Ертіс ауданының ТЖ бөлімінің қызметкерлері еріктілік қозғалысты насихаттау аясында ұйымдастырылған «Ертіс Жастар Fest» іс-шарасына қатысты.
Іс-шара барысында азаматтық қорғау органдарының қызметкерлері жастарға өрт қауіпсіздігі ережелерін сақтау және қауіпсіз мінез-құлық бойынша түсіндіру жұмыстарын жүргізді. Қатысушыларға өрт сөндіру-құтқару қызметінің жұмысы туралы ақпарат беріліп, арнайы техника, өрт-техникалық құрал-жабдықтар мен қызметкерлердің арнайы киімдері таныстырылды.
Қатысушылар құтқарушылардың жұмысының ерекшеліктерімен, пайдаланылатын құрал-жабдықтармен және төтенше жағдайлар туындаған кездегі іс-қимыл алгоритмімен танысты.
Мұндай іс-шараларды өткізу жастар арасында қауіпсіздік мәдениетін, жауапкершілікті және өзгелерге көмек көрсетуге дайын болу қасиетін қалыптастыруға ықпал етеді.
Қауіпсіздік әрқайсымыздан басталады!
