Абай облысы бойынша Мемлекеттік кірістер департаменті
Жалпы ақпарат
Абай облысы бойынша Мемлекеттік кірістер департаменті Қазақстан Республикасы Қаржы министрлігі Мемлекеттік кірістер комитетінің кеден ісі саласындағы мемлекеттік басқару және бақылау функцияларын орындауға, салықтардың, кедендік және бюджетке төленетін басқа да міндетті төлемдердің толық және уақтылы түсуін қамтамасыз етуге уәкілетті аумақтық органы болып табылады.
Абай облысы бойынша МКД өкілі Айнаш Мусаинова «Семей» телеарнасындағы «Диалог» бағдарламасында 2025 жыл үшін кірістер мен мүлік туралы декларацияны ұсынудың өзекті мәселелерін түсіндірді. Айнаш Мусаинова атап өткендей, декларацияны заңнамада белгіленген негіздері бар жеке тұлғалар, оның ішінде мемлекеттік қызметшілер және оларға теңестірілген тұлғалар, заңды тұлғалардың басшылары мен құрылтайшылары және олардың резидент жұбайлары, сондай-ақ жекелеген санаттағы мамандар ұсынады. Ол шетелдегі мүліктің, шетелдік банктердегі 3,932 млн теңгеден астам қаражаттың, цифрлық активтердің және өз бетінше салық салынуға тиіс кірістердің болуына ерекше назар аударды. Сондай-ақ 2025 жылы жалпы құны 78,64 млн теңгеден асатын мүлік сатып алынған жағдайда декларация тапсырылады. Декларацияны ұсыну мерзімі — 2026 жылғы 15 қыркүйектен кешіктірмей. Декларацияны Салық төлеушінің кабинеті, eGov, e-Salyq Azamat, eGov mobile және екінші деңгейдегі банктердің мобильді қосымшалары арқылы электронды түрде ұсынуға болады.
Тікелей эфир аңдатпасы! Тікелей эфир тақырыбы: Бақылау-кассалық машинаны қолдану тәртібі: кәсіпкерлер нені білуі керек? Спикер: Изатова Меруерт Козыхановна — Абай облысы бойынша Мемлекеттік кірістер департаментінің Мемлекеттік көрсетілетін қызметтер басқармасы Мемлекеттік көрсетілетін қызметтерді дамыту және сапасын бақылау бөлімінің бас маманы 31.08.2026 ж. сағ. 15:00-де
Қазақстанда сыра мен сыра сусындарын міндетті цифрлық таңбалау кезең-кезеңімен енгізілуде. 1 қыркүйектен бастап жаңа талаптар шыны бөтелкелерге құйылған өнімдерге қолданылады. Бұл туралы Өңірлік коммуникациялар қызметінде өткен брифингте жанама салықтарды әкімшілендіру бөлімінің басшысы Ержан Сәбиев мәлімдеді. Ержан Сәбиевтің айтуынша, цифрлық таңбалау сыра өнімдерінің өндірушіден тұтынушыға дейінгі қозғалысын бақылауға мүмкіндік береді. Бірегей Data Matrix коды тауарды сәйкестендіріп, оның заңсыз айналымын азайтуға және нарықтың ашықтығын арттыруға бағытталған. — Цифрлық таңбалау сыра өнімдерінің айналымын ашық етуге және тауардың бүкіл қозғалысын бақылауға мүмкіндік береді. Әрбір өнімге түсірілетін бірегей Data Matrix коды оның нақты бір данасын сәйкестендіруге жағдай жасайды. Өндірушіден немесе импорттаушыдан бастап, тауардың сауда нүктесіне келіп түсуі және түпкілікті тұтынушыға сатылуына дейінгі барлық кезеңдер цифрлық жүйе арқылы бақыланады. Бұл заңсыз өнімнің нарыққа түсуін шектеуге, адал кәсіпкерлердің мүддесін қорғауға және сыра өнімдері нарығындағы ашықтықты арттыруға мүмкіндік береді, — деді Ержан Сәбиев. Сыра өнімдерін цифрлық таңбалау кезең-кезеңімен енгізілуде. 1 ақпаннан бастап кегтерге құйылған сыра мен сыра сусындарына таңбалау енгізілді. 1 қыркүйектен бастап талап шыны бөтелкелердегі өнімдерге қолданылады. Ал келесі жылдың 1 қаңтарынан бастап қаңылтыр банкалардағы сыра мен сыра сусындарын міндетті таңбалау басталады. Семей қаласы бойынша Мемлекеттік кірістер басқармасы басшысының орынбасары Арман Манабаевтың мәліметінше, жаңа талаптар сыра өнімдерін бөлшек саудада өткізетін барлық кәсіпкерлерге қатысты. Олардың қатарында дүкендер, минимаркеттер, сауда желілері, жеке сауда нүктелері және сыра өнімдерін өткізетін қоғамдық тамақтану объектілері бар.
Акцизделетін өнімдердің заңсыз айналымы: бақылау және жауапкершілік Тұрлыбекова Асем Қадырқызы — Абай облысы бойынша Мемлекеттік кірістер департаментінің Түсіндіру жұмыстары және Байланыс орталығы басқармасының басшысы Байсалбай Айдос Айтпайұлы — Абай облысы бойынша Мемкелеттік кірістер департаментінің жанама салықтарды әкімшілендіру басқармасының басшысы 20.08.2026 ж. 11:00 Тікелей эфир: rsk_abai https://instagram.com/rsk_abai?igshid=YmMyMTA2M2Y= _______________________________
тікелей эфир сұрақтары мен жауаптары 1. Бейрезидент деп кім танылады? Қазақстан Республикасы Салық кодексінің 225-бабына сәйкес, бейрезидент – Қазақстан Республикасының Салық кодексінің немесе қосарланған салық салуды болғызбау және салық төлеуден жалтарудың алдын алу мәселелерін реттейтін халықаралық шарттың ережелеріне сәйкес Қазақстан Республикасының резиденті болып табылмайтын тұлға. 2. Бейрезиденттің табысынан төлем көзінен ұсталатын корпоративтік табыс салығын есептеу міндеттемесі қандай жағдайда туындайды? Төлем көзінен ұсталатын корпоративтік табыс салығын есептеу, ұстап қалу және бюджетке аудару міндеттемесі қазақстандық ұйымның немесе жеке кәсіпкердің (салық агентінің) заңды тұлға – бейрезидентке табыс төлеуі кезінде, егер мұндай табыс Салық кодексіне сәйкес Қазақстан Республикасындағы көздерден алынған табыс деп танылса, туындайды. 3. Бейрезиденттің қандай табыстарынан төлем көзінен ұсталатын корпоративтік табыс салығы есептеледі? Қазақстан Республикасы Салық кодексінің 679-бабына сәйкес, заңды тұлға – бейрезиденттің Қазақстан Республикасындағы көздерден алынатын табыстарына, атап айтқанда, мыналар жатады: Қазақстан Республикасының аумағында тауарларды өткізуден, жұмыстарды орындаудан және қызметтер көрсетуден алынатын табыстар; басқарушылық, қаржылық, консультациялық, аудиторлық, маркетингтік, заңгерлік және IT-қызметтер көрсетуден алынатын табыстар; пассивті табыстар (дивидендтер, сыйақылар (пайыздар), роялти); Қазақстан Республикасының аумағында орналасқан мүлікті жалға беруден немесе өткізуден алынатын табыстар; халықаралық тасымалдарды жүзеге асырудан алынатын табыстар. 4. Заңды тұлға – бейрезиденттердің табыстарына қандай корпоративтік табыс салығының мөлшерлемелері қолданылады? Төлем көзінен ұсталатын корпоративтік табыс салығының мөлшерлемелері Қазақстан Республикасы Салық кодексінің 682-бабында белгіленген: 20 % – жұмыстарды орындаудан, қызметтер көрсетуден, жарнамадан, маркетингтік және өзге де ұқсас қызметтерден алынатын табыстарға; 15 % – тәуекелдерді сақтандыру шарттары бойынша сақтандыру сыйлықақыларына; 5 % – тәуекелдерді қайта сақтандыру шарттары бойынша сақтандыру сыйлықақыларына; 5 % – халықаралық тасымалдау қызметтерін көрсетуден алынатын табыстарға; 15 % – құн өсімінен алынған табыстарға, дивидендтерге, сыйақыларға (пайыздарға) және роялтиге; 20 % – жеңілдікті салық салынатын мемлекетте (офшорлық юрисдикцияда) тіркелген тұлғалардың табыстарына. 5. Заңды тұлға – бейрезидент үшін корпоративтік табыс салығын кім төлейді? Төлем көзінен ұсталатын корпоративтік табыс салығын салық агенті – заңды тұлға – бейрезидентке табыс төлейтін қазақстандық ұйым немесе жеке кәсіпкер ұстап қалады және бюджетке аударады. Салық бейрезидентке төленетін табыс сомасынан тікелей ұсталып, Қазақстан Республикасының бюджетіне аударылады. 6. Қандай салық есептілігі ұсынылады және қандай мерзімде тапсырылады? Салық агенттері заңды тұлға – бейрезиденттің табыстарынан төлем көзінен ұсталатын корпоративтік табыс салығы бойынша есепті (101.04-нысан) ұсынуға міндетті. Есеп тоқсан сайын, есепті тоқсаннан кейінгі екінші айдың 15-күнінен кешіктірілмей ұсынылады. 7. Төлем көзінен ұсталатын корпоративтік табыс салығын есептеу, ұстап қалу және төлеу мерзімдері қандай? Төлем көзінен ұсталатын корпоративтік табыс салығын есептеу, ұстап қалу және төлеу тәртібі Қазақстан Республикасы Салық кодексінің 683 және 684-баптарымен реттеледі. Салық кодексінің 683-бабына сәйкес, салықты есептеу және ұстап қалу заңды тұлға – бейрезидентке табыс төленген күні жүргізіледі. Салық кодексінің 684-бабына сәйкес, ұсталған салық сомасы бейрезидентке табыс төленген ай аяқталғаннан кейін күнтізбелік 25 күннен кешіктірілмей бюджетке аударылады.
Тікелей эфир тақырыбы: «Қазақстан республикасындағы соттан тыс банкроттық бойынша өзекті сұрақтар» Спикер: Сыдыканов Ерзат Дулатұлы - Абай облысы бойынша МКД дәрменсіз борышкерлермен жұмыс басқармасының бас маманы 24.07.2026 ж. сағ. 11:00-де
Бос мемлекеттік әкімшілік лауазымына орналасу үшін Қазақстан Республикасы осы мемлекеттік органның «Б» корпусының бос мемлекеттік әкімшілік лауазымына орналасуға ішкі конкурс өткізу үшін Қазақстан Республикасының Қаржы министрлігі Мемлекеттік кірістер комитеті Абай облысы бойынша Мемлекеттік кірістер департаментінің Семей қаласы бойынша Мемлекеттік кірістер басқармасының конкурстық комиссияның 2026ж. 07 шілдедегі ШЕШІМІ
Бос мемлекеттік әкімшілік лауазымына орналасу үшін Қазақстан Республикасы осы мемлекеттік органның «Б» корпусының бос мемлекеттік әкімшілік лауазымына орналасуға ішкі конкурс өткізу үшін Қазақстан Республикасының Қаржы министрлігі Мемлекеттік кірістер комитеті Абай облысы бойынша Мемлекеттік кірістер департаментінің Семей қаласы бойынша Мемлекеттік кірістер басқармасыныңконкурстық комиссияның 2026ж. 07 шілдедегі ШЕШІМІ Бос мемлекеттік әкімшілік лауазымдарына орналасу үшін Қазақстан Республикасы Қаржы министрлігінің Мемлекеттік кірістер комитеті Абай облысы бойынша Мемлекеттік кірістер департаментінің ішкі конкурс комиссиясының оң қорытындысын алған кандидаттардың тізімі № Лауазым Кандидаттың тегі, аты, әкесінің аты (бар болған жағдайда) 1 Қазақстан Республикасының Қаржы министрлігі Мемлекеттік кірістер Комитетінің Абай облысы бойынша Мемлекеттік кірістер департаментінің Семей қаласы бойынша Мемлекеттік кірістер басқармасының Заң бөлімінің бас маманы, № ЮО-10-03 В функционалдық блогы Кандидаттардыңболмауына байланысты өтпеді деп танылды
Жарияланды:
Құжат
Борышкерді төлем қабілеттілігін қалпына келтіру рәсімін қолдану туралы сот өндірісінде қолдану туралы хабарландыру
Жарияланды:
Құжат
Төлем қабілеттілігін қалпына келтіру немесе сот банкроттығы рәсімін қолдану туралы іс бойынша іс қозғау туралы хабарландыру
Жарияланды:
Құжат
Банкроттық туралы іс бойынша іс жүргізуді қозғау және кредиторлардың талаптарды мәлімдеу тәртібі туралы хабарландыру
Жарияланды:
Кесте
ҚР ҚМ МКК Абай облысы бойынша Мемлекеттік кірістер департаментінің Әңгімелесу және эссе өткізу КЕСТЕСІ
"Б" корпусының мемлекеттік әкімшілік лауазымына орналасуға конкурс өткізу қағидаларының7-қосымшасы Нысан ҚР ҚМ МКК Абай облысы бойынша Мемлекеттік кірістер департаментінің Әңгімелесу және эссе өткізу КЕСТЕСІ № Лауазым Кандидаттың тегі, аты, әкесінің аты (бар болған жағдайда) Әңгімелесу өтетін орны, күні және уақыты Эссе өтетін орны, күні және уақыты 1 Қазақстан Республикасының Қаржы министрлігі Мемлекеттік кірістер комитетінің Абай облысы бойынша Мемлекеттік кірістер департаментінің Камералдық мониторинг басқармасының № 1 камералдық мониторинг бөлімінің басшысы, МКД-08-1, А функционалдық блогы Әнет Роллан Талғатұлы Семей қаласы, Абай данғылы 3 үй, 2026 жылғы 1 шілде сағат 09-00 де 2 Қазақстан Республикасы Қаржы министрлігі Мемлекеттік кірістер комитетінің Абай облысы бойынша Мемлекеттік кірістер департаменті «Бақты» кеден бекетінің бас маманы, № МКД-19-32, А функционалдық блогы Аскертаев Сабыржан Нуржанович Семей қаласы, Абай данғылы 3 үй, 2026 жылғы 1 шілде сағат 09-00 де Мухамедиева Толкын Дуйсенгазыевна Семей қаласы, Абай данғылы 3 үй, 2026 жылғы 1 шілде сағат 09-00 де __________________________________________________ Әжібекова Ү.Қ. (Персоналды басқару қызметі басшысының тегі, аты, әкесінің аты (бар болған жағдайда)) Хатшы: Маралова А.Т.
Жарияланды:
Шешім
ҚР ҚМ МКК Абай облысы бойынша Мемлекеттік кірістер департаментінің қатысушылардың әңгімелесуге жіберу туралы ШЕШІМ
"Б" корпусының мемлекеттік әкімшілік лауазымына орналасуға конкурс өткізу қағидаларының6-қосымшасы Нысан Семей қаласы 2026 жылғы 29 маусым ҚР ҚМ МКК Абай облысы бойынша Мемлекеттік кірістер департаментінің қатысушылардың әңгімелесуге жіберу туралы ШЕШІМ № Лауазым Кандидаттың тегі, аты, әкесінің аты (бар болған жағдайда) Шешім (жіберілді / жіберілген жоқ) Жіберілмеу себебі 1 Қазақстан Республикасының Қаржы министрлігі Мемлекеттік кірістер комитетінің Абай облысы бойынша Мемлекеттік кірістер департаментінің Камералдық мониторинг басқармасының № 1 камералдық мониторинг бөлімінің басшысы, МКД-08-1, А функционалдық блогы Әнет Роллан Талғатұлы жіберілді - 2 Қазақстан Республикасы Қаржы министрлігі Мемлекеттік кірістер комитетінің Абай облысы бойынша Мемлекеттік кірістер департаменті Ұйымдастыру-қаржы басқармасының басшысы, № МКД-05, В функционалдық блогы Кандидат жоқ - 3 Қазақстан Республикасы Қаржы министрлігі Мемлекеттік кірістер комитетінің Абай облысы бойынша Мемлекеттік кірістер департаменті «Бақты» кеден бекетінің бас маманы, № МКД-19-32, А функционалдық блогы Аскертаев Сабыржан Нуржанович жіберілді - Мухамедиева Толкын Дуйсенгазыевна жіберілді ______________________________________________ Әжібекова Ү.Қ. (Персоналды басқару қызметі басшысының тегі, аты, әкесінің аты (бар болған жағдайда) Хатшы: Маралова А.Т.
