Ақмола облысында отбасылық-тұрмыстық зорлық-зомбылықтың алдын алу жұмыстары жалғасуда. Жыл басынан бері полицейлер құқық бұзушылардың мінез-құлқына 1 220-дан астам ерекше талаптар қойды. 131 жағдайда психологиялық түзетуден өту қарастырылған.
Мұндай жұмысты ұйымдастыру мәселелері сот органдары, прокуратура және денсаулық сақтау басқармасы өкілдерінің қатысуымен Полиция департаментінде дөңгелек үстелде талқыланды.
Кездесу барысында отбасылық агрессорларды психологиялық түзетуге жіберу, тиісті өтініштерді дайындау және жолдау, оларды сотта қарау, сондай-ақ қабылданған шешімдерді одан әрі орындау тәртібі қаралды.
Ведомстволар арасындағы өзара іс-қимылға, олардың әрқайсысының міндеттері мен жауапкершіліктерін бөлуге ерекше назар аударылды. Құқық бұзушылықты анықтаудан және сотқа жүгінуден бастап психологиялық түзетуден өтуге дейінгі барлық кезеңдердің уақтылы және тиімді ұйымдастырылуы маңызды.
Денсаулық сақтау басқармасының өкілдері психологиялық көмек көрсетудің практикалық мүмкіндіктері, бейінді мамандардың болуы және түзету шараларының қолжетімділігі туралы айтып берді. Сондай-ақ, қатысушылар осындай көмекті тағайындау кезінде туындайтын қиындықтарды және оларды шешудің мүмкін жолдарын талқылады.
Кездесу қорытындысы бойынша ведомствоаралық өзара іс-қимылды жетілдіру және профилактикалық жұмыстың тиімділігін арттыру бойынша ұсыныстар әзірленді.
Мұндай шаралардың басты мақсаты-жасалған құқық бұзушылықтарға ден қою ғана емес, олардың қайталануына жол бермеу. Психологиялық түзету агрессивті мінез-құлық себептерімен жұмыс істеуге, өз іс-әрекеттеріне жауапкершілікпен қарауға, қайта зорлық-зомбылық қаупін азайтуға және отбасы мүшелерінің қауіпсіздігін қамтамасыз етуге мүмкіндік береді.
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
