РЕСПУБЛИКА КҮНІ ҚАРСАҢЫНДА АУДАНДА ЖАППАЙ СЕНБІЛІК ӨТТІ

Республика күні қарсаңында ауданда қоршаған ортаны тазарту, көгалдандыру және абаттандыру мақсатында жаппай сенбілік ұйымдастырылды.

🔹 Игі шараға ауданның мемлекеттік мекемелері мен кәсіпорындарының қызметкерлері белсенді қатысып, туған өлкенің тазалығы мен көркеюіне өз үлестерін қосты.

🔹 Сенбілік аясында Тәуелсіздік саябағында аудан әкімі Айбек Купенов пен еңбек ардагерлері, құқық қорғау органдарының басшыларының қатысуымен тал егу акциясы өтті. Шараны аудандық орман шаруашылығы мекемесі, Жастар ресурстық орталығы және аудандық мәдениет үйі бірлесіп ұйымдастырды.

🔹 Сонымен қатар «Туған жер» стелласы маңында тал егіліп, аудан көшелері мен қоғамдық орындар қоқыстан тазартылып, ретке келтірілді.

🌱 Мұндай игі бастамалар ауданның көркеюіне, экологиялық мәдениетті қалыптастыруға және туған жерге деген жанашырлықты арттыруға бағытталған.