Ұлттық домбыра күніне орай Арқалық қаласында «Тобыл–Торғай» облыстық домбырашылар байқауы өтті. Өнер додасына Қостанай облысының қала-аудандарынан келген үздік домбырашылар қатысып, өздерінің жоғары орындаушылық шеберлігін және ұлттық өнерге деген адалдығын паш етті.
Аталған байқауда Қарабалық ауданының намысын ұжым жетекшісі Шыңғыс Төлепберген лайықты қорғап, «Күй қазынасының білгірі» номинациясы бойынша дипломмен және ақшалай сертификатпен марапатталды.
