Мектепке дейінгі ұйымдарды лицензиялау мәселелері талқыланды

20 қазан күні Ақтөбе облысының кәсіпкерлер палатасы жанындағы Әйелдер кәсіпкерлігін дамыту жөніндегі салалық кеңестің отырысы өтті.
Кездесуге Департаменттің білім беру қызметін лицензиялау бөлімінің басшысы Е.Каратаев пен бас маманы Л.Кализина, облыстық санитариялық-эпидемиологиялық бақылау департаменті басшысының орынбасары Ж.Кульманов, облыстық төтенше жағдайлар департаменті Мемлекеттік өрт бақылау басқармасы бастығының орынбасары Ж.Шалгинбаев және облыстық экономика және жоспарлау басқармасының Әлеуметтік саланы қаржыландыруды жоспарлау бөлімінің басшысы М.Кустуртова қатысты.
Отырыс барысында жеке мектепке дейінгі ұйымдарды лицензиялау мәселесіне ерекше назар аударылды. Сондай-ақ жоғары және жоғары оқу орнынан кейінгі білім беру ұйымдарын қоспағанда, мектепке дейінгі, бастауыш, негізгі орта, жалпы орта, техникалық және кәсіптік білім беру ұйымдарының қызметіне қойылатын біліктілік талаптары түсіндірілді.
Кәсіпкерлердің сұрақтарына жауап беріліп, білім беру қызметін лицензиялау кезінде ескерілетін негізгі талаптар мен рәсімдер бойынша түсіндіру жұмыстары жүргізілді.