Әуезов ауданы әкімінің аппараты

Мемлекеттік қызметтер бойынша есеп (2026ж шілде)

"Алматы қаласында әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарынан тізбесін айқындаудың қағидаларына" өзгерістер енгізілді

Алматы қаласы Мәслихатының 14.05.2026 жылғы № 301 шешіміне (бұдан әрі - №301 шешім) сәйкес 2023 жылғы 08 желтоқсандағы №73 "Алматы қаласында әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарынан тізбесін айқындаудың қағидаларына" өзгерістер енгізілді. № 301 шешімнің 8 тармағы: Азаматтарды мұқтаждар санатына жатқызу үшін мыналар негіз болады: 1) дүлей зілзаланың салдарынан азаматқа (отбасына) не оның мүлкіне зиян келтіру; 2) өрт салдарынан азаматқа (отбасына) не оның мүлкіне зиян келтіру; 3) әлеуметтік мәні бар сырқатының болуы; 4) республикалық бюджет туралы заңмен тиісті қаржы жылына белгіленетін ең төменгі күнкөріс деңгейіне еселік қатынаста жергілікті өкілді органдар белгілеген шектен аспайтын жан басына шаққандағы орташа табысының болуы. «Атаулы күндер мен мереке күндеріне орай, Қазақстан Республикасының тәуелсіздік күні: Қазақстандағы 1986 жылғы 17-18 желтоқсандағы оқиғаларға қатысып, «Жаппай саяси қуғын - сүргіндер құрбандарын ақтау туралы» ҚР Заңында белгіленген тәртіпке сәйкес ақталған тұлғаларға - 400 (төрт жүз) мың теңге мөлшерінде бір жолғы әлеуметтік көмек көрсетіледі. 20 тармақ. Әлеуметтік көмек жан басына шаққандағы орташа табысы 3 (үш) ең төмен күнкөріс деңгейінен аспайтын азаматтардың келесі санаттарына тоқсан сайын 3,5 АЕК мөлшерінде төленіп, жыл сайын тағайындалады: 1) ҚР Әлеуметтік кодексінің 207-бабының 1-тармағына сәйкес зейнет жасына толған зейнеткерлерге (бұдан әрі-зейнет жасына толған зейнеткерлер); 2) бүйрек қызметінің созылмалы жеткіліксіздігімен ауыратын бірінші топтағы мүгедектігі барларға көрсетіледі. 23-тармақ.Алматы қаласы Қоғамдық денсаулық сақтау басқармасының «ЖИТС алдын алу және оған қарсы күрес жөніндегі орталық» ШЖҚ диспансерлік есепте тұрған, АИТВ инфекциясы бар балаларға әлеуметтік көмек отбасының табысын есепке алмағанда жыл сайын ең төменгі күнкөріс деңгейінің 2 (екі) есе мөлшерінде ай сайынғы төлеммен тағайындалады.

Әуезов ауданы әкімі аппаратының қызметшілерімен өткізілген кеңес

ХАТТАМА Әуезов ауданы әкімі аппаратының қызметшілерімен өткізілген кеңестің «14» шілде 2026 жыл Қатысқандар: Әуезов ауданы әкімі аппаратының қызметшілері. Күн тәртібі: Мемлекеттік қызметшілердің Әдеп кодексінің талаптарын сақтау. Қазақстан Республикасының Әкімшілік рәсімдік-процестік кодексін (ӘАПК) қолдану мәселелері. Еңбек тәртібін сақтау. Бірінші мәселе бойынша: Аппарат басшысы Л.Н. Джетыбаева сөз сөйлеп, Қазақстан Республикасы мемлекеттік қызметшілерінің Әдеп кодексінің талаптарын мүлтіксіз сақтау қажеттігін атап өтті. Қызметтік әдеп нормаларын, адалдық, азаматтар мен әріптестерге құрметпен қарау қағидаттарын сақтау, мүдделер қақтығысына жол бермеу, сондай-ақ заңнамамен белгіленген шектеулер мен тыйымдарды сақтау мәселелеріне ерекше назар аударылды. Екінші мәселе бойынша: Құжаттамалық қамтамасыз ету бөлімінің басшысы М.Н. Баимбетова сөз сөйлеп, қызметкерлердің назарына Қазақстан Республикасының Әкімшілік рәсімдік-процестік кодексінің (ӘАПК) негізгі талаптарын жеткізді. Баяндама барысында жеке және заңды тұлғалардың өтініштерін қарау мерзімдерін сақтау, әкімшілік рәсімдердің заңдылығын қамтамасыз ету, әкімшілік процеске қатысушылардың құқықтарын сақтау және әкімшілік актілерді дайындау сапасын арттыру мәселелері қаралды. Үшінші мәселе бойынша: Л.Н. Джетыбаева еңбек тәртібін қатаң сақтау, басшылықтың тапсырмаларын уақтылы орындау, жұмыс уақыты режимін және атқарушылық тәртіпті сақтау, сондай-ақ жұмысқа кешігуге, себепсіз жұмысқа келмеуге және еңбек тәртібін бұзудың өзге де жағдайларына жол бермеу қажеттігіне ерекше назар аударды. Кеңес қорытындысы бойынша шешім қабылданды: Күн тәртібіндегі мәселелер бойынша ұсынылған ақпарат назарға алынсын. Қазақстан Республикасы мемлекеттік қызметшілерінің Әдеп кодексінің талаптарының мүлтіксіз сақталуы қамтамасыз етілсін. Қызметтік міндеттерді орындау барысында Қазақстан Республикасының Әкімшілік рәсімдік-процестік кодексінің талаптары басшылыққа алынсын. Өтініштерді қарау мерзімдерінің сақталуына және қызметтік құжаттарды дайындау сапасына бақылау күшейтілсін. Еңбек және атқарушылық тәртібі қағидаларының сақталуы қамтамасыз етілсін. Құрылымдық бөлімшелердің басшылары осы кеңестің қорытындыларын қызметкерлерге жеткізіп, қабылданған шешімдердің орындалуына бақылауды қамтамасыз етсін.

Әуезов ауданы әкімі, орынбасарлары және бөлім басшыларының 2026 жылғы ІІІ тоқсанға арналған азаматтарды қабылдау кестесі

Әуезов ауданы әкімі, орынбасарлары және бөлім басшыларының2026 жылғы ІІІ тоқсанға арналған азаматтарды қабылдау кестесі

«СПОРТ ДОСТЫҚ АЛАҢЫ» АКЦИЯСЫ АЯСЫНДАҒЫ «ДВОРОВАЯ ЛИГА» АУДАНДЫҚ ФУТБОЛ ТУРНИРІН ӨТКІЗУ ТУРАЛЫ ЕРЕЖЕ

«СПОРТ ДОСТЫҚ АЛАҢЫ» АКЦИЯСЫ АЯСЫНДАҒЫ «ДВОРОВАЯ ЛИГА» АУДАНДЫҚ ФУТБОЛ ТУРНИРІН ӨТКІЗУ ТУРАЛЫ ЕРЕЖЕ Жалпы ережелер 1.1. «Спорт достық алаңы» акциясы аясында Әуезов ауданындағы аула жастары арасында «Дворовая Лига» аудандық футбол турнирі өткізіледі. 1.2. Турнирдің мақсаты: балалар мен жасөспірімдерді бұқаралық спортқа тарту; салауатты өмір салтын насихаттау; аула футболын дамыту; талантты жас футболшыларды анықтау; балалар мен жастар арасында достық қарым-қатынасты нығайту. Өткізу мерзімі мен орны 2.1. Турнир 2026 жылдың шілде айында өткізіледі. 2.2. Ойындар Әуезов ауданындағы аулаларда орналасқан шағын футбол алаңдарында өтеді. Қатысушылар 3.1. Турнирге Әуезов ауданының аумағында тұратын және аула футболымен тұрақты түрде айналысатын әуесқой балалар мен жасөспірімдер қатыса алады. 3.2. Турнирге келесі жас санаттары бойынша командалар қатысады: кіші жас тобы – 8-10 жас; орта жас тобы – 12-14 жас. 3.3. Команда құрамында 8-ден 12-ге дейін ойыншы болуы тиіс. 3.4. Ойын барысында алаңға бір мезгілде 5 ойыншы және 1 қақпашы шығарылады. 3.5. Қатысушылар жарысқа өздерінің жас ерекшеліктеріне сәйкес жас санаттары бойынша қатысады. Турнирді өткізу тәртібі 4.1. Турнир топтық және плей-офф жүйесі бойынша өткізіледі. 4.2. Жарыстың нақты форматы командалар санына байланысты ұйымдастыру комитетімен бекітіледі. 4.3. Жеңіс үшін – 3 ұпай, тең ойын үшін – 1 ұпай, жеңіліс үшін – 0 ұпай беріледі. 4.4. Топтық кезеңнің қорытындысы бойынша үздік командалар келесі кезеңге өтеді. Финалдық кезең 5.1. Турнир қорытындысы бойынша ең үздік екі команда Әуезов ауданы әкімінің кубогы үшін өтетін «Дворовая Лига» финалдық жарысына жолдама алады. 5.2. Финалдық кезеңде ауданның үздік аула командалары бақ сынайды. Марапаттау 6.1. Турнир жеңімпаздары мен жүлдегерлері дипломдармен, медальдармен, кубоктармен және бағалы сыйлықтармен марапатталады. 6.2. Сондай-ақ үздік ойыншы, үздік қақпашы және үздік шабуылшы аталымдары бойынша арнайы марапаттар табысталуы мүмкін. Қорытынды ережелер 7.1. Турнирге қатысу арқылы қатысушылар осы Ережемен толық келісетінін растайды. 7.2. Осы Ережеде қарастырылмаған мәселелер ұйымдастыру комитетінің шешімімен реттеледі. Ұраны / Девиз турнира:«Әр ауладан – чемпион! / Из каждого двора – чемпион!» Өтінім беру тәртібі 8.1. Турнирге қатысу үшін командалар 2026 жылғы 10 шілде мен 15 шілде аралығында өтінімдерін ұсынуы тиіс. 8.2. Өтінімдер ұйымдастыру комитетінің 8 776 546 36 03 байланыс нөміріне WhatsApp арқылы немесе белгіленген тәртіппен қабылданады. 8.3. Өтінім келесі үлгі бойынша толтырылады: № Қатысушының аты-жөні Туған күні, айы, жылы Мектебі Сыныбы Тұрақты мекенжайы Ата-анасының (заңды өкілінің) аты-жөні Қызмет орны, лауазымы Байланыс телефоны Дәрігердің анықтамасы 1 2 8.4. Әрбір қатысушы өтінімге денсаулық жағдайы бойынша спорттық жарыстарға қатысуға рұқсат берілгені туралы дәрігердің анықтамасын қоса ұсынуы тиіс. 8.5. Медициналық анықтамада дәрігердің қолы, медициналық мекеменің мөрі және анықтаманың жарамдылық мерзімі көрсетілуі міндетті. 8.6. Толық әрі дұрыс рәсімделмеген өтінімдер ұйымдастыру комитетінің қарауына қабылданбауы мүмкін.