Талас ауданы Төтенше жағдайлар бөлімінің қызметкерлері аудандық полиция бөлімінің қызметкерлерімен бірлесіп, Қаратау қаласындағы Жартас жағажайының шомылуға рұқсат етілмеген аумақтарында рейдтік іс-шаралар жүргізді. Рейд барысында азаматтарға судағы қауіпсіздік ережелері түсіндіріліп, тыйым салынған орындарда шомылудың қауіптілігі ескертілді.
Іс-шара нәтижесінде Қазақстан Республикасының Әкімшілік құқық бұзушылық туралы кодексінің 364-1-бабы бойынша 3 жеке тұлғаға әкімшілік хаттама толтырылып, ескерту берілді. Мамандар тұрғындарды тек арнайы жабдықталған және рұқсат етілген орындарда ғана шомылуға шақырады.
