Талас ауданы Төтенше жағдайлар бөлімінің қызметкерлері аудан аумағында автокөліктердегі қауіпсіздік бойынша профилактикалық акция өткізуде. Іс-шара барысында тұрғындарға автокөліктегі өрт қауіпсіздігі ережелері түсіндіріліп, төтенше жағдайлардың алдын алу бойынша ұсынымдар берілуде.
Сонымен қатар жүргізушілерге өрт сөндіргіш құралдарының жарамдылығын тексеру, электр сымдарының жағдайына назар аудару және жанғыш заттарды көлікте сақтамау қажеттігі ескертілді. Акцияның мақсаты – жол-көлік оқиғалары мен автокөлік өрттерінің алдын алу, сондай-ақ тұрғындардың қауіпсіздік мәдениетін арттыру.
