Қазақстан Республикасының Мемлекеттік рәміздер алаңы мен ту тұғырының ашылуы

🇰🇿 Степняк қаласында Қазақстан Республикасының Мемлекеттік рәміздер алаңы мен ту тұғыры салтанатты түрде ашылды.

Қазақстан Республикасының Республика күні қарсаңында Степняк қаласында Қазақстан Республикасының Мемлекеттік рәміздер алаңы мен ту тұғырының салтанатты ашылу рәсімі өтті. Іс-шара аясында Қазақстан Республикасының Мемлекеттік Туы көтерілді.

Салтанатты іс-шараға қала тұрғындары, мемлекеттік мекемелердің өкілдері және «Семізбай-U» ЖШС көлік департаментінің директоры Омаров Жанат Темірқанұлы қатысты.

Республика күні – еліміздің егемендігі мен тәуелсіздігін, ұлттық бірлік пен отансүйгіштікті айшықтайтын ерекше мереке. 1990 жылғы 25 қазанда қабылданған Мемлекеттік егемендік туралы декларация Қазақстанның тәуелсіздікке қарай жасаған маңызды тарихи қадамы болды. Бүгінде көк байрағымыз – азаттығымыздың, бейбітшілігіміздің, бірлігіміздің және жарқын болашаққа деген сеніміміздің символы.

Степняк қаласының абаттандырылуы мен дамуына қолдау көрсетіп, осы игі бастаманың жүзеге асуына үлес қосқан «Семізбай-U» ЖШС мен «Қазатомөнеркәсіп» ҰАК» АҚ-на шынайы алғысымызды білдіреміз.

Еліміздің тәуелсіздігі тұғырлы, бірлігіміз бекем болсын! Көк байрағымыз әрдайым биікте желбіреп, Қазақстанымыз өркендей берсін!
Республика күні құтты болсын!