Мұрағаттық анықтаманы қалай алуға болады?
Мемлекеттік қызметті Жамбыл облысы, Тараз қаласы және аудандардың мемлекеттік архивтері Қазақстан Республикасы Мәдениет және спорт министрінің 2020 жылғы 29 мамырдағы №159 бұйрығымен бекітілген «Архивтік анықтамалар, архивтік құжаттардың көшірмелерін немесе архивтік үзінділер беру» мемлекеттік қызметін көрсету қағидаларына сәйкес көрсетеді.
Қызметті қалай алуға болады?
Мемлекеттік қызметті жеке және заңды тұлғалар ала алады.
Қызметті алу үшін арызды:
• Жамбыл облысының, Тараз қаласының және аудандардың мемлекеттік архивтеріне;
• «Азаматтарға арналған үкімет» мемлекеттік корпорациясына;
• eGov.kz электрондық үкімет порталы арқылы беруге болады.
Егер өтінішті eGov порталы арқылы берсеңіз, өтінішке электрондық цифрлық қолтаңба (ЭЦҚ) арқылы немесе бір реттік SMS-парольдің көмегімен қол қоюға болады.
Мемлекеттік қызмет тегін көрсетіледі.
Қызмет көрсету мерзімі — 11 жұмыс күніне дейін.