Қабанбай ауылдық мәдениет үйінде «Сыбайлас жемқорлық – қоғамның жауы» атты талқылау сағаты өткізілді.
Іс-шараның мақсаты – сыбайлас жемқорлықтың қоғамға тигізетін зияны туралы түсінік қалыптастыру, жастардың құқықтық сауаттылығын арттыру және адалдық пен әділдік қағидаларын насихаттау.
Талқылау барысында қатысушылар сыбайлас жемқорлықтың түрлері, оның қоғам дамуына кері әсері және онымен күресудің маңыздылығы жөнінде пікір алмасты. Сондай-ақ заң талаптарын сақтау, адал еңбек ету және азаматтық жауапкершілік мәселелері сөз болды.
Шара соңында қатысушылар сыбайлас жемқорлыққа қарсы мәдениетті қалыптастыру әрбір азаматтың міндеті екенін атап өтіп, адалдық пен әділдік қағидаларын ұстанудың маңыздылығына тоқталды.
