ҚҚС БОЙЫНША ТІРКЕУ ЕСЕБІНЕ ТҰРУ: ӨТІНІШТІ ҚАШАН БЕРУ ҚАЖЕТ?

2026 жылғы 1 қаңтардан бастап Қазақстанда қосылған құн салығы (ҚҚС) бойынша міндетті тіркеудің жаңа қағидалары қолданысқа енгізілді.
ҚАНДАЙ ШЕК БЕЛГІЛЕНГЕН?
2026 жылы ҚҚС бойынша міндетті тіркеу есебіне тұру шегі 10 000 АЕК (43 250 000 теңге) мөлшерінде белгіленген.
ӨТІНІШТІ ҚАШАН БЕРУ ҚАЖЕТ?
Белгіленген айналым шегінен асқан күннен бастап 5 жұмыс күні ішінде.
Егер жасалатын мәміле нәтижесінде белгіленген шектен асатыны алдын ала белгілі болса, мәміле бойынша айналым жасалғанға дейін.
ӨТІНІШТІ ҚАЛАЙ БЕРУГЕ БОЛАДЫ?
Өтінішті Салық төлеушінің кабинеті (ИСНА) арқылы электрондық түрде беруге болады.
ҚҚС БОЙЫНША ТІРКЕЛУ КІМДЕРГЕ МІНДЕТТІ ЕМЕС?
Арнаулы салық режимдерін қолданатын салық төлеушілер ҚҚС бойынша тіркеу есебіне қоюға жатпайды.
МЕРЗІМ БҰЗЫЛҒАН ЖАҒДАЙДА НЕ БОЛАДЫ?
ҚҚС бойынша тіркеу есебіне уақтылы тұрмағаны үшін әкімшілік жауапкершілік көзделген.
МАҢЫЗДЫ!
Салық төлеушілерге айналым мөлшерін тұрақты бақылап, белгіленген шектен асқан жағдайда өтінішті уақтылы беру ұсынылады.
Құқықтық негіз: Қазақстан Республикасы Салық кодексінің 99 және 101-баптары.
#законипорядок
#заңментәртіп