Соңғы уақытта әлеуметтік желілерде, әсіресе TikTok платформасында тікелей эфирге шығып, балағат сөздер айту, өзге азаматтарды қорлау, әдепсіз әрекеттер жасау және қоғамдық тәртіпке қайшы контент тарату жағдайлары жиі кездесуде.
Полиция ескертеді!
Интернет кеңістігінде жасалған әрекеттер де қолданыстағы заңнама талаптарына сәйкес бағаланады. Тікелей эфир барысында қоғамдық тәртіпті бұзатын, өзге азаматтардың ар-намысы мен қадір-қасиетіне нұқсан келтіретін және құқыққа қайшы әрекеттер жасаған тұлғаларға қатысты әкімшілік жауапкершілік көзделген.
Құрметті желі қолданушылары!
Тікелей эфир барысында балағат және әдепсіз сөздер қолданбаңыздар; Өзге азаматтарды қорлап, ар-намысына тиетін әрекеттерге жол бермеңіздер; Қоғамдық тәртіпті бұзатын және құқыққа қайшы контент таратпаңыздар; Әлеуметтік желіні өзара сыйластық пен пайдалы ақпарат тарату алаңы ретінде пайдаланыңыздар.Интернет кеңістігінде заңдылық пен қоғамдық тәртіп талаптарының қатаң сақталуы қажеттігін ескертеміз. Құқыққа қайшы кез келген әрекет заң аясында бағаланып, кінәлі тұлғалар қолданыстағы заңнамаға сәйкес жауапкершілікке тартылады.
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
