Жамбыл облысында «TikTok» желісінде балағат сөздер айтқан ер адам жауапқа тартылды
📲Жамбыл облысында полиция қызметкерлері әлеуметтік желіге мониторинг жүргізу барысында тікелей эфирде дөрекі балағат сөздер айтқан 42 жастағы ер адамды анықтады.
🚔Ер адамның тұрғылықты жері жедел түрде анықталып, полиция бөліміне жеткізілді. Сот шешімімен құқық бұзушының әрекетіне қатысты ҚР Әкімшілік құқық бұзушылық туралы кодексінің 434-бабы бойынша әкімшілік жауапкершілік жүктелді.
📌Өз кезегінде тұрғын жасаған ісіне өкініш білдіріп, қатесін түсінгенін және алдағы уақытта мұндай әрекетке жол бермейтінін жеткізді.
🔉Полиция азаматтарды қоғамдық тәртіпті сақтауға, айналасындағыларға құрметпен қарауға және әлеуметтік желілерде әдеп нормаларын ұстануға шақырады.
