1 / 5
Байғанин ауданының әкімі Айбек Купенов Қызылбұлақ ауылдық округіне қарасты Жаңатаң ауылының тұрғындарымен кездесті.
🔹Кездесу барысында ауылдық округ әкімі атқарылған жұмыстар туралы баяндап, жиын сұрақ-жауап форматында жалғасты.
🔹Тұрғындар кездесу кезінде бірқатар өзекті мәселелерді көтерді. Атап айтқанда, Жаңатаң мен Кеңқияқ ауылдарының арасындағы жолды күтіп ұстау, жолды тегістеп, тазалау мәселесі айтылды. Сонымен қатар, қыс мезгілінде маңайдағы компаниялардың жолдарды қардан тазартуға қолдау көрсетуі қажеттігі сөз болды.
🔹Кездесу қорытындысында аудан әкімі көтерілген мәселелерді назарға алып, тиісті мекемелермен бірлесіп қарастыру және оларды шешу бағытында жұмыстар жүргізу қажеттігін атап өтті.
