КАДРЛЫҚ ТАҒАЙЫНДАУ
Кунчаев Жунус Рахымұлы Қостанай облысы бойынша Мемлекеттік кірістер департаменті басшысының орынбасары лауазымына тағайындалды.
Тағайындау Қостанай облысы бойынша Мемлекеттік кірістер департаменті басшысының 2026 жылғы 9 қарашадағы № Ж-347 бұйрығына сәйкес жүзеге асырылды.
Жунус Рахымұлы 1975 жылғы 30 қаңтарда Семей қаласында дүниеге келген.
Білімі:
Үш жоғары білімі бар:
1997 жылы Шәкәрім атындағы Семей технологиялық институтын «инженер-механик» мамандығы бойынша бітірген.
2000 жылы Қазақ қаржы-экономикалық университетін «экономист-қаржыгер» мамандығы бойынша тәмамдаған.
2006 жылы «Семей» мемлекеттік университетін «заңгер» мамандығы бойынша бітірген.
Еңбек жолы:
1997 жылы институтты тәмамдағаннан кейін еңбек жолын Шығыс Қазақстан облысының салық органдарында бастаған.
Кәсіби қызметі барысында Шығыс Қазақстан, Батыс Қазақстан және Павлодар облыстарының салық органдары мен мемлекеттік кірістер органдарында түрлі басшылық лауазымдарды атқарған.
2022 жылдан бастап осы тағайындауға дейін Батыс Қазақстан облысы бойынша Мемлекеттік кірістер департаменті басшысының орынбасары қызметін атқарған.
Жунус Рахымұлының салық органдары мен мемлекеттік кірістер органдарындағы жалпы еңбек өтілі 29 жылдан асады.
Жунус Рахымұлын жаңа қызметке тағайындалуымен құттықтаймыз!
Жауапты қызметіне табыс, кәсіби жетістіктер және алға қойылған міндеттердің сәтті жүзеге асырылуын тілейміз!
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
