Жиында ұлт ұстазының рухани мұрасы дәріптеліп, мемлекеттік тілдің мәртебесі мен тіл мәдениетін арттыруға бағытталған танымдық және мәдени бағдарламалар ұйымдастырылды.
Түркістан облысы Төтенше жағдайлар департаментінде 5 қыркүйек – Қазақстан халқының тілдері күніне орай «Ахмет Байтұрсынұлы – ұлт ұстазы» тақырыбында семинар өтті.
Іс-шараның мақсаты – ұлт ұстазының ғылыми-ағартушылық мұрасын насихаттау, мемлекеттік тілдің мәртебесін арттыру және тіл мәдениетін қалыптастыру.
Семинар барысында Ахмет Байтұрсынұлының өмірі мен шығармашылығы туралы бейнеролик көрсетіліп, мақал-мәтелдер сайысы ұйымдастырылды. Сонымен қатар оның өлеңдерінен үзінділер орындалып, мемлекеттік тілдің кәсіби ортадағы қолданысы жөнінде баяндамалар жасалды.
Іс-шара патриоттық әнмен жалғасып, Ахмет Байтұрсынұлының шығармашылығына арналған кітап көрмесі таныстырылды.
Семинар соңында белсенді қатысқан қызметкерлер марапатталды.
