2026 жылдың тоғыз айында өңірдегі халыққа қызмет көрсету орталықтарының өзіне-өзі қызмет көрсету аймақтарында 335 мыңнан астам мемлекеттік қызмет көрсетілді. Бұл өткен жылдың сәйкес кезеңімен салыстырғанда 18,1%-ға жоғары.
2026 жылы Павлодар облысының тұрғындары «Connection Point» өзіне-өзі қызмет көрсету секторларын белсенді пайдалана бастаған. Өткен жылдың сәйкес кезеңімен салыстырғанда, ең жоғары өсім Екібастұз қаласында тіркелді. Мұнда көрсетілген қызметтер саны 7 762-ден 15 498-ге дейін жетіп, 99,7%-ға артқан. Павлодар облысының аудандарында бұл көрсеткіш 50%-ға өсіп, 53 044-тен 79 577 қызметке дейін ұлғайды. Ақсу қаласында қызметтер саны 16,1%-ға артса, көрсеткіштер тізімін Павлодар қаласы қорытындылайды. Мұнда көрсетілген қызметтер саны 5,6%-ға өскен.
Айта кетейік, 13 сәуірден бастап еңбек иммигранттарына жұмыс істеуге рұқсатты онлайн рәсімдеу және оның мерзімін ұзарту мүмкіндігі қолжетімді болды. Бұл ретте қажетті мәліметтер мемлекеттік ақпараттық жүйелерден автоматты түрде сұратылады.
1 маусымнан бастап жылжымайтын мүліктің техникалық паспорттарын және кадастрлық паспорттардың телнұсқаларын электрондық форматта алу мүмкіндігі енгізілді. Бұл қызметтерге өтініш беру, төлем жасау және дайын нәтижені алу кезеңдері кіреді.
Сонымен қатар, 12 шілдеден бастап жер учаскелеріне мемлекеттік актілерді алу жөніндегі өтініштер тек цифрлық үкімет порталы арқылы қабылданады. Өтінішті қарау нәтижесі өтініш берушінің жеке кабинетіне жолданады.
Бұл өзгерістер цифрлық сервистердің күнделікті өмірдің барған сайын көп саласын қамтып келе жатқанын көрсетеді. Дегенмен, барлық қызмет автоматты түрде көрсетілмейтінін ескеру қажет. Қарау мерзімдері мен өтініш берушіге қойылатын талаптар нақты рәсімге байланысты белгіленеді.
«Азаматтарға арналған үкімет» мемлекеттік корпорациясы» КЕАҚ мемлекеттік қызмет көрсету жұмысын жетілдіруді жалғастырып, қызмет көрсету сапасына, қолжетімділігі мен азаматтар үшін қолайлылығына ерекше назар аударуда.
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
