Ақмола облысы Біржан сал ауданы Степняк қ. әкімінің аппараты

    Әкімдік туралы

    Біржан сал ауданы "Степняк қаласы әкімінің аппараты" мемлекеттік мекемесі Степняк қаласы әкімінің қызметін қамтамасыз ететін және Қазақстан Республикасының заңнамасында көзделген өзге де функцияларды жүзеге асыратын мемлекеттік мекеме болып табылады.

    Жаңалықтар

    Барлық жаңалықтар
    ОтырысАяқталды

    Жергілікті қоғамдастық жиналысы мүшелерінің жаңа құрамын сайлау (қайта сайлау)

    ХАБАРЛАНДЫРУ Жергілікті қоғамдастық жиналысын өткізу туралы Құрметті Степняк қаласының тұрғындары! Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңының 39-3-бабына сәйкес Степняк қаласы әкімінің аппараты жергілікті қоғамдастық жиналысын шақырады. Күн тәртібі: Степняк қаласы жергілікті қоғамдастық жиналысы мүшелерінің жаңа құрамын сайлау (қайта сайлау). Өткізілетін күні мен уақыты: 2026 жылғы «02» қараша, сағат 15:00. Өткізілетін орны: Степняк қаласы, Біржан сал көшесі, 36, АМҮ

    20 қазан 2026 ж.Тікелей
    Степняк қ. АМҮ
    ОтырысАяқталды

    Сыбайлас жемқорлыққа қарсытүсіндіру жұмыстары

    Степняк қаласының әкімі аппарат қызметкерлері арасында сыбайлас жемқорлыққа қарсы бағытта түсіндіру жұмыстарын жүргізді. Іс-шара барысында сыбайлас жемқорлықтың алдын алу, қызметтік әдеп нормаларын сақтау және мемлекеттік қызмет саласында құқық бұзушылықтарға жол бермеу мәселелеріне ерекше назар аударылды. Қызметкерлерге сыбайлас жемқорлыққа қарсы заңнаманың негізгі талаптары түсіндіріліп, құқық бұзушылықтар үшін көзделген жауапкершілік шаралары айтылды. Сонымен қатар, сыбайлас жемқорлыққа мүлдем төзбеушілік қағидатын қалыптастыру және мемлекеттік қызметшілердің құқықтық мәдениетін арттырудың маңыздылығы атап өтілді.

    16 маусым 2026 ж.Тікелей
    Степняк қаласы әкімінің аппараты
    ОтырысАяқталды

    День услугополучателя

    Қалада жергілікті атқарушы органдардың ұйымдастыруымен «Қызмет алушы күні» іс-шарасы өткізілді. Іс-шара барысында қала тұрғындары жер қатынастары, құрылыс және сәулет, тұрғын үй-коммуналдық шаруашылық, көлік және автомобиль жолдары, жұмыспен қамту және әлеуметтік бағдарламалар, ауыл шаруашылығы, денсаулық сақтау, салық қызметі, ветеринария, сондай-ақ архивтік анықтамалар мен зейнетақы мәселелері бойынша мемлекеттік органдардың мамандарынан кеңес алу мүмкіндігіне ие болды. Барлық өтініштер бойынша тиісті түсіндірмелер беріліп, қажетті консультациялық көмек көрсетілді. В городе состоялось мероприятие «День услугополучателя», организованное местными исполнительными органами. В ходе мероприятия жители получили возможность проконсультироваться со специалистами государственных органов по актуальным вопросам в сферах земельных отношений, строительства и архитектуры, жилищно-коммунального хозяйства, транспорта и автомобильных дорог, занятости и социальных программ, сельского хозяйства, здравоохранения, налоговой службы, ветеринарии, а также по вопросам архивных справок и пенсионного обеспечения. По всем обращениям даны компетентные разъяснения и оказана необходимая консультативная помощь.ДеньУслугополучателя Госуслуги ОткрытыйАкимат ОбратнаяСвязь АкмолинскаяОбласть

    11 маусым 2026 ж.Тікелей
    г. Степняк, РДК
    Қағида

    «Құрылысты пайдалануға бергеннен кейін бұрын жалға берілген жер учаскесіне жеке меншік құқығын беру» мемлекеттік қызметін көрсету қағидалары

    «Құрылысты пайдалануға бергеннен кейін бұрын жалға берілген жер учаскесіне жеке меншік құқығын беру» мемлекеттік қызметін көрсету қағидалары 1-тарау. Жалпы ережелер Осы «Құрылысты пайдалануға бергеннен кейін бұрын жалға берілген жер учаскесіне жеке меншік құқығын беру» мемлекеттік қызметін көрсету қағидалары (бұдан әрі – Қағидалар) «Мемлекеттік және әлеуметтік жауапкершілігі бар көрсетілетін қызметтер туралы» Қазақстан Республикасы Заңының (бұдан әрі – Заң) 10-бабының 1) тармақшасына сәйкес әзірленді және «Құрылысты пайдалануға бергеннен кейін бұрын жалға берілген жер учаскесіне жеке меншік құқығын беру» мемлекеттік қызметін (бұдан әрі – мемлекеттік көрсетілетін қызмет) көрсету тәртібін айқындайды. Қағидаларда мынадай негізгі ұғымдар пайдаланылады: 1) жергілікті атқарушы органдардың шешімдері – облыстардың, республикалық маңызы бар қалалардың, астананың, аудандардың, облыстық маңызы бар қалалардың жергілікті атқарушы органдарының, сондай-ақ аудандық маңызы бар қалалар, кенттер, ауылдар, ауылдық округтер әкімдерінің жер учаскесіне құқық беру туралы құқықтық актілері; 2) жер қатынастары жөніндегі уәкілетті орган – жер қатынастары саласындағы функцияларды жүзеге асыратын облыстың, республикалық маңызы бар қаланың, астананың, ауданның, облыстық маңызы бар қаланың жергілікті атқарушы органдарының құрылымдық бөлімшесі; 3) жер учаскесі – Қазақстан Республикасының Жер кодексінде (бұдан әрі – Жер кодексі) белгіленген тәртіппен жер қатынастары субъектілеріне бекітіліп берілетін, тұйық шекара ішінде бөлінген жер бөлігі; 4) жер учаскесіне жеке меншік құқығы – азаматтардың және мемлекеттік емес заңды тұлғалардың өздеріне тиесілі жер учаскесін Жер кодексінде белгіленген негіздерде, шарттар мен шектерде иелену, пайдалану және оларға билік ету құқығы. 1-параграф. Мемлекеттік қызметті көрсету Мемлекеттік қызметті облыстардың, республикалық маңызы бар қалалардың, астананың, аудандардың, облыстық маңызы бар қалалардың жергілікті атқарушы органдары, аудандық маңызы бар қалалардың, кенттердің, ауылдардың, ауылдық округтердің әкімдері (бұдан әрі – көрсетілетін қызметті беруші) жеке немесе заңды тұлғаларға (бұдан әрі – көрсетілетін қызметті алушы) көрсетеді. «Құрылысты пайдалануға бергеннен кейін бұрын жалға берілген жер учаскесіне жеке меншік құқығын беру» мемлекеттік қызметін көрсетуге қойылатын негізгі талаптардың тізбесі (бұдан әрі – Тізбе) Қағидаларға 1-қосымшада көрсетілген. Қағидаларға 2-қосымшаға сәйкес нысан бойынша құрылысты пайдалануға бергеннен кейін бұрын жалға берілген жер учаскесіне жеке меншік құқығын беру туралы өтінішті және Тізбенің 8-тармағында көрсетілген құжаттарды қабылдау көрсетілетін қызметті берушінің кеңсесі арқылы жүзеге асырылады. Көрсетілетін қызметті алушы Тізбеге сәйкес құжаттар топтамасын толық ұсынбаған және (немесе) қолданылу мерзімі өткен құжаттарды ұсынған жағдайда, көрсетілетін қызметті беруші өтінішті қабылдаудан бас тартады. Көрсетілетін қызметті берушілер цифрлық құжаттарды порталда тіркелген пайдаланушының ұялы байланысының абоненттік нөмірі арқылы бір реттік құпиясөзді беру жолымен немесе портал хабарламасына жауап ретінде қысқа мәтіндік хабарлама жіберу арқылы ұсынылған құжат иесінің келісімі болған жағдайда, іске асырылған интеграция арқылы цифрлық құжаттар сервисінен алады. Көрсетілетін қызметті алушы жұмыс уақыты аяқталғаннан кейін, Қазақстан Республикасының еңбек заңнамасына сәйкес демалыс және мереке күндері жүгінген кезде құжаттарды қабылдау және мемлекеттік қызмет көрсету нәтижесін беру келесі жұмыс күні жүзеге асырылады. Көрсетілетін қызметті берушінің кеңсе жұмыскері Тізбенің 8-тармағында көрсетілген құжаттарды қабылдауды, тіркеуді жүзеге асырады және оларды басшыға құжаттарды қабылдаған күні береді. Көрсетілетін қызметті берушінің басшысы 1 (бір) жұмыс күні ішінде құжаттардың мазмұнымен танысады және құрылысты пайдалануға бергеннен кейін бұрын жалға берілген жер учаскесіне жеке меншік құқығын беруге өтінішті жер қатынастары жөніндегі уәкілетті органға және сәулет және қала құрылысы саласындағы құрылымдық бөлімшеге жолдайды. Жер қатынастары жөніндегі уәкілетті органның не сәулет және қала құрылысы саласындағы құрылымдық бөлімшенің басшысы құжаттарды қарайды және құжаттар келіп түскен күні жауапты орындаушыны айқындайды. Құрылыс, қызмет көрсету, объектіні орналастыру үшін ұсынылған жер учаскелері бойынша сәулет және қала құрылысы саласындағы құрылымдық бөлімшенің жауапты орындаушысы 2 (екі) жұмыс күні ішінде жер учаскесін кадастрлық құжаттама бойынша сәйкестендіреді, қорытынды әзірлейді және жер қатынастары жөніндегі уәкілетті органға жолдайды. Мемлекеттік қызметті көрсетуден бас тарту үшін негіздер болмаған кезде: 1) жер қатынастары жөніндегі уәкілетті органның жауапты орындаушысы қорытынды келіп түскен күннен бастап 1 (бір) жұмыс күні ішінде жер учаскесіне жеке меншік құқығын беру туралы шешімнің жобасын дайындайды; 2) жер қатынастары жөніндегі уәкілетті органның басшысы 1 (бір) жұмыс күні ішінде жер учаскесіне жеке меншік құқығын беру туралы шешімнің жобасын келіседі; 3) көрсетілетін қызметті берушінің басшысы 1 (бір) жұмыс күні ішінде жер учаскесіне жеке меншік құқығын беру туралы шешімге қол қояды. Жеке меншік құқығын сатып алған кезде: көрсетілетін қызметті берушінің жер учаскесіне жеке меншік құқығын беру туралы шешімінің көшірмесі жер қатынастары жөніндегі уәкілетті органға жер учаскесін сатып алу-сату шартын әзірлеу үшін жолданады. Жер қатынастары жөніндегі уәкілетті органның жауапты орындаушысы 1 (бір) жұмыс күні ішінде жер учаскесін сатып алу-сату шартын әзірлейді. Жер қатынастары жөніндегі уәкілетті органның басшысы 1 (бір) жұмыс күні ішінде жер учаскесін сатып алу-сату шартына қол қояды. Көрсетілетін қызметті берушінің жер учаскесіне жеке меншік құқығын беру туралы шешімі және жеке меншік құқығын сатып алған жағдайда жер учаскесін сатып алу-сату шарты көрсетілетін қызметті берушінің кеңсесі арқылы беріледі. Мемлекеттік қызметті көрсетуден бас тарту үшін негіздер болған кезде көрсетілетін қызметті алушыға Қағидаларға 3-қосымшаға сәйкес нысан бойынша мемлекеттік қызметті көрсетуден бас тарту туралы алдын ала шешім туралы хабарлама жіберіледі, онда көрсетілетін қызметті алушыға алдын ала шешім бойынша ұстанымын білдіру мүмкіндігі үшін тыңдау өткізу уақыты мен орны (тәсілі) көрсетіледі. Тыңдау туралы хабарлама мемлекеттік қызмет көрсету мерзімі аяқталғанға дейін 3 (үш) жұмыс күнінен кешіктірілмей жіберіледі. Тыңдау хабарлама жасалған күннен бастап 2 (екі) жұмыс күнінен кешіктірілмей жүргізіледі. Тыңдау нәтижелері бойынша көрсетілетін қызметті беруші жер учаскесіне жеке меншік құқығын беру туралы шешім не мемлекеттік қызметті көрсетуден уәжді бас тарту туралы шешім қабылдайды. Көрсетілетін қызметті берушінің уәкілетті тұлғасы қол қойған мемлекеттік қызметті көрсетуден уәжді бас тартукөрсетілетін қызметті берушінің кеңсесі арқылы беріледі. Көрсетілетін қызметті беруші Тізбенің 9-тармағында көрсетілген негіздер бойынша мемлекеттік қызметті көрсетуден бас тартады. Көрсетілетін қызметті беруші мемлекеттік қызметтер көрсету мониторингінің цифрлық жүйесіне мемлекеттік қызмет көрсету сатысы туралы деректердің енгізілуін қамтамасыз етеді. Жер ресурстарын басқару жөніндегі орталық уәкілетті орган Қағидалар бекітілген немесе өзгертілген күннен бастап 3 (үш) жұмыс күні ішінде Қағидаларға енгізілген өзгерістер және (немесе) толықтырулар туралы ақпаратты «цифрлық үкіметтің» цифрлық инфрақұрылымы операторына, көрсетілетін қызметті берушіге және Бірыңғай байланыс орталығына жібереді. Цифрлық жүйе істен шыққан кезде көрсетілетін қызметті беруші цифрлық инфрақұрылымға жауапты көрсетілетін қызметті берушінің құрылымдық бөлімшесінің жұмыскерін дереу хабардар етеді. Цифрлық инфрақұрылымға жауапты жұмыскер техникалық проблема туралы хаттама жасайды және оған көрсетілетін қызметті беруші қол қояды. 2- параграф. Мемлекеттік қызметтер көрсету мәселелері бойынша көрсетілетін қызметті берушілердің және (немесе) олардың лауазымды адамдарының шешімдеріне, әрекеттеріне (әрекетсіздігіне) шағымдану тәртібі Мемлекеттік қызметтер көрсету мәселелері бойынша көрсетілетін қызметті берушінің шешіміне, әрекетіне (әрекетсіздігіне) шағым көрсетілетін қызметті беруші басшысының атына, мемлекеттік қызметтер көрсету сапасын бағалау және бақылау жөніндегі уәкілетті органға беріледі. Шағым Қазақстан Республикасы Әкімшілік рәсімдік-процестік кодексінің (бұдан әрі – ҚР ӘРПК) 91-бабына сәйкес келіп түскен жағдайда, көрсетілетін қызметті беруші оны келіп түскен күннен бастап 3 (үш) жұмыс күнінен кешіктірмейішінде шағымды қарайтын органға (жоғары тұрған әкімшілік органға және (немесе) лауазымды адамға) жібереді. Көрсетілетін қызметті беруші 3 (үш) жұмыс күні ішінде шағымда көрсетілген талаптарды толық қанағаттандыратын қолайлы акт қабылдаса, әкімшілік әрекет жасаса шағымды қарайтын органға (жоғары тұрған әкімшілік органға және (немесе) лауазымды адамға) шағымды жібермейді. Көрсетілетін қызметті алушының шағымын Заңның 25-бабының 2-тармағына сәйкес: көрсетілетін қызметті беруші, государственный орган – тіркелген күнінен бастап 5 (бес) жұмыс күні ішінде; Мемлекеттік қызметтер көрсету сапасын бағалау және бақылау жөніндегі уәкілетті орган – тіркелген күнінен бастап 15 (он бес) жұмыс күні ішінде қарауы тиіс. Көрсетілетін қызметті берушінің, мемлекеттік қызметтер көрсету сапасын бағалау және бақылау жөніндегі уәкілетті органның шағымды қарау мерзімі Заңның 25-бабының 4-тармағына сәйкес: 1) шағым бойынша қосымша зерделеу немесе тексеру не жергілікті жерге барып тексеру жүргізу; 2) қосымша ақпарат алу қажет болған жағдайларда 10 (он) жұмыс күнінен аспайтын мерзімге ұзартылады. Шағымды қарау мерзімі ұзартылған жағдайда, шағымды қарау мерзімі ұзартылған күннен бастап 3 (үш) жұмыс күні ішінде шағымды қарау өкілеттігі берілген лауазымды адам, шағымды берген көрсетілетін қызметті алушыға шағымды қарау мерзімі ұзартылғаны туралы жазбаша нысанда (шағымды қағаз жеткізгіште берген кезде) немесе электрондық нұсқада (шағымды электрондық түрде берген кезде) ұзарту себебін көрсете отырып хабарлайды. Егер заңда өзгеше көзделмесе, ҚР ӘРПК 91-бабының 5-тармағына сәйкес сотқа дейінгі тәртіппен шағымданғаннан кейін сотқа жүгінуге жол беріледі.

    Жарияланды:
    Өкім

    «Степняк қаласы әкімінің аппараты» мемлекеттік мекемесінің сыбайлас жемқорлыққа қарсы стандарты

    Степняк қаласының әкімінің 2026 жылғы «___» ________ № __________ өкімімен бекітілген «Степняк қаласыәкімінің аппараты» мемлекеттік мекемесінің сыбайлас жемқорлыққа қарсы стандарты 1 тарау. Жалпы ережелер Осы «Степняк қаласы әкімінің аппараты» мемлекеттік мекемесінің сыбайлас жемқорлыққа қарсы стандарты (бұдан әрі – Сыбайлас жемқорлыққа қарсы стандарт) «Сыбайлас жемқорлыққа қарсы іс-қимыл туралы» Қазақстан Республикасының Заңына, Қазақстан Республикасының Сыбайлас жемқорлыққа қарсы іс-қимыл агенттігі 2024 жылғы 31 желтоқсандағы № 285 бекіткен сыбайлас жемқорлыққа қарсы стандарттарды әзірлеу жөніндегі әдістемелік ұсынымдарға, сондай-ақ республиканың өзге де нормативтік құқықтық актілеріне сәйкес әзірленді Қазақстан сыбайлас жемқорлыққа қарсы іс-қимыл саласында. Сыбайлас жемқорлыққа қарсы стандарт «Степняк қаласы әкімінің аппараты» мемлекеттік мекемесі (бұдан әрі – Мемлекеттік орган) қызметкерлерінің Қазақстан Республикасының заңнамасын мүлтіксіз сақтауға, сыбайлас жемқорлық көріністерінің алдын алуға және сыбайлас жемқорлыққа қарсы мәдениетті қалыптастыруға бағытталған іс-әрекеттері мен мінез-құлқы жөніндегі ұсынымдарды айқындайды. Сыбайлас жемқорлыққа қарсы стандарттың мақсаты сыбайлас жемқорлықтың алдын алу, сыбайлас жемқорлық көріністеріне жол бермеу, мекеме қызметкерлерінің құқықтық сауаттылығын арттыру және сыбайлас жемқорлыққа мүлдем төзбеушілікті қалыптастыру болып табылады. Сыбайлас жемқорлыққа қарсы стандарттың негізгі міндеттері: - Мемлекеттік орган қызметкерлерінің сыбайлас жемқорлыққа қарсы тұрақты мінез-құлқын қалыптастыру; - сыбайлас жемқорлық тәуекелдері мен сыбайлас жемқорлық көріністерінің алдын алу; - сыбайлас жемқорлық құқық бұзушылықтарды уақтылы анықтау және алдын алу; - қызметкерлердің құқықтық және сыбайлас жемқорлыққа қарсы мәдениетінің деңгейін арттыру; - жеке және заңды тұлғалардың құқықтарының, бостандықтары мен заңды мүдделерінің сақталуын қамтамасыз ету; - басқарушылық және өзге де шешімдер қабылдау кезінде ашықтық пен объективтілікті қамтамасыз ету. Сыбайлас жемқорлыққа қарсы стандарт: - Мемлекеттік органның өз функцияларын жүзеге асыруы және жеке және заңды тұлғалардың құқықтары мен заңды мүдделерін іске асыруы кезінде қолданылады; - Мемлекеттік орган қызметкерлеріне олардың лауазымдық өкілеттіктері шегінде қолданылады; - қызметтік қызметті жүзеге асыру, басқарушылық шешімдерді дайындау және қабылдау, жеке және заңды тұлғалармен өзара іс-қимыл жасау, сондай-ақ мемлекеттік сатып алуды жүзеге асыру кезінде ескеріледі; - Қазақстан Республикасының заңнамасына және ішкі құжаттарына сәйкес Мемлекеттік мекеме қызметкерлерінің сақтауы үшін міндетті. Қазақстан Республикасының заңнамасын бұзғаны үшін Мемлекеттік мекеме қызметкерлері Қазақстан Республикасының заңнамасында белгіленген тәртіппен жауапты болады. 2-тарау. Мемлекеттік орган қызметкерлері мен лауазымды адамдарының мінез-құлық қағидалары Мемлекеттік органның қызметкерлері мен лауазымды адамдары өз қызметінде: - Қазақстан Республикасының Конституциясын, заңдарын және Қазақстан Республикасының өзге де нормативтік құқықтық актілерін басшылыққа алады; - сыбайлас жемқорлықтың алдын алу жөнінде шаралар қабылдайды; және сыбайлас жемқорлық көріністеріне жол бермейді; - Қазақстан Республикасының заңнамасында белгіленген сыбайлас жемқорлыққа қарсы шектеулерді сақтайды; - заңдылық, әділдік, адалдық, объективтілік және бейтараптық қағидаттарын сақтайды; - жалпыға бірдей қабылданған моральдық-этикалық нормаларды сақтайды, жеке және заңды тұлғалармен, сондай-ақ әріптестерімен өзара қарым-қатынас жасау кезінде сыпайылық, әдептілік және құрмет танытады; - жеке және заңды тұлғалардың құқықтары мен заңды мүдделерін қозғайтын шешімдерді қабылдаудың ашықтығы мен объективтілігін қамтамасыз етеді; - жеке және заңды тұлғалардың өз құқықтары мен заңды мүдделерін іске асыруына кедергі келтіретін әрекеттерге немесе әрекетсіздікке жол бермейді; - өзге адамдарды сыбайлас жемқорлық құқық бұзушылықтарын жасауға көндірмейді; - өзінің лауазымдық жағдайын және онымен байланысты мүмкіндіктерді жеке, мүліктік немесе мүліктік емес мүдделерде пайдаланбайды; - қызметтік және қолжетімділігі шектеулі өзге де ақпаратты мүліктік немесе мүліктік емес игіліктер мен артықшылықтар алу мақсатында пайдаланбайды; - Қазақстан Республикасының заңнамасында тікелей көзделген жағдайларды қоспағанда, лауазымдық міндеттерін орындауына байланысты сыйақыларды, сыйлықтарды, көрсетілетін қызметтерді немесе өзге де игіліктерді қабылдамайды; - лауазымдық міндеттерін орындау кезінде жекелеген жеке және заңды тұлғаларға артықшылық бермейді; - дөрекілік, біржақтылық, негізсіз бюрократизм және әуре-сарсаңға салу көріністеріне жол бермейді; - азаматтардың, заңды тұлғалар өкілдерінің және Мемлекеттік орган қызметкерлерінің ар-намысы мен қадір-қасиетін құрметтейді; - жеке сипаттағы мәселелерді шешу кезінде ұйымдардың, Мемлекеттік орган қызметкерлерінің және өзге де адамдардың қызметіне құқыққа сыйымсыз ықпал ету үшін өзінің лауазымдық жағдайын пайдаланбайды; - көрінеу анық емес мәліметтерді таратпайды; - жеке және заңды тұлғаларға ақпаратты Қазақстан Республикасының заңнамасында көзделген жағдайларда және тәртіппен ұсынады; - негізделген сын айтқаны үшін адамдарды қудалауға жол бермейді және кемшіліктерді жою, сондай-ақ жұмыстың тиімділігін арттыру мақсатында сындарлы сынды пайдаланады; - құқықтық және сыбайлас жемқорлыққа қарсы мәдениеттің жоғары деңгейін қамтамасыз етеді және оның Мемлекеттік орган қызметкерлері арасында қалыптастырылуына жәрдемдеседі; - Мемлекеттік органның мүдделеріне қайшы келетін, жекелеген адамдарға табыс алу мақсатында кәсіпкерлік немесе өзге де қызметті жүзеге асыруға жәрдемдесуге бағытталған әрекеттерді жасамайды; - жеке пайда алу мақсатында лауазымдық өкілеттіктерді пайдалануға жол бермейді; - Қазақстан Республикасының мемлекеттік қызметшілерінің Әдеп кодексін және қызметтік мінез-құлыққа қатысты Қазақстан Республикасының заңнамасында белгіленген өзге де талаптарды тиісті қызметкерлерге қолданылатын бөлігінде сақтайды. 3-тарау. Басқарушылық және өзге де шешімдерді дайындау және қабылдау кезіндегі қағидалар Басқарушылық және өзге де шешімдерді өз құзыреті шегінде дайындау және қабылдау кезінде Мемлекеттік мекеменің қызметкерлері мен лауазымды адамдары: - өз функцияларын тек өздеріне берілген лауазымдық өкілеттіктер шегінде жүзеге асырады; - қабылданатын шешімдердің заңдылығын, негізділігін, объективтілігін және ашықтығын қамтамасыз етеді; - заңды негіздер болмаған жағдайда жекелеген жеке немесе заңды тұлғалардың мүдделері үшін шешімдер қабылдауға жол бермейді; - жеке және заңды тұлғаларға артықшылық бермейді және олардың ықпалына тәуелділікке жол бермейді; - өздеріне белгілі болған сыбайлас жемқорлық фактілері не сыбайлас жемқорлық құқық бұзушылығын жасауға көндіру фактілері туралы тікелей басшысына дереу хабарлайды; - лауазымдық міндеттерін объективті орындауға ықпал етуі мүмкін мүдделер қақтығысы немесе жеке мүдделілігі туындаған жағдайда, бұл туралы тікелей басшысына хабарлайды; - Қазақстан Республикасының заңнамасына сәйкес мүдделер қақтығысының алдын алу және оны реттеу жөнінде шаралар қабылдайды; - тікелей басшыда мүдделер қақтығысы туындаған жағдайда, жоғары тұрған басшылыққа жүгінеді; - лауазымдық міндеттерін орындауына байланысты құқыққа сыйымсыз пайда, сыйлықтар не өзге де артықшылықтар ұсыну туралы ұсыныстар алған жағдайда, бұл туралы басшылыққа дереу хабарлайды; - алынған тапсырманың заңдылығына күмән туындаған жағдайда, бұл туралы белгіленген тәртіппен тікелей басшысына дереу хабарлайды; - мүліктік немесе өзге де жеке пайда алу мақсатында әріптестеріне, басшыларына және өзге де лауазымды адамдарға қызметтік міндеттеріне қатысы жоқ қызметтер көрсетпейді; - бағынысты қызметкерлер арасында еңбек жүктемесінің біркелкі емес және негізсіз бөлінуіне жол бермейді; - бағынысты қызметкерлердің міндеттерін, құқықтарын, міндеттемелерін және өкілеттіктерінің көлемін нақты айқындайды; - қызметкерлердің қызмет нәтижелерін бағалау, көтермелеу және тәртіптік жазалау шараларын қолдану кезінде объективтілік пен әділдікті қамтамасыз етеді; - бағынысты қызметкерлердің қызметтік міндеттерін орындауына байланысты емес мәселелерді шешу кезінде оларға құқыққа сыйымсыз ықпал ету үшін өзінің лауазымдық жағдайын пайдаланбайды; - жеке мүдделіліктің ықпалымен шешімдер қабылдауға жол бермейді. 4-тарау. Мемлекеттік органның ішкі құжаттарының жобаларын әзірлеу кезіндегі қағидалар Мемлекеттік органның ішкі нормативтік және өзге де құжаттарының жобаларын әзірлеу кезінде: - азаматтар мен заңды тұлғалардың құқықтары, бостандықтары және заңды мүдделері ескеріледі; - құжаттар жобаларының Қазақстан Республикасының Конституциясына, заңдарына және өзге де нормативтік құқықтық актілеріне сәйкестігі қамтамасыз етіледі; - Мемлекеттік органның құзыреті шегінен шығатын ережелерді енгізуге жол берілмейді; - Мемлекеттік органның, жеке және заңды тұлғалардың заңды мүдделерін бұзуға жол берілмейді; - басқа құрылымдық бөлімшелердің қызметіне қатысты құжаттардың жобалары белгіленген тәртіппен тиісті құрылымдық бөлімшелермен келісуге жатады; - сыбайлас жемқорлық тәуекелдерінің туындауына жағдай жасайтын ережелерді енгізуге жол берілмейді; - заңнамада көзделген негіздерсіз жекелеген жеке немесе заңды тұлғалардың мүдделері үшін нормалар мен шешімдер қабылдауға жол берілмейді; - тұжырымдардың анық, нақты және бірмағыналы болуы, олардың еркін түсіндірілу мүмкіндігін болғызбауы қамтамасыз етіледі; - құжаттарды әзірлеу кезінде анықталған сыбайлас жемқорлық тәуекелдері ескеріледі және оларды барынша азайту жөнінде шаралар қабылданады. 5-тарау. Мемлекеттік сатып алуды жүзеге асыру кезіндегі қағидалар Мемлекеттік сатып алуды жүзеге асыру кезінде Мемлекеттік органның қызметкерлері мен лауазымды адамдары: - мемлекеттік сатып алу туралы Қазақстан Республикасының заңнамасын басшылыққа алады; - бюджет қаражатының ұтымды және тиімді пайдаланылуын қамтамасыз етеді; - Қазақстан Республикасының заңнамасында көзделген жағдайларда және тәртіппен әлеуетті өнім берушілердің мемлекеттік сатып алуға қатысуы үшін тең жағдайлар мен мүмкіндіктерді қамтамасыз етеді; - мемлекеттік сатып алу рәсімдерінің ашықтығын, айқындылығын және объективтілігін қамтамасыз етеді; - бәсекелестікті шектейтін негізсіз талаптар белгілеуге жол бермейді; - жекелеген әлеуетті өнім берушілерге негізсіз артықшылықтар беруге жол бермейді; - жеке мүдделері не жекелеген жеке немесе заңды тұлғалардың мүдделері үшін мемлекеттік сатып алу рәсімдеріне араласуға жол бермейді; - мемлекеттік сатып алуды жоспарлау, ұйымдастыру және өткізу кезінде мүдделер қақтығысына жол бермейді; - мүдделер қақтығысы туындаған жағдайда бұл туралы уақтылы хабарлайды және оны реттеу жөнінде шаралар қабылдайды; - Қазақстан Республикасының заңнамасына сәйкес қатысуы шектелген немесе оған тыйым салынған жағдайларда әлеуетті өнім берушілердің мемлекеттік сатып алуға қатысуына жол бермейді; - мемлекеттік сатып алуды жүзеге асыру кезінде Қазақстан Республикасының заңнамасында белгіленген шектеулерді, оның ішінде атқарушылық құжаттар бойынша орындалмаған міндеттемелердің болуы және әлеуетті өнім берушінің және (немесе) ол тартатын қосалқы мердігердің (бірлесіп орындаушының) Борышкерлердің бірыңғай тізіліміне енгізілуіне байланысты шектеулерді ескереді; - мемлекеттік сатып алуды жүзеге асыруға байланысты алынған қызметтік ақпаратты жеке мақсаттарда не жекелеген әлеуетті өнім берушілердің мүдделері үшін пайдаланбайды; - Қазақстан Республикасының заңнамасында белгіленген тәртіппен мемлекеттік сатып алу процесіндегі шешімдер мен әрекеттердің құжаттамалық тіркелуін қамтамасыз етед. 6-тарау. Мемлекеттік органның қызметінде туындайтын өзге де қатынастар кезіндегі мінез-құлық қағидалары Жеке және заңды тұлғалармен, мемлекеттік органдармен, ұйымдармен және Мемлекеттік органның қызметкерлерімен өзара іс-қимыл жасау кезінде: - өтініштер мен сұрау салуларды қабылдаудан негізсіз бас тартуға жол берілмейді; - өтініштерді қарау мерзімдерін созбалаңға салуға және негізсіз ұзартуға жол берілмейді; - Мемлекеттік органның құзыреті шегінде және Қазақстан Республикасының заңнамасында белгіленген тәртіппен анық және толық ақпарат беріледі; - азаматтар мен заңды тұлғалардың құқықтарын, бостандықтары мен заңды мүдделерін сақтау және қорғау қамтамасыз етіледі; - жеке және заңды тұлғалардың өтініштері Қазақстан Республикасының заңнамасында белгіленген тәртіппен және мерзімдерде қаралады; - дөрекілікке, адамның қадір-қасиетін қорлауға, әдепсіздікке және әдепке жатпайтын мінез-құлыққа жол берілмейді; - жеке мүліктік немесе мүліктік емес пайда алу үшін лауазымдық өкілеттіктерді пайдалануға жол берілмейді; - кадрларды туыстық, жерлестік, жеке берілгендік белгілері бойынша және өзге де қызметтік емес негіздер бойынша іріктеуге және орналастыруға жол берілмейді; - кадрларды іріктеу және орналастыру кезінде кәсібилік, құзыреттілік және меритократия қағидаттарының сақталуы қамтамасыз етіледі; - анық орындалмайтын тапсырмаларды, қызметкердің лауазымдық міндеттеріне қатысы жоқ тапсырмаларды, сондай-ақ Қазақстан Республикасының заңнамасына қайшы келетін тапсырмаларды беруге жол берілмейді; - Мемлекеттік орган қызметкерлерін жеке, қызметтен тыс тапсырмалар мен міндеттерді орындауға тартуға жол берілмейді; - Мемлекеттік орган қызметкерлерінің бағынысты қызметкерлермен немесе өздеріне қызметтік тәуелділіктегі адамдармен мүліктік сипаттағы құмар ойындарға қатысуына жол берілмейді; - Қазақстан Республикасының мемлекеттік қызметшілерінің Әдеп кодексінің және қызметтік мінез-құлықты реттейтін өзге де нормативтік құқықтық актілердің талаптары сақталады; - сыбайлас жемқорлық құқық бұзушылықтарының өздеріне белгілі болған фактілері туралы Мемлекеттік органның басшылығына, ал заңнамада көзделген жағдайларда құқық қорғау органдарына дереу хабарланады; - тәртіптік, әкімшілік және қылмыстық құқық бұзушылықтар жасауға жол берілмейді; - басшылардың заңды тапсырмалары, сондай-ақ Мемлекеттік органның лауазымды адамдарының өз құзыреті шегінде шығарған бұйрықтары мен өкімдері орындалады; - Қазақстан Республикасының заңнамасында көзделген жағдайларды қоспағанда, Мемлекеттік орган қызметкерлерінің жеке өмірі, ар-намысы мен қадір-қасиеті туралы мәліметтер жария етілмейді; - Қазақстан Республикасының заңнамасында белгіленген шектеулер мен тыйымдар сақталады. 7-тарау. Мүдделер қақтығысының алдын алу және оны реттеу Мүдделер қақтығысының алдын алу мақсатында Мемлекеттік мекеменің қызметкерлері: - жеке мүдделері мен лауазымдық міндеттерін тиісінше орындауы арасында мүдделер қақтығысының туындауына жол бермейді; - мүдделер қақтығысы туындаған немесе оның туындауына әкеп соғуы мүмкін мән-жайлар пайда болған жағдайда, бұл туралы тікелей басшысына уақтылы хабарлайды; - егер заңнамада өзгеше көзделмесе, жеке мүдделілігі бар мәселелерді қарауға және олар бойынша шешімдер қабылдауға қатыспайды; - мүдделер қақтығысының туындау себептері мен жағдайларын жою жөнінде шаралар қабылдайды; - тікелей басшыда мүдделер қақтығысы туындаған жағдайда, бұл туралы жоғары тұрған басшылыққа хабарлайды. 8-тарау. Сыбайлас жемқорлық көріністері туралы хабарлау Мемлекеттік органның қызметкері сыбайлас жемқорлық құқық бұзушылығының жасалғаны немесе жасалуы мүмкін екені, құқыққа сыйымсыз пайда алуға көндіру, сыйлық не лауазымдық міндеттерін орындауына байланысты өзге де пайда ұсыну фактілері өзіне белгілі болған жағдайда, бұл туралы Қазақстан Республикасының заңнамасында белгіленген тәртіппен Мемлекеттік органның басшылығына және (немесе) тиісті мемлекеттік органдарға дереу хабарлауға міндетті. Мемлекеттік органның қызметкерлері Қазақстан Республикасының заңнамасында белгіленген жағдайларда және тәртіппен ықтимал сыбайлас жемқорлық көріністері туралы адал ниетпен хабарлағаны немесе сыбайлас жемқорлықтың алдын алу жөніндегі іс-шараларға қатысқаны үшін қудалауға ұшырамауға тиіс. Сыбайлас жемқорлыққа қарсы стандарт Мемлекеттік мекеме қызметкерлерінің лауазымдық міндеттерін орындауы және өз құзыреті шегінде қызметін жүзеге асыруы кезінде қолданылуға жатады. Мемлекеттік мекеменің басшысы қызметкерлердің Сыбайлас жемқорлыққа қарсы стандартпен танысуын қамтамасыз етеді және оны іске асыру жөнінде шаралар қабылдайды. Сыбайлас жемқорлыққа қарсы стандарттың сақталуын бақылауды Мемлекеттік мекеменің басшысы берілген өкілеттіктері шегінде жүзеге асырады. Қазақстан Республикасының заңнамасы өзгерген жағдайда, осы Сыбайлас жемқорлыққа қарсы стандарттың ережелері қолданыстағы заңнамаға сәйкес келтірілуге жатады. Сыбайлас жемқорлыққа қарсы стандарт Мемлекеттік мекеме басшысының тиісті актісімен бекітіледі және белгіленген тәртіппен ресми интернет-ресурста орналастырылуға жатады.

    Жарияланды:
    Қағида

    «Маңдайшаны республикалық маңызы бар қалада, астанада, облыстық және аудандық маңызы бар қалада, ауылда, кентте орналастыруды келісу» мемлекеттік қызмет көрсетуге қойылатын негізгі талаптар тізбесі

    «Маңдайшаны республикалық маңызы бар қалада, астанада, облыстық және аудандық маңызы бар қалада, ауылда, кентте орналастыруды келісу»мемлекеттік қызмет көрсетуге қойылатын негізгі талаптар тізбесі 1. Көрсетілетін қызметті берушінің атауы 1) республикалық маңызы бар қалада, астанада - республикалық маңызы бар қаланың, астананың жергілікті атқарушы органы; 2) облыстық және аудандық маңызы бар қалада, ауылда, кентте - облыстық маңызы бар қаланың, ауданның жергілікті атқарушы органы. 2. Мемлекеттік көрсетілетін қызметтің кіші түрінің (бар болса) атауы жоқ 3. Мемлекеттік қызметті және оның кіші түрлерін (бар болса) көрсету тәсілдері Өтінішті қабылдау және мемлекеттік қызметті көрсету нәтижесін беру: 1) көрсетілетін қызметті берушінің кеңсесі; 2) "цифрлық үкіметтің" www.egov.kz веб-порталы (бұдан әрі - Портал) арқылы жүзеге асады. 4. Мемлекеттік қызметті және оның кіші түрлерін (бар болса) көрсету мерзімі Құжаттар қабылданған күннен бастап 4 (төрт) жұмыс күні. 5. Мемлекеттік қызметті және оның кіші түрлерін (бар болса) көрсетудің нысаны Электрондық/ішінара цифрландырылған және қағаз түрінде. 6. Мемлекеттік қызметті және оның кіші түрлерін (бар болса) көрсету нәтижесі Маңдайша эскизін келісу не мемлекеттік қызмет көрсетуден бас тарту туралы дәлелді жауап. 7. Мемлекеттік қызметті және оның кіші түрлерін (бар болса) көрсету кезінде көрсетілетін қызметті алушыдан алынатын төлемақы мөлшері және Қазақстан Республикасының заңнамасында көзделген жағдайларда оны алу тәсілдері Тегін. 8. Көрсетілетін қызметті берушінің, Мемлекеттік корпорацияның жұмыс графигі 1) көрсетілетін қызметті беруші - Қазақстан Республикасының Еңбек кодексіне сәйкес демалыс және мереке күндерін қоспағанда, дүйсенбіден бастап жұманы қоса алғанда, белгіленген жұмыс кестесіне сәйкес (Астана қаласы сағат 12.00-ден 13.30-ға дейінгі түскі үзіліспен сағат 07.30-дан 17.00-ге дейін; Алматы облысы сағат 12.30-дан 14.00-ге дейінгі түскі үзіліспен сағат 08.00-ден 17.30-ға дейін; Шығыс Қазақстан облысы сағат 12.00-ден 13.30-ға дейінгі түскі үзіліспен сағат 08.00-ден 17.30-ға дейін; Ақтөбе облысы 12.30-дан 13.30-ға дейінгі түскі үзіліспен сағат 08.30-дан 17.30-ға дейін; Алматы қаласы сағат 12.30-дан 14.00-ге дейінгі түскі үзіліспен сағат 08.30-дан 18.00-ге дейін; Маңғыстау облысы сағат 12.30-дан 14.00-ге дейінгі түскі үзіліспен сағат 09.00-ден 18.30-ға дейін; Жетісу облысы, Атырау облысы, Қарағанды облысы, Солтүстік Қазақстан облысы, Абай облысы, Жамбыл облысы, Батыс Қазақстан облысы, Ұлытау облысы, Ақмола облысы, Қостанай облысы, Павлодар облысы сағат 13.00-ден 14.30-ға дейінгі түскі үзіліспен сағат 09.00-ден 18.30-ға дейін; Түркістан облысы, Қызылорда облысы, Шымкент қаласы 13.00-ден 15.00-ге дейінгі түскі үзіліспен сағат 09.00-ден 19.00-ге дейін); 2) Портал – жөндеу жұмыстарын жүргізуге байланысты техникалық үзілістерді қоспағанда, тәулік бойы (көрсетілетін қызметті алушы Қазақстан Республикасының еңбек заңнамасына сәйкес жұмыс уақыты аяқталғаннан кейін, демалыс және мереке күндері жүгінген кезде өтінішті қабылдау және мемлекеттік қызмет көрсету нәтижесін беру келесі жұмыс күні жүзеге асырылады). 9. Мемлекеттік қызметті және оның кіші түрлерін (бар болса) көрсету үшін көрсетілетін қызметті алушыдан талап етілетін құжаттар мен мәліметтердің тізбесі Көрсетілетін қызметті берушінің кеңсесі арқылы: 1) Қағидаларға 2-қосымшаға сәйкес өтініш; 2) маңдайша эскизі; 3) көрсетілетін қызметті алушының жеке басын куәландыратын құжат және (немесе) цифрлық құжаттар сервисінен электрондық құжат (жеке басын сәйкестендіру үшін талап етіледі). Портал арқылы: 1) Қағидаларға 2-қосымшаға сәйкес тапсырыс берушінің электрондық цифрлық қолтаңбасымен куәландырылған электрондық өтініш; 2) маңдайша эскизінің электрондық көшірмесі. Көрсетілетін қызметті алушының жеке басын куәландыратын құжат туралы ақпаратты көрсетілетін қызметті беруші мемлекеттік цифрлық жүйелерден Портал арқылы алады. 10. Мемлекеттік қызметті және оның кіші түрлерін (бар болса) көрсетуден бас тарту үшін Қазақстан Республикасының заңдарында белгіленген негіздер 1) көрсетілетін қызметті алушының мемлекеттік көрсетілетін қызметті алу үшін ұсынған құжаттардың және (немесе) олардағы деректердің (мәліметтердің) анық еместігін анықтау; 2) көрсетілетін қызметті алушының және (немесе) мемлекеттік қызмет көрсету үшін қажетті ұсынылған материалдардың, объектілердің, деректердің және мәліметтердің "Қазақстан Республикасындағы тіл туралы" Қазақстан Республикасы заңында белгіленген талаптарға сәйкес келмеуі; 3) уәкілетті мемлекеттік органның мемлекеттік қызмет көрсету үшін қажетті келісімі туралы сұрау салуға берілген теріс жауап, сондай-ақ сараптаманың, зерттеудің не тексерудің теріс қорытындысы; 4) көрсетілетін қызметті алушыға қатысты оның қызметіне немесе мемлекеттік көрсетілетін қызметті алуды талап ететін жекелеген қызмет түрлеріне тыйым салу туралы соттың заңды күшіне енген шешімінің (үкімінің) болуы; 5) көрсетілетін қызметті алушыға қатысты соттың заңды күшіне енген үкімінің болуы, оның негізінде көрсетілетін қызметті алушының мемлекеттік көрсетілетін қызметті алумен байланысты арнаулы құқығынан айырылуы; 6) көрсетілетін қызметті алушының мемлекеттік қызмет көрсету үшін талап етілетін, "Дербес деректер және оларды қорғау туралы" Қазақстан Республикасы Заңының 8-бабына сәйкес берілетін қолжетімділігі шектеулі дербес деректерге қол жеткізуге келісімінің болмауы. 11. Мемлекеттік қызметті, оның ішінде электрондық нысанда және Мемлекеттік корпорация арқылы көрсету ерекшеліктері ескеріле отырып қойылатын өзге де талаптар Көрсетілетін қызметті алушының электрондық цифрлық қолтаңбасы болған жағдайда мемлекеттік көрсетілетін қызметті Портал арқылы электрондық нысанда алуға мүмкіндігі бар. Көрсетілетін қызметті алушының көрсетілетін қызметті берушінің анықтамалық қызметтері бойынша, сондай-ақ "1414", 8-800-080-7777 Бірыңғай байланыс орталығы арқылы мемлекеттік қызмет көрсету тәртібі мен мәртебесі туралы ақпарат алуға мүмкіндігі бар.

    Жарияланды: