memleket.kz

    Ұлытау облысы бойынша мемлекеттік кірістер департаменті

    Департамент туралы

    Қазақстан Республикасы Қаржы министрлігі Мемлекеттік кірістер комитетінің Ұлытау облысы бойынша Мемлекеттік кірістер департаменті (бұдан әрі – Департамент) кеден ісі саласындағы мемлекеттік басқару және бақылау, салықтардың, кеден және бюджетке төленетiн басқа да мiндеттi төлемдердiң түсуiн, әлеуметтік төлемдерді есептеудің, ұстаудың, аударудың толықтығымен уақыттылығын қамтамасыз ету.

    Жаңалықтар

    Барлық жаңалықтар
    Ашу

    Мобильді аударымдар бойынша сұрақ-жауап

    Ашу

    2026 ЖЫЛЫ САЛЫҚТЫҚ ТЕКСЕРУЛЕРДІ ЖҮРГІЗУ ТӘРТІБІ ЖӘНЕ САЛЫҚ ТӨЛЕУШІЛЕРДІҢ ҚҰҚЫҚТАРЫ

    Ашу

    КӘСІПКЕРЛЕРМЕН КЕЗДЕСУ

    Ашу

    Шоттарды бұғаттау: шығыс операцияларын не үшін тоқтата тұрады және оны қалай шешуге болады

    Ашу

    9 АЙДЫҢ ҚОРЫТЫНДЫСЫ БОЙЫНША АЛҚА ОТЫРЫСЫ ӨТТІ

    Ашу

    ЗАҢДЫ ТҰЛҒАЛАР НАЗАРЫНА! 2026 ЖЫЛҒЫ 1 ҚАРАШАДАН БАСТАП ЖАҢА ШЕКТЕУЛЕР ЕНГІЗІЛДІ

    Сұрақ-жауап

    Барлық сұрақтар
    Сұрақ

    Тауарлар шығарылғаннан кейін кедендік декларацияға қандай жағдайларда түзетулер енгізіледі?

    Жауап

    Тауарларға арналған декларацияда көрсетілген мәліметтерге өзгерістер немесе толықтырулар тауарлар шығарылғаннан кейін ЕАЭО кеден заңнамасында белгіленген жағдайларда және тәртіппен енгізілуі мүмкін. Мұндай қажеттілік, мысалы, тауардың сыныптамасына, кедендік құнына, шығу тегіне немесе кедендік төлемдер мен салықтарды есептеуге әсер ететін мәліметтерде қателер анықталған жағдайда туындауы мүмкін.

    Сұрақ

    Салық төлеуші салық берешегінің бар-жоғын қалай тексере алады?

    Жауап

    Салық берешегінің бар-жоғын Мемлекеттік кірістер комитетінің ресми порталы, Салық төлеушінің кабинеті , eGov порталы мен мобильді қосымшасы, сондай-ақ тиісті қызметті ұсынатын екінші деңгейдегі банктердің мобильді қосымшалары арқылы тексеруге болады.

    Сұрақ

    Салық берешегін төлеу бойынша кейінге қалдыру немесе бөліп төлеу мүмкіндігін алуға бола ма?

    Жауап

    Иә. Негіздер болған жағдайда салық төлеуші салық міндеттемесін орындау мерзімін кейінге қалдыру немесе бөліп төлеу түрінде өзгертуге өтініш беруге құқылы. Шешім Салық кодексінің талаптары, берешек сомасы, кейінге қалдыру немесе бөліп төлеу мерзімі және көзделген жағдайларда қамтамасыз етудің болуы ескеріле отырып қабылданады.

    Сұрақ

    Артық төленген салық сомаларын қайтару немесе есепке жатқызу қандай мерзімде жүзеге асырылады?

    Жауап

    2026 жылдан бастап артық төленген (өндіріп алынған) салықтар, бюджетке төленетін төлемдер мен өсімпұлдар сомаларын есепке жатқызу және қайтару салық заңнамасында белгіленген тәртіппен жүзеге асырылады. Егер заңнамада өзге мерзім көзделмесе, тиісті салықтық өтінішті қарау және орындаудың жалпы мерзімі 5 жұмыс күнін құрайды.

    Сұрақ

    Тауарларды кедендік транзит кедендік рәсімімен орналастыру кезінде қандай негізгі талаптарды сақтау қажет?

    Жауап

    Тауарларды кедендік транзит кедендік рәсімімен орналастыру кезінде ЕАЭО және Қазақстан Республикасының кеден заңнамасында белгіленген талаптарды сақтау қажет. Көзделген жағдайларда әкелу кедендік баждары мен салықтарын төлеу жөніндегі міндеттің орындалуын қамтамасыз ету, сондай-ақ тауарларды тасымалдау және сәйкестендіру талаптарын сақтау қажет.

    Сұрақ

    Қандай жағдайларда электрондық шот-фактураларды жазып беру тоқтатылуы мүмкін?

    Жауап

    Электрондық шот-фактураларды жазып беру салық заңнамасында көзделген жағдайларда, оның ішінде салықтық әкімшілендірудің жекелеген шараларын қолдану кезінде шектелуі немесе тоқтатылуы мүмкін. Оның себебін анықтау үшін мемлекеттік кірістер органдары жіберген хабарламалар мен ақпараттық жүйелердегі мәліметтерді тексеру қажет.

    Құжаттар

    Барлық құжаттар
    Есеп

    2026 ж. 2 тоқсанда Ұлытау облысы бойынша Мемлекеттік кірістер басқармасымен көрсетілген мемлекеттік қызметтер

    Ұлытау облысы бойынша мемлекеттік кірістер департаментінің көрсетілген мемлекеттік қызметтер туралы қапарат: Жалпы 2026 жылдың 2 тоқсаны бойынша 20 080 қызмет көрсетілді оның ішінде қағаз жүзінде- 12 ақпараттық жүйелер арқылы, қызмет берушінің тікелей қатынауынсыз – 19 504 Электронды түрде «Электрондық үкімет» веб-порталы арқылы – 550 «Е-лицензирование» ақпараттық жүйесі арқылы – 14

    Жарияланды:
    Есеп

    2026 ж. 3тоқсанда Жезқазған қаласы бойынша Мемлекеттік кірістер басқармасымен көрсетілген мемлекеттік қызметтер

    Жалпы 2026 жылдың 9 айына 39 198 қызмет көрсетілді. Заңды тұлғаларға 9 552 қызмет, жеке тұлғаларға 25 646 қызмет, оның ішінде -қағаз жүзінде -27 қызмет; -ақпараттық жүйелер арқылы , қызмет берушінің тікелей қатысуынсыз- 38 540 қызмет; -электронды түрде «Электрондық үкімет» веб-порталы арқылы- 631 қызмет.

    Жарияланды:
    Есеп

    2026 ж 3 тоқсан. Ұлытау облысы бойынша Мемлекеттік кірістер басқармасының мемлекеттік қызметтер

    Ұлытау облысы бойынша мемлекеттік кірістер департаментінің көрсетілген мемлекеттік қызметтер туралы қапарат: Жалпы 2026 жылдың 3 тоқсаны бойынша 19 520 қызмет көрсетілді оның ішінде қағаз жүзінде- 22 ақпараттық жүйелер арқылы, қызмет берушінің тікелей қатынауынсыз – 18 848 Электронды түрде «Электрондық үкімет» веб-порталы арқылы – 6 31 «Е-лицензирование» ақпараттық жүйесі арқылы – 19

    Жарияланды:
    Ақпарат

    2026 жылғы акциз мөлшерлемелері: негізгі өзгерістер

    2026жылғы акциз мөлшерлемелері:негізгі өзгерістер 2026 жылғы 1 қаңтардан бастап акцизделетін тауарлардың жекелеген түрлері бойынша мөлшерлемелер өзгеріп, акциз салынатын тауарлар тізбесі кеңейтілді. Мөлшерлемелер Салық кодексінің 537-бабында белгіленген. Энергетикалық сусындарға акциз енгізілді 2026 жылы мөлшерлеме 1 литр үшін 100 теңгені құрайды. Алдағы жылдары ол кезең-кезеңімен өседі: Жыл 1 литрге акциз 2026 100 теңге 2027 140 теңге 2028 180 теңге 2029 200 теңге 2030 жылдан бастап 240 теңге Бұл — 2026 жылдан бастап енгізілген жаңа акциз түрі. Алкоголь өнімдеріне қолданылатын негізгі мөлшерлемелер Өнім түрі Акциз мөлшерлемесі Алкоголь өнімдері, шарапты, шарап материалын, сыра мен сыра сусынын қоспағанда 100 пайыздық спирттің 1 литріне 2 805 теңге Шарап 1 литрге 38 теңге Сыра және сыра сусыны 1 литрге 99 теңге Этил спиртінің көлемдік үлесі 0,5 пайыздан аспайтын сыра және сыра сусыны 1 литрге 0 теңге Назар аударыңыз: 2 805 теңге мөлшерлемесі дайын сусынның бір литріне емес, оның құрамындағы 100 пайыздық спиртке шаққанда қолданылады. Темекі өнімдерінің мөлшерлемелері 2026 жылғы 1 қаңтардан 31 желтоқсанға дейін: Өнім түрі Акциз мөлшерлемесі Сүзгілі және сүзгісіз сигареттер, папиростар, сигариллалар 1 000 данаға 18 051 теңге Сигаралар 1 данаға 825 теңге Тұтынушылық қаптамадағы түтік, шегетін, қорқор және өзге темекі 1 килограмға 15 863 теңге Қыздырылатын темекісі бар бұйымдар 1 000 данаға 11 230 теңге Темекі өнімдерінің бірқатар түрлері бойынша кейінгі жылдарға арналған мөлшерлемелер де белгіленген. Қымбат көлік құралдарына 10 пайыздық акциз Сатып алу құны белгіленген шекке жететін немесе одан асатын көлік құралдарына құнының 10 пайызы мөлшерінде акциз қарастырылған: — жеңіл автомобильдерге — 18 000 АЕК-тен бастап;— кемелерге — 24 000 АЕК-тен бастап;— әуе кемелеріне — 24 000 АЕК-тен бастап. 2026 жылғы АЕК — 4 325 теңге болғанда, бұл шектер тиісінше 77 850 000 теңге және 103 800 000 теңгені құрайды. Акцизді есептеген кезде тауардың нақты түрін, өлшем бірлігін және тиісті кезеңге белгіленген мөлшерлемені ескеру қажет.

    Жарияланды:
    Ақпарат

    2026 жылғы салықтық тексерулердің түрлері: олардың айырмашылығы қандай?

    2026жылғы салықтық тексерулердің түрлері:олардың айырмашылығы қандай? 2026 жылғы 1 қаңтардан бастап Қазақстан Республикасында жаңа Салық кодексі қолданысқа енгізіліп, салықтық тексерулерді жүргізу тәртібіне өзгерістер енгізілді. Маңызды өзгерістердің бірі – салықтық тексерулерді жоспарлы және жоспардан тыс деп бөлу тәртібінің жойылуы. Бұл ретте салықтық тексерулердің төрт түрі сақталды. Қазақстан Республикасы Салық кодексінің 152-бабының 1-тармағына сәйкес салықтық тексерулер мынадай түрлерге бөлінеді. Кешенді салықтық тексеру Кешенді салықтық тексеру салық төлеушінің салықтардың, бюджетке төленетін төлемдердің және әлеуметтік төлемдердің барлық түрлері бойынша міндеттемелерін орындауын тексеруді көздейді. Мұндай тексеру барысында салық міндеттемелерінің дұрыс есептелуі, толық және уақтылы орындалуы қарастырылады. Кешенді тексеру тақырыптық тексерулерге жататын мәселелерді де қамтуы мүмкін. Құқықтық негізі: ҚР Салық кодексінің 155-бабы. Тақырыптық салықтық тексеру Тақырыптық салықтық тексеру салық міндеттемелерін орындаудың және салық органдарының бақылауына жататын заңнама талаптарын сақтаудың жекелеген мәселелері бойынша жүргізіледі. Мысалы, тексеру барысында мынадай мәселелер қарастырылуы мүмкін: қосылған құн салығын дұрыс есептеу және төлеу; жекелеген салық түрлері бойынша міндеттемелерді орындау; әлеуметтік төлемдерді толық және уақтылы аудару; Салық кодексінде көзделген басқа да мәселелер. Негізгі айырмашылығы: тақырыптық тексеру салық төлеушінің барлық салық міндеттемелерін емес, нақты мәселелерді қамтиды. Құқықтық негізі: ҚР Салық кодексінің 156-бабы. Қарсы салықтық тексеру Қарсы салықтық тексеру салық төлеушінің басқа тұлғалармен жүргізген операциялары туралы қосымша ақпарат алу мақсатында жүргізіледі. Мысалы, тексеру барысында контрагентпен жасалған шаруашылық операцияларының нақты жүзеге асырылғанын растау қажет болған жағдайда, салық органы қарсы тексеру жүргізуі мүмкін. Оның негізгі мақсаты – салық төлеушілер арасындағы операциялар туралы мәліметтердің дұрыстығын анықтау. Құқықтық негізі: ҚР Салық кодексінің 157-бабы. Хронометраждық зерттеп-қарау Хронометраждық зерттеп-қарау салық төлеушінің нақты кірістерін және кіріс алуға бағытталған қызметіне байланысты шығындарын анықтау мақсатында жүргізіледі. Зерттеп-қарау барысында мемлекеттік кірістер органдары белгілі бір кезеңдегі кәсіпкерлік қызметтің нақты көрсеткіштерін зерделейді. Алынған нәтижелер салықтық тәуекелдерді басқару жүйесінде пайдаланылады, сондай-ақ кешенді немесе тақырыптық тексерулердің нәтижелері бойынша салықтарды есептеу кезінде ескеріледі. Құқықтық негізі: ҚР Салық кодексінің 158-бабы. Салықтық тексерулердің негізгі айырмашылықтары Тексеру түрі Негізгі мақсаты Кешенді тексеру Барлық салықтық және әлеуметтік міндеттемелерді тексеру Тақырыптық тексеру Жекелеген салықтарды немесе нақты мәселелерді тексеру Қарсы тексеру Басқа тұлғалармен жүргізілген операциялар туралы мәліметтерді алу және растау Хронометраждық зерттеп-қарау Нақты кірістер мен шығындарды анықтау Салық төлеушілер нені білуі керек? Салықтық тексерулер заңнамада белгіленген негіздер болған жағдайда жүргізіледі. Тексеру жүргізу алдында мемлекеттік кірістер органы тиісті нұсқаманы ресімдейді. Онда тексерудің түрі, тексерілетін кезең және заңнамада көзделген басқа да қажетті мәліметтер көрсетіледі. Салық төлеушілер тексеруге қатысты құжаттармен танысуға, түсініктемелер беруге және тексеру нәтижелеріне белгіленген тәртіппен шағым жасауға құқылы. Құқықтық негізі: Қазақстан Республикасы Салық кодексінің 152–163-баптары.

    Жарияланды:
    Ақпарат

    Жеке тұлғалардың көлік құралдары салығы

    Көлік құралдары салығын кімдер төлейді? Қазақстан Республикасында меншік құқығында салық салу объектісі болып табылатын көлік құралдары бар жеке тұлғалар көлік құралдары салығын төлеушілер болып табылады. Салық салу объектілеріне жеңіл және жүк автомобильдері, автобустар, мотоциклдер және заңнамада белгіленген басқа да көлік құралдары жатады. Көлік құралдары салығы қалай есептеледі? Көлік құралдары салығы Қазақстан Республикасының Салық кодексінде белгіленген мөлшерлемелерге сәйкес есептеледі. Салық сомасы көлік құралының түріне, жеңіл автомобильдер үшін қозғалтқыш көлеміне, тиісті салық мөлшерлемесіне және көлік құралын иелену кезеңіне байланысты айқындалады. Салықты есептеу кезінде заңнамада көзделген жеңілдіктер мен ерекшеліктер ескеріледі. Салықты төлеу мерзімдері 2025 жыл үшін – 2026 жылғы 1 сәуірден кешіктірмей. 2026 жыл үшін – 2027 жылғы 1 сәуірден кешіктірмей. Көлік құралдары салығы есепті салық кезеңінен кейінгі жылдың 1 сәуірінен кешіктірілмей төленеді. Кімдер салықтық жеңілдіктерді пайдалана алады? Салық заңнамасында азаматтардың жекелеген санаттарына, оның ішінде мүгедектігі бар адамдарға, ардагерлерге және заңнамада белгіленген басқа да тұлғаларға көлік құралдары салығы бойынша жеңілдіктер қарастырылған. Жеңілдіктер көлік құралының түріне, санына және заңнамада белгіленген талаптарға сәйкес қолданылады. Салықты қалай тексеруге және төлеуге болады? Көлік құралдары салығының сомасын тексеруге, есептеуге және төлеуге келесі электрондық сервистер арқылы болады: e-Salyq Azamat мобильді қосымшасы; eGov.kz электрондық үкімет порталы; екінші деңгейдегі банктердің мобильді қосымшалары; мемлекеттік кірістер органдарының электрондық сервистері. Салық уақытылы төленбесе не болады? Белгіленген мерзімде көлік құралдары салығы төленбеген жағдайда салық берешегі қалыптасады және мерзімі өткен әрбір күн үшін өсімпұл есептеледі. Берешек өтелмеген жағдайда Қазақстан Республикасының заңнамасында көзделген мәжбүрлеп өндіріп алу шаралары қолданылуы мүмкін. Көлік құралын сатып алған немесе сатқан жағдайда салық қалай есептеледі? Егер көлік құралы жыл ішінде сатып алынған немесе сатылған болса, салық меншік құқығының нақты кезеңіне сәйкес есептеледі. Мысалы, көлік құралы жыл ортасында сатып алынса, салық толық жыл үшін емес, көлік құралына меншік құқығы болған тиісті кезең үшін есептеледі. Көлік құралы сатылған жағдайда салық міндеттемесін дұрыс есептеу үшін оның жаңа меншік иесінің атына ресми тіркелуі маңызды. 2026 жылдан бастап енгізілген өзгерістер 2026 жылғы 1 қаңтардан бастап көлік құралдары салығын есептеу тәртібіне өзгерістер енгізілді. Атап айтқанда, жеңіл автомобильдердің пайдалану мерзіміне қарай төмендетілген коэффициенттер қолданылады: 10 жылдан 20 жылға дейін (қоса алғанда) – 0,7 коэффициенті; 20 жылдан асқан жағдайда – 0,5 коэффициенті. Аталған коэффициенттер 2026 жылғы салық кезеңінен бастап қолданылады және 2027 жылы төленетін салық сомасына әсер етеді.

    Жарияланды: