Ұлытау облысындағы «Серіктес» авариялық-құтқару қызметі» ЖШС-де жоспарлы бақылау іс-шаралары басталды

Тексеріс жұмыстарының ресми ашылуына Ұлытау облысы Төтенше жағдайлар департаментінің Өнеркәсіптік қауіпсіздік басқармасының мемлекеттік инспекторлары мен кәсіпорын басшылығы қатысты. Кеңес барысында атқарылатын жұмыстардың мақсат-міндеттері айқындалып, салалық заңнама талаптарын сақтаудың маңызы жан-жақты түсіндірілді.
Шара аясында нормативтік-құқықтық актілердің орындалуы, өндірістік тәуекелдерді азайту шаралары, мекеменің материалдық-техникалық жарақтануы мен персоналдың төтенше жағдайларға жедел әрекет ету дайындығы талданады. Бұл өндірістік қауіпсіздік деңгейін көтеруге, ықтимал заң бұзушылықтардың алдын алуға және қызметкерлердің өмірі мен денсаулығын қорғауға бағытталған.