жайларды күтіп ұстау және жөндеуге арналған материалдар - 1,1%-ға (о.і. цемент - 9,4%-ға, құрғақ құрылыс қоспалары - 5,2%-ға), киім - 0,6%-ға, басқа да жеке пайдаланылатын заттар, аспаптар мен тауарлар - 0,3%-ға өсті. Ақылы қызметтер бойыншаүй интернетінің тарифі - 3,6%-ға, көлік қызметтері - 2,2%-ға (о.і.әуе жолаушылар көлігі - 3,7%-ға, теміржол жолаушылар көлігі - 2,4%-ға, автомобиль жолаушылар көлігі - 1,8%-ға),мейрамханалар мен қонақ үйлер - 1,3%-ға, демалыс және мәдениет қызметтері - 0,8%-ға өсті. Салықтар мен бюджет 2026 жылғы 1 шілдедегі жағдай бойынша мемлекеттік бюджетке 160,9 млрд теңге салықтар мен басқа төлемдер түсті немесе болжамға 92,9%, оның ішінде республикалық бюджетке – 49,3 млрд теңге (76,3%), жергілікті бюджетке – 111,6 млрд теңге (102,7%). Өзіндік кірістер өткен жылдың тиісті кезеңімен салыстырғанда 109,9%-ға өсті. Облыс бюджетінің шығындары 381,5 млрд. теңгені құрады немесе болжам 99,1%-ға орындалды. Оның ішінде әлеуметтік салаға 257,4 млрд теңге бағытталды (100,0%). Түзетілген облыс бюджетінің шығыстары 828,7 млрд теңгені құрады, тиісті кезеңмен салыстырғанда шығыстар сомасы 17,9 млрд теңгеге немесе 2,2%-ға өсті (2025 жылғы 1 шілдеге - 810,8 млрд. теңге). Шығындар құрылымында ауқымды үлес білім беру саласына - 52,8%, әлеуметтік көмекке және әлеуметтік қамсыздандыруға - 5,5%, спорт, туризм, мәдениет және ақпараттық кеңістік салаларына - 5,3%, денсаулық сақтауға - 2,4% құрайды. Сумен қамтамасыз ету және су бұру 2025 жылдың қорытындысымен облыстың барлық 357 елді мекені орталықтандырылған сумен қамтамасыз етіліп, нәтижесінде халықты сумен қамту деңгейі 100%-ға жетті. «Тұрғын үй-коммуналдық инфрақұрылымды дамытудың 2023-2029 жылдарға арналған тұжырымдамасы» аясында 2026 жылы АЕМ - де және облыс қалаларында сумен жабдықтау және су бұру жүйелерін салуға және қайта жаңғыртуға 11,7 млрд теңгеге (ЖБ) 25 жобаны іске асыру қарастырылды. Электрмен, жылумен және газбен қамтамасыз ету Тұтынушыларды сапалы коммуналдық қызметтермен қамтамасыз ету, тіршілікті қамтамасыз ету жүйелерінің жұмыс істеу сенімділігі мақсатында «Тұрғын үй-коммуналдық инфрақұрылымды дамытудың 2023 - 2029 жылдарға арналған тұжырымдамасы» аясында 2026 жылы 9,9 млрд теңгеге (РБ – 7,9 млрд теңге, ЖБ – 2,0 млрд теңге) 7 жобаны іске асыру қарастырылған. Экология Облыста 2025 жылы барлық стационарлық ластану көздерінен бөлінген ластаушы заттардың көлемі 202,2 мың тоннаны құрады, оның ішінде 161,1 мың тоннасы ұсталып, кәдеге жаратылды. Нақты көрсеткіштер бойынша тұрақты көздерден атмосфераға ластаушы заттардың жалпы шығарындылары рұқсат етілген 122,0 мың тоннаның ішінде 43,2 мың тоннаны құрады, оның ішінде Тараз қаласы бойынша – 22,2 мың тонна (рұқсат етілгені – 45,3 мың тонна). Ластаушы заттарды шығаратын тұрақты көздердің саны 15,4 мың бірлікті құрады. Оның ішінде өнеркәсіпте 9,4 мың көз бар, олардың шығарындылары 33,4 мың тоннаны немесе тұрақты көздерден атмосфераға бөлінетін жалпы шығарындылардың 77,3%-ын құрайды. Ерекше ластаушы заттардың ішіндегі ең көп шығарындысы – азот диоксиді (7,2 мың тонна), бұл автокөлік санының артуына байланысты ауаның ластануын және оның тұрақты жиналуын көрсетеді (2026 жылғы 1 қаңтардағы жағдай бойынша өңірде 312,8 мың бірлік тіркелген). Халық саны 2026 жылдың 1 маусымына облыстың халық саны 1 213,6 мың адамды құрады. Оның ішінде Тараз қаласында - 489,4 мың адам, Байзақ ауданында - 95,4 мың адам, Жамбыл – 50,9 мың адам, Жуалы - 51,8 мың адам, Қордай - 154,1 мың адам, Т. Рысқұлов - 64,8 мың адам, Меркі - 87,1 мың адам, Мойынқұм - 26,9 мың адам, Сарысу - 42,6 мың адам, Талас - 46,5 мың адам, Шу - 104,1 мың адам. Әлеуметтік қорғау 2026 жылғы 1 тоқсанда жұмыссыздық деңгейі 4,8%-ды құрады, жұмыссыздардың саны - 25 170 адам (2025 жылғы 1 тоқсан - 26 152 адам), өз бетінше жұмыспен қамтылған халық саны - 136 035 адам (2025 жылғы 1 тоқсан - 153 716 адам), облыс экономикасында жұмыспен қамтылғандардың барлығынан өзін-өзі жұмыспен қамтыған халықтың үлесі 27,2%-ды құрады. Табысы ең төменгі күнкөріс деңгейінен төмен халықтың үлесі 2026 жылғы 1 тоқсан қорытындысымен 5,1%-ды немесе 62 042 адамды құрады. Жұмыспен қамтудың белсенді шараларымен 21 728 адам қамтылды, оның ішінде тұрақты жұмыс орындарына – 11 597, әлеуметтік жұмыс орындарына - 236, жастар практикасына - 456, «Күміс жас» жобасына - 588, «Бастау бизнес» кәсіпкерлік негіздеріне оқытуға - 1 768, ақылы қоғамдық жұмыс орнына – 4 446, онлайн оқытуға - 2 336, кәсіптік оқытуға – 301 адам жолданды. Білім 2026 жылы білім беруге 410,7 млрд теңге бөлінді, 1.07.2026 жылғы жағдай бойынша 216,2 млрд теңге немесе есепті кезең жоспарына 100% игерілді. Бүгінге 661 мектепке дейінгі ұйымдармен (545 балабақша, 116 шағын орталықтар)66,2 мың бала немесе 98,4% (1-6 жас) қамтылды, бұл 2025 жылдың деңгейінен 3,6 пайыздық тармаққа жоғары, 2-ден 6 жасқа дейін - 98,9%, 2025 жылдың деңгейінен 2,8 пайыздық тармаққа жоғары. 2026 жылы 14 білім беру нысанын дамытуға 9,9 млрд теңге бөлінді (Жамбыл ауданында 1 мектептің(100 орын),Мойынқұм ауданында 1 мектептің (80 орын),Шу ауданында 2 мектептің(240 орын),Тараз қ. 1 мектептің(600 орын)құрылыстары қарастырылған (облыс бойынша9 мектепке жапсарлас, оның ішінде дарынды балаларға арналған ІТ лицей-интернат). Компьютерлік техникамен қамтамасыз ету деңгейі орташа есеппен 1 компьютерге 5 оқушыны құрайды. Облыстағы мемлекеттік 451 мектеп Интернет желісіне және «Күнделік» жүйесіне қосылған. 377 мектепте 2 209 интерактивті панельдер орнатылған. Денсаулық сақтау Денсаулық сақтау жүйесін қаржыландыруға 2026 жылы 20,9 млрд теңге бөлініп, есепті кезеңге 5,2 млрд теңгесі немесе 99,9%-ы игерілді. Тегін медициналық көмек көрсетудің кепілдендірілген көлемін қамтамасыз етуге 6,4 млрд теңге бөлініп, есепті кезеңге 2,2 млрд теңгесі игерілді, денсаулық сақтау нысандарының материалдық-техникалық базасын нығайтуға 5,5 млрд теңге (о.і. РБ - 3,0 млрд теңге, ЖБ - 2,5 млрд теңге)бөлінді. Денсаулық сақтау объектілерін дамытуға 4,8 млрд теңге (ЖБ) (Талас ауданы Қаратау қаласындағы 200 орындық орталық аудандық аурухана ғимаратын қайта жаңарту, Шу қалалық ауруханасының қабылдау бөлімшесіне кіреберіс салу, Тараз қаласында компьютерлік томография мен маммография модульдеріне арналған гараж құрылысы)қарастырылды. 2026 жылдың қаңтар-маусымында қатерлі ісіктермен, психикалық бұзылу, туберкулез ауруларымен алғашқы сырқаттанушылықтың өсуі және қант диабетімен, наркологиялық, мерез және қан айналымы жүйесі ауруларымен сырқаттанушылықтың төмендеуі байқалады. Ана өлімінің 3 жағдайы тіркелді (Тараз қ. - 2 жағдай, басқа медициналық ұйымдар – 1 жағдай). Мемлекеттік денсаулық сақтау мекемелерінің желісі 383 медициналық ұйымды қамтиды, оның ішінде 26 ауруханалық, 140 амбулаториялық-емханалық, 59 фельдшерлік-акушерлік, 146 медициналық пункт (оның ішінде 6 медицина қызметкері)және 6 басқа ұйымдар.
Жарияланды:
Ақпарат
Жамбыл облыстық сайлау комиссиясының 2026 жылғы 12 шілдеде өткен ауылдық округ әкімдерін сайлау қорытындылары туралы Хабарламасы
Жамбыл облыстық сайлау комиссиясының 2026 жылғы 12 шілдеде өткен ауылдық округ әкімдерін сайлау қорытындылары туралы Хабарламасы 2006 жылғы 12 шілдеде Жамбыл облысы Байзақ ауданының Үлгілі ауылдық округі, Жамбыл ауданының Бесағаш және Қызылқайнар ауылдық округтері, Қордай ауданының Жамбыл және Қаракемер ауылдық округтері, Мойынқұм ауданының Ақсүйек ауылы, Талас ауданы Тамды ауылдық округі әкімдері сайлауы өтті. Аудандық сайлау комиссиялары "Қазақстан Республикасындағы сайлау туралы" Қазақстан Республикасы Конституциялық Заңының 14-бабының 9) тармақшасына, 44-бабының 2-тармағына, 45-бабына, 113-10-бабына сәйкес, аудандық маңызы бар қала, ауыл, кент, ауылдық округ әкімдерін сайлау нәтижелері туралы учаскелік сайлау комиссияларының хаттамалары негізінде сайлау қорытындыларын белгіледі: Байзақ ауданы Үлгіліауылдық округі әкімі сайлауы бойынша: Сайлаушылар тізіміне 1880 азамат енгізілді. Дауыс беруге қатысқан – 966 сайлаушы, оның ішінде есептен шығару куәліктері бойынша - 0, дауыс беруге арналған үй-жайлардан тыс – 9 сайлаушы қатысты. Кандидаттардың жалпы саны - 3. Үлгілі ауылдық округі әкімінің сайлауының мынадай қорытындылары белгіленді: Молдашев Есболат Арыстанбекулы үшін сайлаушылардың 690 дауысы берілді, Таныбекова Айман Танатаровна үшін сайлаушылардың 95 дауысы берілді, Унетаев Нуркен Наятович үшін сайлаушылардың 77 дауысы берілді. «Барлығына қарсы» белгісі бар бюллетеньдер саны - 92. Сайлау қорытындыларымен: Үлгілі ауылдық округінің әкімі болып Молдашев Есболат Арыстанбекулы сайланды, 1975 жылы туған, уақытша жұмыссыз, Жамбыл облысы, Байзақ ауданы, Жетібай ауылының тұрғыны. Байзақ аудандық аумақтық сайлау комиссиясының хабарламасына сілтеме: https://www.gov.kz/memleket/entities/zhambyl-bayzak/documents/details/1041594?lang=kk Жамбыл ауданының Бесағаш және Қызылқайнар ауылдық округтері әкімдері сайлауы бойынша: Бесағаш ауылдық округі бойынша: Сайлаушылар тізіміне 1836 азамат енгізілді. Дауыс беруге қатысқан – 941 сайлаушы, оның ішінде есептен шығару куәліктері бойынша - 0, дауыс беруге арналған үй-жайлардан тыс – 9 сайлаушы қатысты. Кандидаттардың жалпы саны - 3. Бесағаш ауылдық округі әкімінің сайлауының мынадай қорытындылары белгіленді: Аликулов Нурбахыт Мейрамбаевич үшін сайлаушылардың 76 дауысы берілді, Анарбай Тұрсынхан Серікханұлы үшін сайлаушылардың 68 дауысы берілді, Тапжанов Торехан Жумабекович үшін сайлаушылардың 734 дауысы берілді. «Барлығына қарсы» белгісі бар бюллетеньдер саны - 43. Сайлау қорытындыларымен: Бесағаш ауылдық округінің әкімі болып Тапжанов Торехан Жумабекович сайланды, 1965 жылы туған, Қызылқайнар ауылдық округінің әкімі, Жамбыл облысы Тараз қаласының тұрғыны. Қызылқайнар ауылдық округі бойынша: Сайлаушылар тізіміне 3120 азамат енгізілді. Дауыс беруге қатысқан – 1356 сайлаушы, оның ішінде есептен шығару куәліктері бойынша - 0, дауыс беруге арналған үй-жайлардан тыс – 43 сайлаушы қатысты. Кандидаттардың жалпы саны - 3. Қызылқайнар ауылдық округі әкімінің сайлауының мынадай қорытындылары белгіленді: Бестереков Сагынбек Кыдыралиевич үшін сайлаушылардың 11 дауысы берілді, Кожабеков Болат Сатыбалдиевич үшін сайлаушылардың 566 дауысы берілді, Мусаханов Бекежан Базарбаевич үшін сайлаушылардың 718 дауысы берілді. «Барлығына қарсы» белгісі бар бюллетеньдер саны - 6. Сайлау қорытындыларымен: Қызылқайнар ауылдық округінің әкімі болып Мусаханов Бекежан Базарбаевич сайланды, 1978 жылы туған, Қызылқайнар ауылдық округі әкімінің орынбасары, Жамбыл облысы, Жамбыл ауданы, Жасөркен ауылының тұрғыны. Жамбыл аудандық аумақтық сайлау комиссиясының хабарламасына сілтеме: https://www.gov.kz/memleket/entities/zhambyl-zhambyl/documents/details/1041714?lang=kk Қордай ауданы Жамбыл және Қаракемер ауылдық округтері әкімдері сайлауы бойынша: Жамбыл ауылдық округі бойынша: Сайлаушылар тізіміне 3703 азамат енгізілді. Дауыс беруге - 2225 сайлаушы, оның ішінде есептен шығару куәліктері бойынша - 0, дауыс беруге арналған үй-жайлардан тыс – 10 сайлаушы қатысты. Кандидаттардың жалпы саны - 3. Жамбыл ауылдық округі әкімінің сайлауының мынадай қорытындылары белгіленді: Биримкулов Айдар Бекмуханбетович үшін сайлаушылардың - 1523 дауысы берілді, Кумбашев Дамир Серикович үшін сайлаушылардың - 418 дауысы берілді, Рахымжан Шеризат Сапарбайұлы үшін сайлаушылардың - 242 дауысы берілді, «Барлығына қарсы» белгісі бар бюллетеньдер саны - 18. Сайлау қорытындыларымен: Жамбыл ауылдық округінің әкімі болып Биримкулов Айдар Бекмуханбетович сайланды. 1987 жылы туған, Жамбыл ауылдық округінің әкімі, Жамбыл облысы Қордай ауданы Жамбыл ауылының тұрғыны. Қаракемер ауылдық округі бойынша: Сайлаушылар тізіміне 2109 азамат енгізілді. Дауыс беруге - 1252 сайлаушы, оның ішінде есептен шығару куәліктері бойынша - 0, дауыс беруге арналған үй-жайлардан тыс – 15 сайлаушы қатысты. Кандидаттардың жалпы саны - 3. Қаракемер ауылдық округі әкімінің сайлауының мынадай қорытындылары белгіленді: Алиев Арман Манатович үшін сайлаушылардың - 914 дауысы берілді, Райымбекова Альмира Жумабаевна үшін сайлаушылардың - 108 дауысы берілді, Рахимбаев Галымжан Серикбаевич үшін сайлаушылардың - 183 дауысы берілді, «Барлығына қарсы» белгісі бар бюллетеньдер саны - 29. Сайлау қорытындыларымен: Қаракемер ауылдық округінің әкімі болып Алиев Арман Манатович сайланды. 1984 жылы туған, «Қызылсай» шаруа қожалығы басшысының орынбасары, Жамбыл облысы Қордай ауданы Қаракемер ауылының тұрғыны. Қордай аудандық аумақтық сайлау комиссиясының хабарламасына сілтеме: https://www.gov.kz/memleket/entities/zhambyl-korday/documents/details/1041575 Мойынқұм ауданының Ақсүйек ауылы әкімі сайлауы бойынша: Сайлаушылар тізіміне 414 азамат енгізілді. Дауыс беруге – 258 сайлаушы, оның ішінде есептен шығару куәліктері бойынша - 0, дауыс беруге арналған үй-жайлардан тыс –17 сайлаушы қатысты. Кандидаттардың жалпы саны - 3. Ақсүйек ауылы әкімінің сайлауының мынадай қорытындылары белгіленді: Жалдыбай Бекнұр Қайнарұлы үшін сайлаушылардың 16 дауысы берілді, Жунусов Гани Спартакулы үшін сайлаушылардың 210 дауысы берілді. Тынышбеков Самат Тобабергенович үшін сайлаушылардың 21 дауысы берілді. «Барлығына қарсы» белгісі бар бюллетеньдер саны - 4. Сайлау қорытындыларымен: Ақсүйек ауылының әкімі болып Жунусов Гани Спартакулы сайланды. 1979 жылы туған, Мойынқұм ауданы Ақсүйек ауылының әкімі, Жамбыл облысы Мойынқұм ауданы Ақсүйек ауылының тұрғыны. Мойынқұм аудандық аумақтық сайлау комиссиясының хабарламасына сілтеме: https://www.gov.kz/memleket/entities/zhambyl-moyynkum/documents/details/1041560 Талас ауданы Тамды ауылдық округі әкімі сайлауы бойынша: Сайлаушылар тізіміне 754 азамат енгізілді. Дауыс беруге - 463 сайлаушы, оның ішінде есептен шығару куәліктері бойынша - 0, дауыс беруге арналған үй-жайлардан тыс – 25 сайлаушы қатысты. Кандидаттардың жалпы саны - 3. Тамды ауылдық округі әкімінің сайлауының мынадай қорытындылары белгіленді: Момбеков Ришад Амирханович үшін сайлаушылардың 376 дауысы берілді. Мырзамбетова Жанаргул Битамаевна үшін сайлаушылардың 63 дауысы берілді. Төсбай Әбдіразақ Әбдіқалиұлы үшін сайлаушылардың 24 дауысы берілді. «Барлығына қарсы» белгісі бар бюллетеньдер саны - 0. Сайлау қорытындыларымен: Тамды ауылдық округінің әкімі болып Момбеков Ришад Амирханович сайланды. 1982 жылы туған, жұмыссыз, Жамбыл облысы Талас ауданы Қаратау қаласының тұрғыны. Талас аудандық аумақтық сайлау комиссиясының хабарламасына сілтеме: https://www.gov.kz/memleket/entities/zhambyl-talas/documents/details/1041676 Жамбыл облыстық аумақтық сайлау комиссиясы
Жарияланды:
Ақпарат
2026 жылдың 8 шілдедегі конкурстық комиссия мәжілісі № 28 Х А Т Т А М А С Ы Н Ы Ң көшірмесі
2026 жылдың 8 шілдедегі конкурстық комиссия мәжілісі №28Х А Т Т А М А С Ы Н Ы Ң көшірмесі Конкурстық комиссияның шешімімен: Жамбыл облысы әкімі аппаратының мемлекеттік көрсетілетін қызметтерді мониторингілеу бөлімінің бас инспекторы, санаты D-3 (1 бірлік), №13-2 бос лауазымына Бекишбаев Ербол Дүйсенбековичтің кандидатурасы ұсынылсын.
Жарияланды:
Ақпарат
2026 жылдың 8 шілдедегі конкурстық комиссия мәжілісі № 27 Х А Т Т А М А С Ы Н Ы Ң көшірмесі
2026 жылдың 8 шілдедегі конкурстық комиссия мәжілісі №27 Х А Т Т А М А С Ы Н Ы Ң көшірмесі Конкурстық комиссияның шешімімен: Жамбыл облысы әкімі аппаратының өңірлік бақылау және ұйымдастыру-инспекторлық жұмысы бөлімінің бас инспекторы, санаты D-3 (1 бірлік), №15-11 бос лауазымына үміткерлер жоқ болуына байланысты, аталған лауазым бос деп танылсын.
Жарияланды:
Ақпарат
Бұқаралық ақпарат құралдарына және онлайн- платформаларды пайдаланушыларға арналған сайлау алдындағы үгіт материалдарын орналастыру ақысының мөлшері мен шарттары туралы мәліметтерді жариялау жөніндегі АҚПАРАТТЫҚ ХАБАРЛАМА
Бұқаралық ақпарат құралдарына және онлайн- платформаларды пайдаланушыларға арналған сайлау алдындағы үгіт материалдарын орналастыру ақысының мөлшері мен шарттары туралы мәліметтерді жариялау жөніндегіАҚПАРАТТЫҚ ХАБАРЛАМА «Қазақстан Республикасындағы сайлау туралы» Қазақстан Республикасының Конституциялық заңы 28-бабының 3-тармағына сәйкес бұқаралық ақпарат құралдары мен онлайн-платформаларды пайдаланушылар сайлау алдындағы үгіт жүргізу басталғанға дейін кемінде бес күн бұрын, яғни 2026 жылғы 18 шілдеден кешіктірмей, шарттық негізде ұсынылатын сайлау алдындағы үгіт материалдарын орналастыру ақысының мөлшері мен шарттары туралы мәліметтерді жариялап, сондай-ақ оларды Қазақстан Республикасы Орталық сайлау комиссиясына ұсынуға тиіс. Шарт негізінде эфир уақытын, баспа бетін және ақпарат көлемін беретін бұқаралық ақпарат құралдары мен онлайн-платформаларды пайдаланушылар сайлау алдындағы үгіт материалдарын орналастыру ақысының мөлшері мен шарттары туралы мәліметтер жарияланғанға дейін партиялық тізімдерін ұсынған саяси партиялардың сайлау алдындағы үгіт материалдарын орналастыруға және таратуға құқылы емес. Сайлау алдындағы үгіт материалдарын орналастыру ақысының мөлшері мен шарттары туралы мәліметтерді келесі электрондық пошта мекенжайларына жолдауға болады: [email protected][email protected] Қазақстан Республикасының Орталық сайлау комиссиясы
