Ақмола облысының санитариялық-эпидемиологиялық бақылау департаменті

1. Қызылшаға тән белгілер? ЖАУАП: Қызылша кезінде жиі кездесетін белгілер-қызыл немесе қоңыр түсті дақтар түріндегі кең бөртпелер, бірақ бұл жалғыз белгі емес. Бөртпе пайда болғанға дейін қызылшамен ауыратын балаларда жалпы тұмаудың белгілері пайда болады: жөтел, мұрыннан су ағу, дене қызуының жоғарылауы және көздің қабынуы (конъюнктивит). 2. Қызылшаның патогномоникалық белгілері? ЖАУАП: (Филатов-Коплик симптомы) 3. Қызылша инфекциясының көзі кімболып табылады? ЖАУАП: Инфекция көзі-айналадағыларғаинкубациялық кезеңнің соңғы күндерінен (соңғы 2-күн) бөртпелер шыққаннан кейінгі 4-күнге дейін қауіпті кез келген түрдегі қызылшамен ауыратын науқас. Ал 5-күнгі бөртпелері бар адам ауруды жұқтырмайды деп саналады. 4. Қызылшаның инкубациялық кезеңі? ЖАУАП: Орташа есеппен 1-2 аптаны құрайды. 5. Қызылшаның қандай асқынуы жұқпалы кезеңді ұзартады? ЖАУАП: пневмония 6. Қызылша ауруын жұқтыру себептері? ЖАУАП: Қызылша ауруын жұқтыру себебі-инфекцияны жұқтырған баланың немесе ересек адамның мұрны мен тамағында көбейетін вирус. Қызылшамен ауыратын адам жөтелген немесе түшкірген кездежұқпалы ауруды жұқтырған тамшылар қоршаған ауаға таралады, содан кейін олар басқа адамдардың ағзаларына аумен енеді.Жұқпалы ауруды жұқтырған тамшылар беттерге қонып, бірнеше сағат бойы белсенді болады. Егер инфекция жұқтырмаған адам алдымен осы заттардың беттерін ұстап, содан кейін мұрнын немесе көзін ұқаласа, олар да ауруды жұқтыруы мүмкін. 7. Қызылшаға күдікті науқастардан қандай биоматериалдар алынады? ЖАУАП:қан сарысуы, толық қан, зәр, мұрын-жұтқыншақтың бөліну үлгілері. 8. Қызылшаға күдікті науқастардан алынған материал үлгілері қандай температурада зерттеу үшін зертханада сақталады және тасымалданады? ЖАУАП: Мұрын-жұтқыншақ, зәр және толық қан үлгілері бөртпе пайда болған сәттен бастап алғашқы 3 (үш) күн ішінде алынады және жөнелтілгенге дейін + 4-тен + 80С-ге дейінгі температурада іріктеп алу сәтінен бастап 24 (жиырма төрт) сағат бойы сақталады және тасымалданады; 9. Қызылша немен қауіпті? ЖАУАП: Қызылша-өте жұқпалы вирустық ауру. Қызылша өлімге және кейбір күрделі асқынуларға (пневмония (өкпенің қабынуы) және кейбір жағдайларда ми инфекциясы)әкелуі мүмкін. 10. Қызылшаның алдын алу шаралары қандай? Жауап: Егер Сіздің отбасы мүшелеріңізден біреуі қызылшамен ауырса, келесі сақтық шараларын қолданыңыз: * Оқшаулау. Қызылша өте жұқпалы болғандықтанбөртпе басталғанға дейін 4 күн бұрын және ол басталғаннан кейін 4 күн өткен со науқас адам осы уақыт аралығында барынша оқшаулануы керек. Науқас сапарға, қонаққажәне кездесуге бармау тиіс. * Вакцинацияланбаған адамдарды ауруды жұқтырған науқастан оқшаулау өте маңызды * Екпе егуді және иммуноглобулинді жүргізу. Екпе қызылшаға қарсы ұжымдық иммунитетін қалыптастырады және сақтайды. Қызылшаға қарсы ұжымдық иммунитеті әлсірегеннен кейін аурудың жиілігі арта бастайды. 11. Қызылша ауруын жұқтырған науқаспен тығыз байланыста болған адамдарға шұғыл вакцинация қай уақыт ішінде жүргізіледі? ЖАУАП: Шұғыл екпе егу науқаспен соңғы байланыста болған сәттен бастап 72 сағаттан кешіктірілмей жүргізіледі. 12.Қызылшаға қарсы вакцинацияланған адам қызылша ауруын жұқтыруы мүмкін бе? ЖАУАП: Иә, егер қызылшаға қарсы екпе жүргізілгеннен кейін адамдақызылшаға қарсы иммунитеті қалыптаспаған жағдайда олауруды жұқтыруы мүмкін. 13.Қызылша қоздырғышына қарсы иммунитеті бар адамдар контингенті ЖАУАП: өмірдің алғашқы 3 айы.

№ 1-сұрақ. № 1-жауап. Қардың еруі, су тасқыны-бұл көктемнің белгісі ғана емес, сонымен қатар микроорганизмдердің еріген суларымен ауыз суға түсу қаупі, өйткені топырақ арқылы судың сүзілуін күшейтетін барлық процестер су сапасының нашарлауына әкеледі. Ең алдымен, бұл өткір ішек инфекциясы, дизентерия, тырысқақ, вирустық гепатит және т.б. сияқты жұқпалы аурулардың және аса қауіпті инфекциялардың пайда болу қаупімен байланысты. Бұл инфекциялардың қоздырғыштары ұзақ уақыт бойы залалсыздандырылмаған суда тіршілік ету және көбею қабілетіне ие. № 2-сұрақ. Су тасқыны кезінде өзіңізді және жақындарыңызды қалай қорғауға болады? № 2-жауап. Ең қарапайым және тиімді кеңес, әрі ең қауіпсіз деп саналатын, ол - қайнаған суды тұтыну. Суды (қайнату) және тамақ өнімдерін (қайнату, қуыру және т.б.) термиялық өңдеу барлық ықтимал патогендерді, соның ішінде бактериялар мен вирустарды жоятынын есте ұстаған жөн. №3-сұрақ. Санитариялық-эпидемиологиялық бақылау қызметі қандай жұмыс атқарады? № 3-жауап. Халықтың санитариялық-эпидемиологиялық саламаттылығын және су сапасын бақылауды қамтамасыз ету мақсатында су тасқыны кезеңінде облыста аумақтық санитариялық-эпидемиологиялық бақылау басқармалары мен «Ұлттық сараптама орталығы» ШЖҚ РМК филиалы бөлімшелерінің қызметкерлерінен жедел штаб құрылды. «Санитариялық-эпидемияға қарсы және санитариялық-профилактикалық іс-шараларды жүргізу туралы» Ақмола облысының бас мемлекеттік санитариялық дәрігерінің 2023 жылғы 28 наурыздағы № 2 қаулысына сәйкес су құбыры суының сапасына тұрақты мониторинг, сондай-ақ әлеуметтік желілер және басқа да интернет-ресурстар арқылы түсіндіру жұмыстары жүргізеді.