Шымкент қаласының балалар құқығын қорғау басқармасының «Психологиялық қолдау орталығы» КММ мектепке дейінгі ұйымдардың педагог-психологтарына арнап «PSYCHOLOGY NEXT» семинар-практикумын өткізді.
Семинардың негізгі мақсаты – педагог-психологтардың цифрлық орта жағдайында баланың психологиялық қауіпсіздігін қамтамасыз ету, эмоционалдық әл-ауқатын қолдау және әлеуметтік бейімделуіне ықпал ететін заманауи психологиялық тәсілдер бойынша кәсіби құзыреттілігін арттыру.
Семинар барысында қатысушылар:
- Баланың психологиялық қауіпсіздігі мен эмоционалдық әл-ауқаты туралы ой бөлісті;
- «Сұрақ-жауап плакаты» арқылы кәсіби пікірлерімен алмасты;
- «Телефонды бермесеңіз, балабақшаға бармаймын!» кейсін талдап, психологтың тиімді әрекет ету жолдарын қарастырды;
-Жасанды интеллектінің психолог жұмысына ықпалын талқылады;
- Цифрлық технологияның бала дамуына әсерін төрт бағыт бойынша бағалады;
- Өз тәжірибесінде қолданатын нақты кәсіби қадамдарын айқындады.
Семинардың басты идеясы – ЖИ психологты алмастырмайды, ол тек маманның жұмысын жеңілдететін көмекші құрал. Өйткені баланың эмоциясын сезіну, оның үнсіздігін байқау, сенімді қарым-қатынас орнату, тыңдау және дер кезінде қолдау көрсету – психологтың кәсіби шеберлігі.
