Сырттай проактивті куәландыруға (қайта куәландыруға) шағымдану ҚР Премьер-Министрінің орынбасары – Еңбек және халықты әлеуметтік қорғау министрінің 2023 жылғы 29 маусымдағы №260 бұйрығымен бекітілген Медициналық-әлеуметтік сараптама жүргізу қағидаларына сәйкес жүзеге асырылады.
Көрсетілетін қызметті алушы немесе оның заңды өкілі сараптамалық қорытындымен келіспеген жағдайда, тұрақты тіркелген жері бойынша аумақтық бөлімшеге шағымдана алады.
Шағым түскен кезде 2 (екі) жұмыс күні ішінде аумақтық бөлімше басшысының МӘС мәселелері жөніндегі орынбасары сараптамалық шешімдер парағында актінің нөмірі бойынша шағым жасалғанын белгілеп, тиісті деректерді енгізеді.
Енгізілген мәліметтер негізінде Қағидалардың 24-қосымшасына сәйкес сырттай проактивті куәландырудың (қайта куәландырудың) сараптамалық қорытындыларына шағым жасау журналы қалыптастырылады.
Комитет маманы 2 (екі) жұмыс күні ішінде МӘС актісін автоматтандырылған режимде айқындалатын эксаумақтық МӘС ӘББ-нің қарауына жібереді.
Эксаумақтық МӘС ӘББ МӘС актісінің иесіздендірілген деректері негізінде акт келіп түскен күннен бастап 5 (бес) жұмыс күні ішінде сараптамалық қорытынды шығарып, оны МӘС актісінің қосымшасына енгізеді.
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
