Павлодар облысында жыл басынан бері коммерциялық заңды тұлғаларды тіркеу бойынша көрсетілген қызметтердің әрбір екіншісі онлайн форматта ұсынылған. Ал бизнесін енді бастап жатқандар арасында цифрлық формат іс жүзінде негізгі тәсілге айналды: заңды тұлғаларды бастапқы тіркеудің 93%-дан астамын кәсіпкерлер ХҚКО бармай-ақ рәсімдеген.
Павлодар облысында цифрлық формат кәсіпкерлер үшін мемлекеттік қызметтерді алудың барған сайын үйреншікті тәсіліне айналып келеді. Бұл үрдіс әсіресе өз ісін енді бастап жатқандар арасында айқын байқалады. 2026 жылдың басынан бері өңірде 604 жаңа заңды тұлға тіркелді. Оның 563 кәсіпкерлер онлайн форматта рәсімдеген. Яғни жаңадан бизнес бастағандардың басым бөлігі үшін алғашқы әкімшілік қадамды енді ХҚКО бармай-ақ жасауға болады.
Цифрлық мүмкіндіктер бизнестің кейінгі кезеңдерінде де сұранысқа ие. Жыл басынан бері өңірде заңды тұлғаларды 821 қайта тіркеу жүргізілді, оның 69 онлайн форматта рәсімделген. Тағы 366 қызмет заңды тұлғалардың қызметін тоқтатуға қатысты болса, оның шамамен 207 электрондық форматта көрсетілді.
Бүгінде кәсіпкер қызметті алудың өзіне ыңғайлы тәсілін таңдай алады: ХҚКО жүгіну немесе электрондық сервистерді пайдалану. Белгіленген талаптар сақталған жағдайда жеке кәсіпкерлік субъектілеріне жататын заңды тұлғаларды мемлекеттік тіркеу өтініш берілген сәттен бастап бір сағат ішінде жүзеге асырылады.
Жалпы, жыл басынан бері Павлодар облысының кәсіпкерлеріне коммерциялық заңды тұлғаларды тіркеу бағыты бойынша 1 803 мемлекеттік қызмет көрсетілді. Оның іс жүзінде жартысы цифрлық форматта ұсынылған. Бұл цифрлық мемлекеттік қызметтердің әкімшілік мәселелерді шешудің үйреншікті тәсіліне айналып келе жатқанын көрсетеді. «Азаматтарға арналған үкімет» мемлекеттік корпорациясы» КЕАҚ Павлодар облысы бойынша филиалы кәсіпкерлерге қажетті мемлекеттік қызметтерді ыңғайлы әрі қолжетімді тәсілмен алу мүмкіндігін күн сайын қамтамасыз етеді.
