Мүгедектігі бар адамдар үшін қолжетімділікті қамтамасыз ету тұрғысынан объектілерді тексеру

Объектіні тексеру барысында мүгедектігі бар адамдар үшін қолжетімділікті қамтамасыз ету мынадай бағыттар бойынша тексеріледі:

1. Кіреберіс тобының қолжетімділігі: ғимаратқа кедергісіз кіруді және оның ішінде еркін қозғалуды қамтамасыз ететін сыртқы баспалдақтардың, пандустардың, кіреберіс алаңшаларының, кіретін және ішкі есіктердің, есік табалдырықтарының, баспалдақтардың және өзге де элементтердің болуы және олардың қолжетімділік талаптарына сәйкестігі.

2. Қызмет көрсету аймақтары мен ортақ пайдаланылатын орындардың қолжетімділігі: киім ілетін орынға, оқу кабинеттеріне, кітапханаға, компьютерлік сыныптарға, спорт залына және келушілер мен қызмет алушыларға арналған басқа да үй-жайларға кедергісіз қол жеткізу мүмкіндігі.

3. Санитариялық-тұрмыстық үй-жайлардың қолжетімділігі: әмбебап санитариялық кабинаның, қолжуғыштардың, ванналардың, душ кабиналарының, унитаздардың, раковиналардың, тұтқалардың, ілгектердің және шұғыл көмек шақыру түймелерінің болуы және олардың қолжетімділік талаптарына сәйкестігі.

4. Ақпараттың қолжетімділігін қамтамасыз ету: тактильді құралдардың, ақпараттық белгілер мен символдардың болуы және оларды пайдалану арқылы ақпараттың қолжетімділігін қамтамасыз ету.

5. Мүгедектігі бар адамдарға арналған автотұрақ орындарының болуы: арнайы бөлінген және тиісті белгілермен белгіленген автотұрақ орындарының болуы, олардың объектінің кіреберісіне жақын орналасуы, сондай-ақ автотұрақтан ғимараттың кіреберіс тобына дейінгі қолжетімді маршруттың қамтамасыз етілуі.

Қолжетімділік талаптарына сәйкессіздіктер анықталған жағдайда, оларды жою және сәйкестік туралы декларацияны келісу жөніндегі өтінішпен қайта жүгіну қажет.