Бүгін «Мөлдір бұлақ» балалар сауықтыру лагерінде өрт қауіпсіздігі мен судағы жазатайым оқиғалардың алдын алуға бағытталған профилактикалық іс-шара өтті.
Жамбыл облысы Төтенше жағдайлар департаментінің қызметкерлері жедел-құтқару жасағының құтқарушыларымен бірлесіп демалушы балаларға өрт қауіпсіздігі талаптары мен су айдындарындағы қауіпсіздік ережелерін түсіндірді.
Іс-шара барысында төтенше жағдай туындаған кезде дұрыс әрекет ету тәртібі түсіндіріліп, құтқарушылар суға батып бара жатқан адамды құтқару тәсілдерін іс жүзінде көрсетті. Сондай-ақ құтқару құралдарын пайдалану жолдары таныстырылды.
