Қазақстан Республикасы Төтенше жағдайлар министрлігі Өнеркәсіптік қауіпсіздік комитетінің төрағасы Рашид Дубаев саладағы сыбайлас жемқорлық тәуекелдерін жою, жүйедегі сыбайлас жемқорлық құқық бұзушылықтарына жол бермеу, заңнама талаптарының қатаң сақталуын қамтамасыз ету, сондай-ақ мемлекеттік қызметтерді уақтылы, сапалы әрі ашық көрсету және еңбек пен орындаушылық тәртіпті нығайту бойынша түбегейлі шаралар қабылдау жөнінде аумақтық Төтенше жағдайлар департаменттері және Комитеттің мемлекеттік инспекторларымен Zoom платформасында жұмыс кеңесін өткізді.
Аталған жүйелі шаралар мемлекеттік инспекторлардың қызметіндегі сыбайлас жемқорлық көріністерін толығымен шектеуге, бақылау жүйесінің адалдығы мен ашықтығын арттыруға, сондай-ақ мемлекеттік аппаратқа қоғамның сенімін нығайтуға бағытталған.
