«Агробизнес 2.0» бағдарламасы ұзақ мерзімді инвестициялық жобаларды қаржыландыруға бағытталған. Ол маусымдық шығындардан бөлек, бастапқыда қомақты қаражат салуды қажет ететін және өзіндік құнын ұзақ мерзімде өтейтін жобаларды іске асыруға мүмкіндік береді.
Қаржыландыру бағыттары:
мал және өсімдік шаруашылығы;
суару жүйелері;
қарқынды бау-бақша шаруашылығы;
өнеркәсіптік жылыжайлар;
ауыл шаруашылығы өнімдерін сақтау және қайта өңдеу;
жемшөп өндірісі.
Бағдарлама аясында сүт-тауар фермаларын, ет бағытындағы құс фабрикаларын, ірі қара малдың асыл тұқымды репродукторларын, бордақылау алаңдарын, көкөніс, жеміс-жидек және астық қоймаларын, ет және майлы дақылдарды қайта өңдеу кәсіпорындарын қаржыландыру қарастырылған.
Негізгі шарттары:
Тікелей қарыз алушылар үшін сыйақы мөлшерлемесі – жылдық 12,6% (жылдық тиімді сыйақы мөлшерлемесі – 12,6%-дан бастап).
Қаржыландырудың ең жоғары сомасы – 15 млрд теңге.
Инвестициялық мақсаттарға несие 15 жылға дейін беріледі.
Айналым қаражатын толықтыру мерзімі – 4 жылға дейін.
Қарыз алушыға қойылатын талаптар
Қарыз алушы жобаны іске асыруға өз қаражаты есебінен қатысуы, жобаның экономикалық негіздемесі мен өзін-өзі ақтау мүмкіндігін, шикізат пен өткізу нарықтарының болуын, сондай-ақ жабдық жеткізушілерінің жобаны іске асыруға дайындығын растауы қажет.
Бағдарлама өндірістік инфрақұрылымды дамытуға, жаңа қуаттарды іске қосуға және ауыл шаруашылығы өнімдерін өндіру мен қайта өңдеуге бағытталған ұзақ мерзімді жобаларды жүзеге асыруға мүмкіндік береді.
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
