2023 жылғы 30 маусымдағы №287 бұйрықпен бекітілген Қағидаларға сәйкес, мүгедектігі бар адамдарды абилитациялау мен оңалтудың жеке бағдарламасына сәйкес арнайы жүріп-тұру құралдарымен қамтамасыз ету, оның ішінде оларды ауыстыру мерзімдері №2 қосымшада көзделген.
Медициналық көрсетілімдерге сәйкес кресло-арбалардың 7 түрі қарастырылған. Осы ретте қолмен басқарылатын базалық бөлмелік/серуендеу кресло-арбасына тоқталайық.
Қолмен басқарылатын базалық бөлмелік/серуендеу кресло-арбасымен қамтамасыз етуге медициналық көрсетілімдер:
Жүру қабілетінің ауыр немесе абсолютті бұзылыстарының болуы:
1. қанайналым жеткіліксіздігінің III дәрежесі;
2. өкпе-жүрек жеткіліксіздігінің III дәрежесі (тек бөлмелік кресло-арбаға);
3. гемиплегия, айқын немесе күрт айқындалған гемипарез, айқын гемипарез;
4. айқын гемипарез (тек серуендеу кресло-арбасына);
5. параплегия, айқын төменгі парапарез;
6. триплегия, айқын трипарез;
7. тетраплегия, айқын тетрапарез;
8. күрт айқындалған атаксия, гиперкинетикалық-амиостатикалық синдром;
9. екі балтырдың немесе одан жоғары деңгейдегі ампутациядан кейінгі культялар;
10. төменгі аяқ-қол буындары функциясының IV дәрежедегі бұзылыстары;
11. қозғалу функциясының күрт айқындалған бұзылуымен қатар жүретін төменгі аяқ-қолдардың туа біткен даму аномалиялары;
12. паркинсонизмнің акинетикалық-регидті түрі.
Қолмен басқарылатын базалық бөлмелік/серуендеу кресло-арбасымен қамтамасыз етуге медициналық қарсы көрсетілімдер:
* отыру жағдайында патологиялық процестің үдеуіне әкелетін аурулар мен жарақаттардың салдары;
* сана, бағдарлану, интеллектуалдық функциялар немесе мотивация функциясының абсолютті бұзылыстарының болуы;
* екі қолдың да пайдалану функцияларының ауыр немесе абсолютті бұзылыстары;
* көру мүшесі функциясының абсолютті бұзылыстары: коррекциямен жалғыз немесе жақсы көретін көздің көру өткірлігінің 0–0,03 болуы және/немесе көру өрісінің концентрлік түрде 10 градусқа дейін тарылуы.
