Қазақстан Республикасы Қаржы министрлігінің Мемлекеттік кірістер комитеті Қазақстан Республикасының Салық кодексінің жекелеген нормаларын іске асыру шеңберінде (2026 жылғы 1 қаңтардан бастап қолданысқа енгізілген) «Электрондық шот-фактуралар» ақпараттық жүйесінде экспедиторлар мен комиссионерлер үшін ЭШФ-да сыйақы сомасын көрсету жөніндегі функционал іске асырылғанын хабарлайды.
ЭШФ АЖ-да экспедиторлар қызметтер көрсеткен кезде, сондай-ақ шарттар шеңберінде шарттары комиссия шартының талаптарына сәйкес келетін қызметті жүзеге асырған кезде электрондық шот-фактураларды (бұдан әрі-ЭШФ) толтыру ерекшеліктерін көздейтін өзгерістер іске асырылды.
Өнім берушінің «Экспедитор» және «Комиссионер» санаттары үшін ЭШФ-да қызметтің белгіленген атауы және тауардың, жұмыстардың, көрсетілетін қызметтердің шығу белгісі бар «Тауарлар, жұмыстар, көрсетілетін қызметтер бойынша деректер» G бөлімінің бірінші жолы автоматты түрде қалыптастырылады.
Көрсетілген мәліметтер жүйемен автоматты түрде қалыптастырылады және түзетуге жатпайды.
Техникалық сипаттағы сұрақтар туындаған жағдайда [email protected] қолдау қызметінің электрондық поштасына (тәулік бойы) немесе 7 (7172) 72-51-61 телефон нөміріне (09:00-ден 21:00-ге дейін) хабарласуға болады.
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
