23 қазанда аудандық Мәдениет үйінде Республика күніне және Қазақстан Республикасы Тәуелсіздігінің 35 жылдығына арналған «Рухы биік Қазақстан!» атты салтанатты концерт өтті.

Мерекелік бағдарлама еліміздің тарихына, кең байтақ даласына, халқымыздың азаттыққа деген ұмтылысына және Тәуелсіздіктің қадір-қасиетіне арналған әсерлі прологпен басталды. Салтанатты сәтте Қазақстан Республикасының Мемлекеттік Әнұраны орындалды.
Жерлестеріне құттықтау сөзін аудан әкімі Қайсар Мыржақыпов арнады. Адал еңбегі, кәсіби шеберлігі және ауданның әлеуметтік-экономикалық дамуына қосқан елеулі үлесі үшін түрлі сала өкілдері Қостанай облысы әкімінің, Қазақстан Республикасы Мемлекеттік қызмет істері агенттігінің Қостанай облысы бойынша департаменті басшысының және аудан әкімінің Құрмет грамоталарымен марапатталды.
Салтанатты шараның ерекше қуанышты сәттерінің бірі – үш көпбалалы отбасына жаңа пәтерлердің кілттерін табыстау болды. Бұл маңызды оқиға отбасыларға көрсетілген қамқорлықтың, өскелең ұрпақты қолдаудың және жарқын болашаққа деген сенімнің айқын көрінісіне айналды.
Көрермендерге ауданның шығармашылық ұжымдары мен жеке орындаушыларының қатысуымен өткен концерттік бағдарлама ерекше тарту болды. Патриоттық әндер, ұлттық және заманауи билер, домбыра өнері туған жерге деген сүйіспеншілікті, халық бірлігін, достық пен татулықты дәріптеді.
Әрбір өнер нөмірі бай тарихы, ұлы мұрасы және жарқын болашағы бар Қазақстанға деген шынайы сүйіспеншіліктің көрінісіне айналды.