Өндірістік кеңес отырысы өткізілді.

Бекітілген жоспарға сәйкес Қазақстан Республикасы Еңбек және халықты әлеуметтік қорғау министрлігі Мемлекеттік еңбек инспекциясы комитетінің Абай облысы бойынша департаментінің басшысы Е.С. Ниятқабылов, бөлім басшысы, мемлекеттік еңбек инспекторы Т.Б. Әміртаев және Абай облысы Кәсіподақтар орталығының төрағасы Қуаныш Сүлейменовтің қатысуымен өндірістік кеңес отырысы өткізілді.

Өндірістік кеңес – жұмыс беруші мен жұмыскерлердің өкілдері бірлесіп, кәсіпорындағы еңбек қауіпсіздігі және еңбекті қорғау мәселелерін қарайтын тұрақты жұмыс істейтін орган. Оның негізгі мақсаты – еңбек қауіпсіздігі мәселелерін талқылау, өндірістік жарақаттанудың алдын алу және қауіпсіз еңбек жағдайларын жақсарту.

Отырысқа «Семей Құрылыс» ЖШС бас директорының міндетін атқарушы Дархан Қайыргелдинұлы Амантаев, еңбек қауіпсіздігі және еңбекті қорғау жөніндегі инженері Арыстан Ертайұлы Мұқашев, сондай-ақ «Востокцветмет» филиалының Орлов өндірістік кешенінің директоры Константин Владимирович Новохатний қатысты.

Отырыс барысында кәсіпорындарда орын алған жазатайым оқиғалар бойынша қабылданып жатқан шаралар және олардың орындалу барысы талқыланды.

Өндірістік кеңес отырыстары еңбек қауіпсіздігі талаптарының сақталуын қамтамасыз етуге, өндірістік жарақаттанудың алдын алуға және жұмыскерлер үшін қауіпсіз еңбек жағдайларын қалыптастыруға бағытталған.