Қазақстан Республикасы Туризм және спорт министрлігі

«Жарнама туралы» Заңның 13-бабының 1-4-тармақтарының 3) тармақшасына сәйкес тыйым салынады. «Жарнама туралы» Қазақстан Республикасы Заңының (бұдан әрі – Жарнама туралы заң) 13-бабының 1-4-тармағының 3) тармақшасына сәйкес букмекерлік кеңселердің және (немесе) тотализаторлардың жарнамасын Қазақстан Республикасында ойын бизнесі саласындағы қызметпен айналысу құқығына лицензиясы бар букмекерлік кеңселер мен тотализаторлардың ресми интернет-ресурстарында, масс-медиа саласындағы уәкілетті органда тіркелген бұқаралық ақпарат құралдарында тек қана спорт тақырыбы бағытындағы, сондай-ақ отандық телеарналардың халықаралық спорттық жарыстарды тікелей трансляциялау кезіндегі жарнаманы қоспағанда, масс-медиада, онлайн-платформаларда, кино-, бейне- және анықтамалық қызмет көрсетуде.

«Жарнама туралы» Заңның 13-бабының 1-4-тармақтарының 2) тармақшасына сәйкес тыйым салынады. «Жарнама туралы» Қазақстан Республикасы Заңының (бұдан әрі – Жарнама туралы заң) 13-бабының 1-4-тармағының 2) тармақшасына сәйкес букмекерлік кеңселердің және (немесе) тотализаторлардың жарнамасын көлік құралдарында жарнамалауға тыйым салынады.

«Жарнама туралы» Заңның 13-бабының 1-4-тармақтарының 1-1) тармақшасына сәйкес тыйым салынады. «Жарнама туралы» Қазақстан Республикасы Заңының (бұдан әрі – Жарнама туралы заң) 13-бабының 1-4-тармағының 1-1) тармақшасына сәйкес букмекерлік кеңселердің және (немесе) тотализаторлардың жарнамасын спорттық іс-шараларды өткізу кезінде спорт құрылысжайларының ішінде орналасқан жарнаманы қоспағанда, ғимараттар мен құрылысжайларда жарнамалауға тыйым салынады.

«Жарнама туралы» Заңның 13-бабының 1-4-тармағының 1) тармақшасына сәйкес тыйым салынады. «Жарнама туралы» Қазақстан Республикасы Заңының (бұдан әрі – Жарнама туралы заң) 3-бабының 9) тармақшасына және 13-бабы 1-4 тармағының 1) тармақшасына сәйкес сыртқы (көрнекі) жарнама – елді мекендерде, жалпыға ортақ пайдаланылатын автомобиль жолдарында, сондай-ақ елді мекендерден тыс және жалпыға ортақ пайдаланылатын автомобиль жолдарының бөлінген жолағынан тыс ашық кеңістікте орналастырылатын және көрнекі қабылдауға арналған жарнама. Жарнама туралы заң талаптарына сәйкес букмекерлік кеңселердің және (немесе) тотализаторлардың сыртқы (көрнекі) жарнамасын орналастыруға тыйым салынады, «Ойын бизнесі туралы» Қазақстан Республикасы Заңының 11-бабында айқындалған аумақтар шегінде орналастырылатын жарнаманы қоспағанда. Осылайша, букмекерлік кеңселер мен тотализаторлардың сыртқы жарнамасын орналастыруға тек заңда белгіленген аумақтарда ғана жол беріледі, ал өзге жерлерде мұндай жарнамаға тыйым салынады.

«Сыбайлас жемқорлыққа қарсы іс-қимыл туралы» Қазақстан Республикасы Заңының 12-бабы 1-тармағының 6) тармақшасына, «Құқық қорғау қызметі туралы» Қазақстан Республикасы Заңының 6-бабы 2-тармағының 3) тармақшасына, 80-бабы 1-тармағының 15-2) тармақшасына сәйкес тыйым салынады. «Сыбайлас жемқорлыққа қарсы іс-қимыл туралы» Қазақстан Республикасы Заңының 12-бабы 1-тармағының 6) тармақшасына сәйкес жауапты мемлекеттік лауазымды атқаратын адамдардың, мемлекеттік функцияларды орындауға уәкілеттік берілген адамдардың, оларға теңестірілген адамдардың (Қазақстан Республикасы Президенттігіне, Қазақстан Республикасы Парламенті немесе мәслихаттары депутаттығына, аудандардың, облыстық маңызы бар қалалардың, аудандық маңызы бар қалалардың, кенттердің, ауылдардың, ауылдық округтердің әкімдігіне кандидаттарды, сондай-ақ жергілікті өзін-өзі басқарудың сайланбалы органдарының мүшелігіне кандидаттарды қоспағанда), лауазымды адамдардың өз өкілеттіктерін жеке, топтық және өзге де қызметтік емес мүдделерде пайдалануына әкеп соғуы мүмкін әрекеттер жасауына жол бермеу мақсатында, аталған адамдар осы Заңның 13, 14, 14-1 және 15-баптарында белгіленген ерекшеліктерді ескере отырып, «Ойын бизнесі туралы» Қазақстан Республикасы Заңында көзделген айқындамаға сәйкес келетін ойын мекемелерінде құмар ойындарға және (немесе) бәс тігуге қатысуға, сондай-ақ бұл үшін бөлінбеген орындарда не телекоммуникация желілерін, оның ішінде интернет желісін пайдалану арқылы өткізілетін құмар ойындарға және (немесе) бәс тігуге қатысуға байланысты сыбайлас жемқорлыққа қарсы шектеулерді өздеріне қабылдайды. «Құқық қорғау қызметі туралы» Қазақстан Республикасы Заңының 6-бабы 2-тармағының 3) тармақшасына сәйкес құқық қорғау қызметіне құқық қорғау органында болумен байланысты шектеулерді және «Сыбайлас жемқорлыққа қарсы іс-қимыл туралы» Қазақстан Республикасы Заңында белгіленген сыбайлас жемқорлыққа қарсы шектеулерді өзіне қабылдаудан бас тартқан адам қабылданбайды. «Құқық қорғау қызметі туралы» Қазақстан Республикасы Заңының 80-бабы 1-тармағының 15-2) тармақшасына сәйкес құқық қорғау органдарының қызметкерлері «Сыбайлас жемқорлыққа қарсы іс-қимыл туралы» Қазақстан Республикасы Заңында белгіленген сыбайлас жемқорлыққа қарсы шектеулерді сақтамағаны үшін, оның ішінде, жұмыстан шығарылады.

«Ойын бизнесі туралы» Қазақстан Республикасы Заңының 12-бабының 13-тармағына сәйкес ойын бизнесін ұйымдастырушылар Қазақстан Республикасының Қылмыстық жолмен алынған кірістерді заңдастыруға (жылыстатуға) және терроризмді қаржыландыруға қарсы іс-қимыл туралы заңнамасында белгіленген талаптарды сақтауға міндетті. «Қылмыстық жолмен алынған кірістерді заңдастыруға (жылыстатуға) және терроризмді қаржыландыруға қарсы іс-қимыл туралы» Қазақстан Республикасының Заңына сәйкес ойын бизнесін ұйымдастырушылар, оның ішінде букмекерлік кеңселер қаржы мониторингі субъектілеріне жатады. Осы Заңның 5-бабына сәйкес қаржы мониторингі субъектілері өз клиенттерін (олардың өкілдерін) және бенефициарлық меншік иелерін тиісті тексеру жөнінде шаралар қабылдауы тиіс. Қаржы мониторингі субъектілері клиенттерді (олардың өкілдерін) және бенефициарлық меншік иелерін: 1) клиентпен іскерлік қатынастар орнатылған; 2) қаржылық мониторингке жататын ақшамен және (немесе) өзге мүлікпен операцияларды, оның ішінде күдікті операцияларды жүзеге асырған жағдайларда тиісті тексеруді жүзеге асырады. Осыған байланысты, букмекерлік кеңсенің өз клиенттерінің жеке басын сәйкестендіру жөніндегі әрекеттері Қылмыстық жолмен алынған кірістерді заңдастыруға (жылыстатуға) және терроризмді қаржыландыруға қарсы іс-қимыл туралы заңнаманың талаптарымен негізделген.