2026 жылғы 8 мамырда Ұлы Отан соғысындағы Жеңістің ұлы мерекесі қарсаңында Бородулиха аудандық мәслихатының төрағасы Сауле Тұрсынқызы Урашева мен «AMANAT» партиясының атқарушы хатшысы Эльдар Төлегенұлы Қонорбаев Бородулиха ауылында тұратын тыл еңбеккері Төлеуғайша Урынбаеваға арнайы барып, мерекемен құттықтады. Кездесу барысында мерекелік сыйлық табысталып, Төлеуғайша Урынбаеваға зор денсаулық, ұзақ ғұмыр, отбасының қамқорлығы мен жақындарының ыстық ықыласын тіледі. Ардагерлер мен тыл еңбеккерлерінің жанқиярлық еңбегі мен ерлігі халқымыздың жүрегінде мәңгі сақталып, жас ұрпаққа патриоттықтың, елге адал қызмет етудің жарқын үлгісі болып қала береді.
