"Қазақстан Республикасының Еңбек және халықты әлеуметтік қорғау министрлігі Халықты әлеуметтік қорғау саласындағы реттеу және бақылау комитетінің Жетісу облысы бойынша департаменті" РММ·Жаңалықтар мұрағаты
2026 жылғы 21 қазанда Халықты әлеуметтік қорғау саласындағы реттеу және бақылау комитеті Жетісу облысы бойынша департаментінің № 2 медициналық-әлеуметтік сараптама бөлімі «Алакөл аудандық орталық ауруханасы» ШЖҚ МКК дәрігерлік-консультациялық комиссиясының қызметкерлерімен семинар-кеңес өткізді.
Семинар-кеңес барысында мүгедектігі бар адамның абилитациялау мен оңалтудың жеке бағдарламасына және Жеке көмекшінің қызметтерін ұсыну қағидаларына сәйкес жүріп-тұруы қиындық тудыратын бірінші топтағы мүгедектігі бар адамдарға жеке көмекшінің қызметтерін ұсыну тәртібі мәселелері талқыланды.
Сонымен қатар медициналық құжаттаманы сапалы толтыруға, сондай-ақ медициналық-әлеуметтік сараптамаға жіберу кезінде жалған және дәйексіз құжаттарды ұсынуға жол бермеу мәселелеріне ерекше назар аударылды.
